Treochlár um Ghníomhú ar son na hAeráide 2024

Ceanglaítear leis an Sainordú um Ghníomhú ar son na hAeráide ar an Roinn Tithíochta, Rialtais Áitiúil & Oidhreachta a léiriú go praiticiúil gur féidir linn an bealach ina n-oibrímid a athrú chun ár bpríomhghnó a sheachadadh ionas gur féidir linn cabhrú go díreach le gealltanais na hÉireann maidir le gníomhú ar son na haeráide a chomhlíonadh agus tacú le saoránaigh na hÉireann agus ceannaireacht a thaispeáint. I gcomhréir le ceanglais Shainordú na hEarnála Poiblí um Ghníomhú ar son na hAeráide, tá Treochlár um Ghníomhú ar son na hAeráide forbartha ag an Roinn Tithíochta, Rialtais Áitiúil & Oidhreachta ina sonraítear an chaoi a gcomhlíonfaidh an Roinn a spriocanna éifeachtúlachta carbóin agus fuinnimh 2030, agus conas atá an Roinn ag cur cheanglais an tsainordaithe chun feidhme.