Tacú le Daoine faoi Mhíchumas

Tá an Rialtas tiomanta cuidiú le daoine faoi mhíchumas maireachtáil go neamhspleách agus a bheith san áireamh go hiomlán ina bpobail.

Príomhfhíricí agus Gníomhartha

• Dúirt breis agus 1.1 milliún duine in Éirinn (22% den daonra) go raibh riocht nó deacracht sláinte fhadtéarmach acu i nDaonáireamh 2022.
• Tá Éire ag obair chun a cuid gealltanas a chomhlíonadh faoi Choinbhinsiún na NA um Chearta Daoine faoi Mhíchumas, lena n-áirítear rochtain chomhionann ar thithíocht agus ar sheirbhísí tacaíochta.
• Tugtar treoir sa Straitéis Náisiúnta Tithíochta do Dhaoine faoi Mhíchumas (2022–2027) faoin gcaoi a chuirtear tithíocht agus tacaíochtaí ar fáil.
• Tá an Rialtas ag cur le rochtain ar thithíocht oiriúnach agus ag cinntiú go bhfuil daoine faoi mhíchumas páirteach i gcinntí a mbíonn tionchar acu orthu.

Cúnamh maidir le hOiriúnú Tithíochta

Leanann an Roinn Tithíochta de mhaoiniú a dhéanamh ar an Deontas Oiriúnaithe Tithíochta do Dhaoine Breacaosta agus do Dhaoine faoi Mhíchumas, ag cuidiú le daoine a dtithe a dhéanamh níos sábháilte agus níos oiriúnaí. Beidh an maoiniú chomh hard le €130 milliún in 2026.