Caomhnóir Grád III (Cartlann Náisiúnta na hÉireann)

Tá iarratais á lorg ag Cartlann Náisiúnta na hÉireann ó iarrthóirí oiriúnacha don phost mar Chaomhnóir Grád III. Cuirfear iarrthóirí rathúla sa chomórtas seo ar phainéal in ord fiúntais chun folúntais a d’fhéadfadh teacht chun cinn don phost seo a líonadh.

Comhlacht reachtúil laistigh den Státseirbhís is ea an Chartlann Náisiúnta atá freagrach as taifid chartlainne an rialtais láir, lena n-áirítear Ranna Stáit, na cúirteanna agus réimse comhlachtaí Stáit eile, a chaomhnú agus a chur ar fáil don phobal. Bunaíodh í sa bhliain 1988, nuair a tháinig an tAcht um Chartlann Náisiúnta, 1986 i bhfeidhm. Feidhmíonn an Chartlann Náisiúnta faoi rialú agus bainistiú an Stiúrthóra, a cheapann an tAire Turasóireachta, Cultúir, Ealaíon, Gaeltachta, Spóirt agus Meán agus a fhreagraíonn di.

Nuair a bunaíodh an Chartlann Náisiúnta, ghlac sí freagracht as feidhmeanna agus bailiúcháin dhá oifig níos sine: Oifig Thaifid Phoiblí na hÉireann (a bunaíodh sa bhliain 1867) agus Oifig na Stát-Pháipéar (a bunaíodh sa bhliain 1702).

Den chuid is mó, baineann na cartlanna a choimeádtar sa Chartlann Náisiúnta leis an 19ú agus an 20ú haois, cé go dtéann cuid acu chomh fada siar leis an 14ú haois. Cuirtear cartlanna ar fáil don phobal lena n-iniúchadh sa seomra léitheoireachta ina cheanncheathrú ag Sráid an Easpaig, Baile Átha Cliath 8. Déantar cartlanna a stóráil ar an láthair ag Sráid an Easpaig agus lasmuigh den láthair.

Déantar faisnéis maidir le bailiúcháin agus seirbhísí na Cartlainne Náisiúnta a scaipeadh ar bhealaí éagsúla, lena n-áirítear trí fhoilseacháin ar a láithreán gréasáin. Chomh maith leis sin, cuirtear cartlanna ar fáil i riocht dhigiteach trí réimse láithreáin ghréasáin thiomnaithe.

Is féidir tuilleadh eolais faoin gCartlann Náisiúnta a léamh ag: https://nationalarchives.ie/ga/

Is tréimhse thábhachtach í seo don Chartlann Náisiúnta agus í ag féachaint lena feidhmeanna reachtúla suntasacha a chomhlíonadh i ndáil le taifid a fháil agus a chaomhnú agus iad a chur ar fáil don phobal.

The Role of Conservator Grade III

Áirítear an méid a leanas le Feagracht an Chaomhnóra Grád III sa Chartlann Náisiúnta ach níl sé teoranta dóibh:

• Obair chaomhnaithe a aithníodh sa chlár oibre bliantúil a dhéanamh ar aon dul le spriocanna agus cuspóirí straitéiseacha;
• Moltaí cóireála a fhorbairt, agus nósanna imeachta a chur i gcrích de réir caighdeáin ghairmiúla;
• Deisiúchán caomhantais a dhéanamh ar chartlanna a iarrtar le haghaidh digitithe, grianghrafadóireacht dhigiteach agus obair scannánaíochta;
• Obair chaomhnaithe a dhéanamh lena n-áirítear suirbhéireacht a dhéanamh ar bhailiúcháin agus measúnú caomhantais ar fhorshealbhúcháin chartlainne;
• Gníomhaíochtaí caomhnaithe a dhéanamh, lena n-áirítear pacáil; agus oiliúint láimhseála agus caomhnaithe doiciméad a sheachadadh don fhoireann;
• Oibriú leis an gCaomhnóir Sinsearach chun plean athshlánaithe tubaiste na Cartlainne Náisiúnta a nuashonrú agus a chothabháil;
• Oibriú le Caomhnóir Sinsearach chun monatóireacht timpeallachta a dhéanamh ar áitreabh na Cartlainne Náisiúnta agus ar stórála lasmuigh den láthair d’fhonn idirghabháil a mholadh agus a dhéanamh de réir mar is gá;
• A bheith mar ionadaí maidir le hobair na roinne trí láithreán gréasáin na Cartlainne Náisiúnta agus ardáin na meán sóisialta, agus oibriú le heagraíochtaí gairmiúla ábhartha;
• Cur leis an gCartlann Náisiúnta ar líonraí/tionscadail sheachtracha agus ionadaíocht a dhéanamh uirthi nuair is cuí;
• Aon dualgais eile a aithníonn an Caomhnóir Sinsearach.

An Bealach le hIarratas a Dhéanamh

Ba cheart d’iarratasóirí foirm iarratais chomhlánaithe a chur isteach chuig

personnel@tcagsm.gov.ie faoi 3.00 i.n. ar an Déardaoin, 19ú Meitheam, 2025