Sonraí maidir le tosaithe míosúla mhí Dheireadh Fómhair foilsithe

Tá a cuid sonraí míosúla maidir le líon na bhFógraí Tosaithe (tús curtha le tógáil tithe cónaithe) a fuarthas foilsithe ag an Roinn Tithíochta, Rialtais Áitiúil agus Oidhreachta do mhí Dheireadh Fómhair 2025.

1,441 fógra tosaithe le haghaidh tithe nua a taisceadh i mí Dheireadh Fómhair 2025 – is é seo an dara mí is airde i mbliana tar éis na 1,653 fhógra tosaithe a taisceadh i mí Mheán Fómhair.

11,634 fhógra atá faighte ó mhí Eanáir 2025 go mí Dheireadh Fómhair 2025. Ar bhonn rollach 12 mhí (Samhain 2024 go Deireadh Fómhair 2025), 23,599 bhfógra tosaithe atá faighte.

As na 1,441 aonad ar cuireadh tús leo i mí Dheireadh Fómhair, ba thithe cónaithe scéime 574 (40%) díobh, árasáin 510 (35%) díobh agus aonaid aonuaire (357) 25% díobh.

As na haonaid uile ar cuireadh tús leo i mí Dheireadh Fómhair 2025, bhí 31% (448 n-aonad) i gceithre údarás áitiúla Bhaile Átha Cliath. De réir Údarás Áitiúil, ba i gCathair Bhaile Átha Cliath a cuireadh tús leis an líon ba mhó aonad (245), agus bhí Fine Gall (175) agus Cathair Chorcaí (133) ina dhiaidh sin.

De réir Údarás Áitiúil, is i gCathair Bhaile Átha Cliath (2,053) a cuireadh tús leis an líon is mó aonad go dtí seo i mbliana, agus ina dhiaidh sin tá Contae Chorcaí (1,089) agus Fine Gall (911).

Féach ar an tacar sonraí tosaithe iomlán