Reifrinn - Vótálaithe a bhfuil Tinneas Fisiciúil nó Míchumas Fisiciúil orthu

Féadfaidh vótálaithe a bhfuil tinneas fisiciúil nó míchumas fisiciúil orthu, nach bhfuil a n-ainm ar an liosta vótála poist nó speisialta, agus a bhféadfadh deacracht a bheith acu rochtain a fháil ar a stáisiún vótála áitiúil iarratas a dhéanamh chun a vóta a aistriú chuig stáisiún vótála níos inrochtana ina dtoghcheantar.

Tá an áis seo ann chun cabhrú le vótálaithe a mbíonn deacracht acu rochtain a fháil ar a stáisiún vótála áitiúil.

Chun leas a bhaint as an áis, ba cheart do vótálaithe iarratas a dhéanamh chuig an gceann comhairimh dá dtoghcheantar faoin Aoine an 1 Márta 2024 ar a dhéanaí.

Níl foirm iarratais speisialta ag teastáil. Más féidir, ba chóir do vótálaithe stáisiún vótála eile a mholadh sa toghcheantar a bheidh oiriúnach agus áisiúil dóibh araon.

Is féidir sonraí teagmhála an cheann comhairimh do gach toghcheantar a fháil ag www.referendum.ie.

An Bille um an Naoú Leasú is Tríocha ar an mBunreacht (An Teaghlach), 2023 agus An Bille um an Daicheadú Leasú ar an mBunreacht (Cúram), 2023

Dáta: Dé hAoine 8 Márta 2024 .

Stáisiúin Vótaíochta Oscailte: 7:00 a.m. – 10:00 p.m.