Ag Sásamh Riachtanais Tithíochta an Lucht Siúil

Tá an Rialtas tiomanta do thithíocht chuí a chur ar fáil don Lucht Siúil.

Príomhfhíricí

• De réir Dhaonáireamh 2022, dúirt 32,949 duine in Éirinn go raibh siad ina mbaill den Lucht Siúil, sin thart ar 0.6% den daonra.
• Tá 12,367 teaghlach den Lucht Siúil in Éirinn:
  • Cónaíonn 79% i ngnáth-thithíocht
  • Cónaíonn 21% i dtithíocht a bhaineann go sonrach leis an Lucht Siúil, ar nós Scéimeanna Grúpthithíochta agus Láithreáin Stad

Cad atá á Dhéanamh

• Infheistíodh breis agus €100 milliún i dtithíocht a bhaineann go sonrach leis an Lucht Siúil idir 2020 agus 2024.
• Cuirfear €34 milliún eile ar fáil d’údaráis áitiúla chun leanúint leis an obair seo.
• Cabhraíonn na Cláir Chóiríochta don Lucht Siúil (TAPanna) le húdaráis áitiúla riachtanais tithíochta a mheas agus iad a shásamh.
• Cuireann Scéim Iasachta Carbhán nua ar chumas an Lucht Siúil teacht ar iasachtaí ar chostas íseal chun carbháin nó tithe soghluaiste a cheannach le húsáid ar láithreáin stad.

Seirbhísí a Fheabhsú

• Tá an Rialtas ag gníomhú de réir moltaí ón Athbhreithniú Saineolaíoch ar Chóiríocht don Lucht Siúil chun feabhas a chur ar an gcaoi a gcuirtear cóiríocht ar fáil.
• Eiseofar treoirlínte nua chun feabhas a chur ar dhearadh tithíochta a bhaineann go sonrach leis an Lucht Siúil agus chun ról na gCoistí Comhairleacha Náisiúnta um Chóiríocht don Lucht Siúil (LTACCanna) a neartú.