Sealbhú Talún le haghaidh Tithíocht Shóisialta

Chun go leor tithe sóisialta agus inacmhainne a sholáthar, ní mór don Rialtas rochtain a fháil ar thalamh criosaithe agus seirbhísithe, go háirithe suíomhanna atá faoi úinéireacht an Stáit cheana féin.

Leathnú an Chiste Fála Talún

• Cuidítear leis an gCiste Fála Talún le húdaráis áitiúla agus comhlachtaí tithíochta talamh a cheannach le haghaidh tithíochta.
• Méadófar an ciste ó €239 milliún go €500 milliún ar a laghad.
• Feidhmeoidh sé mar chiste imrothlach, rud a ligfidh d’fháltais ó dhíolacháin talún a athinfheistiú i gceannach suíomhanna breise, rud a chinnteoidh sreabhadh seasta tionscadal tithíochta san fhadtéarma.

Talamh a Úsáid ar Bhealach Níos Éifeachtaí – Cuid V

• Faoi Chuid V, is féidir le húdaráis áitiúla 20% den talamh i bhforbraíochtaí nua a fháil ar a luach bunaidh (réamhphleanáil) le húsáid i dtithíocht shóisialta agus inacmhainne.
• Cinntítear leis sin go mbainfidh an pobal leas as méaduithe ar luach talún.
• Déanfaidh an Rialtas athbhreithniú ar chothroime agus ar éifeachtacht rialacha reatha Chuid V lena chinntiú go dtacaíonn siad leis an sprioc 72,000 áit chónaithe shóisialta nua a sheachadadh faoi 2030.