Chéatadáin don Ealaín

Tionscnamh rialtais í an scéim an Chéatadáin don Ealaín a tugadh isteach den chéad uair i 1978, faoinar féidir 1% den chostas a bhaineann le haon fhorbairt caipitil, bonneagair agus tógála atá maoinithe go poiblí a leithroinnt ar shaothar ealaíne a choimisiúnú. Ón mbliain 1997, tá an scéim seo á cur ar fáil do gach tionscadal caipitil ar fud na ranna rialtais ar fad.

Áirítear ar chláir chaipitil ar féidir leas a bhaint as Scéim an Chéatadáin don Ealaín:

• tionscadail tithíochta poiblí (scéimeanna sóisialta agus inacmhainne)

• iompar agus bóithre

• scéimeanna timpeallachta mar scéimeanna draenála, stáisiúin pumpála agus taiscumair

• foirgnimh phoiblí mar leabharlanna, oifigí poiblí, scoileanna, ospidéil, ionaid leighis, príosúin, foirgnimh ealaíon - pictiúrlanna, amharclanna, ionaid ealaíne

• obair chaomhnúcháin atá le déanamh ar fhoirgnimh agus láithreáin phoiblí

• scéimeanna athnuachana uirbigh agus bailte

I mí Iúil 2019, d'fhógair an Roinn Cultúir, Oidhreachta agus Gaeltachta bandaí agus uasteorainneacha nua.

Ón 1 Eanáir 2020, is iad na bandaí agus teorainneacha infheistíochta nua:

• tionscadail faoi bhun €5,000,000: 1% de chostas an tionscadail go huasmhéid €50,000 (1% den teorainn uachtair);

• tionscadail idir €5,000,000 agus €20,000,000: 1% de chostas an tionscadail go huasmhéid €125,000 (1% den airmheán);

• tionscadail idir €20,000,000 agus €50,000,000: 1% de chostas an tionscadail go huasmhéid €350,000 (1% den airmheán);

• tionscadail os cionn €50,000,000: Suas go €500,000 is é sin 1% den scála is ísle agus an ráta sin ag titim de réir mar a bheidh scála na dtionscadal ag méadú

Tá Coiste idir-Ranna bunaithe i ndáil leis an Scéim a fhorbairt, na treoirlínte a athbhreithniú agus eolas maidir le tionscadail faoin Scéim a chur i dtoll a chéile. Tiocfaidh an grúpa sin le chéile go luath.

Is féidir tuilleadh sonraí a fháil ar an Scéim anseo agus is féidir na treoirlínte reatha a fháil anseo.

• Tabhair ar aird go dtagraíonn na treoirlínte seo do pharaiméadair roimhe seo agus go bhfuil siad sin as dáta anois.