Díolúintí maidir le Cead Pleanála

Ní bhíonn cineálacha áirithe réadmhaoine tráchtála ag teastáil ó go leor gnólachtaí a thuilleadh, rud a chiallaíonn go bhfanann siad folamh. Is deis mhór í na foirgnimh seo a athrú ina dtithe chun dul i ngleic le réadmhaoin fholamh.

Chun é sin a dhéanamh níos éasca:

• Ó 2018 i leith, ceadaítear le dlíthe pleanála roinnt áitreabh tráchtála folamh a athrú ina dtithe gan cead pleanála.
• Leathnaíodh na díolúintí seo in 2022.
• Faoi Bhealtaine 2025, bhí 1,457 fógra faighte ag comhairlí maidir le tionscadail a chruthaíonn 3,429 teach nua ar fud na tíre.

Tá sé beartaithe ag an Rialtas na cineálacha tionscadal nach dteastaíonn cead pleanála uathu a mhéadú, amhail:

• Athruithe áiléir.
• Cóiríocht scoite laistigh de theorainn réadmhaoine.
• Tithe a roinnt ina spásanna cónaithe ar leithligh, ag cabhrú le daoine breacaosta fanacht i dtimpeallacht a aithníonn siad.

Cuirfidh na hathruithe seo dlús le tionscadail bheaga agus cuirfidh siad níos mó ama ar fáil d’acmhainní na comhairle.