Coimeádaí – Seirbhísí Poiblí agus Bailiúcháin, Cartlann Náisiúnta na hÉireann

Tá an Roinn Turasóireachta, Cultúir, Ealaíon, Gaeltachta, Spóirt agus Meán ag iarraidh Coimeádaí – Seirbhísí Poiblí agus Bailiúcháin a earcú i gCartlann Náisiúnta na hÉireann.

Is post bainistíochta sinsearaí é seo laistigh den Chartlann Náisiúnta ag obair leis an Stiúrthóir agus leis an bhfoireann bainistíochta sinsearaí chun treo straitéiseach na hinstitiúide a chomhlíonadh chomh maith le cuidiú le feidhmeanna reachtúla na Cartlainne Náisiúnta a sheachadadh.

Áireofar ar dhualgais an Choimeádaí–Seirbhísí Poiblí agus Bailiúcháin, an Chartlann Náisiúnta, sa Roinn, ach níl siad teoranta do:

• Cur le bainistíocht straitéiseach agus ceannaireacht ghinearálta na Cartlainne Náisiúnta

• Cur le forbairt beartais sa Chartlann Náisiúnta de réir threoir straitéiseach ghinearálta na hinstitiúide agus maoirseacht a dhéanamh ar chur i bhfeidhm plean oibre rannáin atá ag teacht leis an straitéis ghinearálta;

• Comhordú agus monatóireadht a dhéanamh ar chaomhnú, cúram agus stóráil cartlann a aistrítear faoin Acht um Chartlann Náisiúnta agus an obair iarmhartach a chomhordú agus monatóireacht a dhéanamh uirthi, i gcomhar le Cartlanna agus Seirbhísí Rialtais;

• Comhordú agus maoirseacht a dhéanamh ar gach gné d’obair rannpháirtíochta poiblí na Cartlainne Náisiúnta, soláthar seirbhíse poiblí san áireamh, lena n-áirítear oibriú an tseomra léitheoireachta, seirbhísí athghrafaíochta agus cóipchirt, cláir oideachais agus for-rochtana, maoirseacht agus forbairt a dhéanamh ar sheirbhísí úsáideoirí trí ardáin ar líne agus leathnú agus forbairt a dhéanamh ar acmhainn dhigiteach obair phoiblí na Cartlainne Náisiúnta ar an láthair agus ó chian;

• Acmhainneacht na mbailiúchán a fhorbairt ó thaobh taighde, taispeántais agus anailíse sonraí de;

• Ag obair leis an mbainistíocht shinsearach, comhordú a dhéanamh ar chóiríocht agus ar stóráil lasmuigh den láthair atá ann cheana agus tacú le gach taifead atá lasmuigh den láthair faoi láthair a thabhairt ar ais go Sráid an Easpaig tar éis chur i gcrích an tionscadail stór cartlainne;

• Ag obair leis an mbainistíocht shinsearach, comhordú a dhéanamh ar bheartais agus nósanna imeachta ullmhachta maidir le tubaiste do bhailiúcháin lena n-áirítear athbhreithnithe bliantúla, measúnuithe riosca, riachtanais sláinte agus sábháilteachta chomh maith le sábháilteacht agus slándáil ó dhóiteán;

• Comhordú agus monatóireacht a dhéanamh ar obair chaomhnaithe agus straitéis a fhorbairt do chláir oibre ar leith gach bliain sa réimse seo i gcomhar le comhpháirtithe seachtracha nuair is cuí;

• Tionscadail dhigiteacha a thosú agus a bhainistiú atá dírithe ar rochtain a fheabhsú, níos mó deiseanna a chruthú don phobal, do thaighdeoirí agus don domhan acadúil a bheith ag plé le bailiúcháin na Cartlainne Náisiúnta, lena n-áirítear cur le tionscadail sheachtracha agus tús a chur leo;

• Tacaíocht a thabhairt agus cúnamh a thabhairt do ranna rialtais, oifigí cúirte agus comhlachtaí atá faoi réir Acht na Cartlainne Náisiúnta, 1986 chun a gcuid oibleagáidí faoin Acht a chomhlíonadh;

• Ionadaíocht a dhéanamh don Chartlann Náisiúnta ar raon foras agus le páirtithe leasmhara seachtracha nuair is cuí;

• Aon dualgais eile a leagann Stiúrthóir na Cartlainne Náisiúnta ar an gCoimeádaí a dhéanamh.

Íoslódáil an Leabhrán Eolais faoi iamh, le do thoil, le haghaidh tuilleadh eolais ar incháilitheacht agus riachtanais.

Más mian leat iarratas a dhéanamh ar an bpost seo mar Choimeádaí, íoslódáil an Fhoirm Iarratais faoi iamh, le do thoil.

Nuair atá an fhoirm iarratais comhlíonta, is féidir é a sheoladh i ríomhphost chuig Personnel@tcagsm.gov.ie

Caithfidh iarratais a sheoladh chuig an Roinn roimh

5.00i.n. ar an 20 Nollaig 2021.