Na Dlíthe Easpa Dídine a Neartú

Tá Acht na dTithe 1988 á nuashonrú ag an Rialtas chun é a dhéanamh níos láidre agus níos éifeachtaí chun cabhrú le daoine atá gan dídean nó atá i mbaol a bheith gan dídean.

• Rialacha níos soiléire d'Údaráis Áitiúla
  Cuirfidh an dlí nuashonraithe treoir níos fearr mar aon le creat dlíthiúil níos láidre ar fáil do chomhairlí áitiúla chun cabhrú leo cinntí cothroma a dhéanamh faoi cé a cháilíonn do thithíocht shóisialta agus cóiríocht éigeandála.
• Béim ar Leas na bPáistí
  Cinnteoidh an dlí nua, nuair a dhéantar cinntí faoi thithíocht do theaghlaigh atá gan dídean, go ndéantar leas na bpáistí a mheas i gcónaí.
• Tacaíocht Chomhsheasmhach ar fud na tíre
  Gheobhaidh údaráis áitiúla treoir shoiléir lena chinntiú go ndéantar measúnuithe agus cinntí go cothrom agus go comhsheasmhach, is cuma cá bhfuil duine ina chónaí.