Reifrinn – Doiciméid aitheantais agus cártaí faisnéise vótaíochta

Níl cárta faisnéise vótaíochta ag teastáil uait chun vóta a chaitheamh.

Tabhair leat an t-aitheantas riachtanach le do thoil Dé hAoine an 8 Márta 2024.

Beidh na reifrinn ar siúl Dé hAoine 8 Márta 2024 agus beidh na stáisiúin vótaíochta ar oscailt ó 7:00 a.m. go 10:00 p.m.

Níl cárta fáisnéise vótaíochta ag teastáil uait chun vóta a chaitheamh ag na reifrinn.

Is féidir go n iarrfaí ort, áfach, aitheantas a thabhairt ar aird ag an stáisiún vótaíochta sula dtabharfar páipéir bhallóide duit. Mura bhfuil doiciméad aitheantais cuí agat nó mura bhfuil an t-oifigeach ceannais sásta gur tusa an duine lena mbaineann an doiciméad aitheantais, ní bheidh cead agat vóta a chaitheamh.

Glacfar leis na doiciméid seo a leanas chun críocha aitheantais:

• (i) pas
• (ii) ceadúnas tiomána
• (iii) cárta aitheantais fostaí ar a bhfuil grianghraf
• (iv) cárta aitheantais mac léinn arna eisiúint ag institiúid oideachais agus ar a bhfuil grianghraf
• (v) doiciméad taistil ar a bhfuil d'ainm agus grianghraf
• (vi) leabhar bainc nó coigiltis nó comhar creidmheasa ina bhfuil do sheoladh sa toghcheantar nó sa toghcheantar áitiúil (más cuí)
• (vii) Cárta Seirbhísí Poiblí

nó

aon cheann díobh seo a leanas a mbeidh doiciméad breise ag gabháil leis a léiríonn seoladh an tsealbhóra sa toghcheantar nó sa toghcheantar áitiúil (más cuí):

• (viii) seicleabhar
• (ix) seic-chárta
• (x) cárta creidmheasa
• (xi) teastas breithe
• (xii) deimhniú pósta.

An Bille um an Naoú Leasú is Tríocha ar an mBunreacht (An Teaghlach), 2023 agus An Bille um an Daicheadú Leasú ar an mBunreacht (Cúram), 2023.

Dáta: Dé hAoine 8 Márta 2024.