Seolann an tAire O’Donovan Cruinniú na nÓg 2025 le ceiliúradh ar an gcruthaitheacht i gCaisleán Luimnigh

• Reáchtálfar níos mó ná 1,000 imeacht cruthaitheach saor in aisce ar fud na tíre Dé Sathairn, an 7 Meitheamh
• Gach foirm léirithe cruthaithí ó shorcas agus sráid ealaíne go ceol agus drámaíocht
• Oibreoidh daoine óga ó thuaidh agus ó dheas ar thionscadail chruthaitheach le chéile
• Tacaítear le himeachtaí déanacha san oíche do dhaoine 13-18 mbliana d'aois faoi thionscnamh na Roinne um gheilleagar déanach san oíche

Inniu i gCaisleán Luimhnigh sheol an tAire Patrick O’Donovan TD Cruinniú na nÓg 2025, lá náisiúnta cruthaitheachta na hÉireann do leanaí agus do dhaoine óga. Ar siúl Dé Sathairn, an 7 Meitheamh, óstálfar sa cheiliúradh uile-oileáin seo níos mó ná 1000 imeacht saor in aisce ar fud na tíre, ag ceiliúradh na cruthaitheachta trí cheol, ealaín, sorcas, scéalaíocht scannáin agus go leor eile.

Is í Éire an t-aon tír ar domhan a bhfuil lá náisiúnta aici ar a ndéantar ceiliúradh ar chruthaitheacht daoine óga. Tugann Éire Ildánach cuireadh do gach duine óg rud éigin nua a fhiosrú, a samhlaíocht a scaoileadh, agus a bheith mar chuid den cheiliúradh uathúil seo ar chruthaitheacht agus ar léiriú.

Bhí léiriú speisialta ag Ceolfhoireann Aireagail Óige na hÉireann ag an seoladh, a chuirfidh ceolchoirm ar leith ar siúl ar an 7 Meitheamh in Glórach Theatre i Mainistir na Féile. I láthair ag an gceiliúradh i gCaisleán Luimnigh bhí baill de Dhrámaíocht Óige Chontae Luimnigh, ag ceiliúradh 30 bliain ar an bhfód, in éineacht le hambasadóirí Dhrámaíocht Óige na hÉireann, Ella Jurascheck agus Ryan Keogh (17), Megan Hogan (17), ambasadóir Bhallaí Phort Láirge, Khloe Kavanagh agus Rosie Barker, ambasadóirí Sorcais, agus ambasadóir chomórtas ealaíne RTÉ, Isabella Prime (15).

Beidh Cruinniú Déanach, a thacaítear faoi thionscnamh geilleagar déanach oíche na Roinne, mar chuid d’imeachtaí déanacha faoi stiúir an aosa óig, cruthaithe ag agus le haghaidh daoine óga 13–18 mbliana d’aois, i spásanna sábháilte le ceol, focal labhartha agus léirithe ceoil beo. Ina measc beidh ‘Is linne an Caisleán’, féile cheoil óige i gCaisleán Shoird, Baile Átha Cliath, agus ‘Ardán Óige’ i bPáirc an Athar de Búrca, Gaillimh, le mic oscailte, ceol beo agus seiteanna DJ ó thallann óg idir 16-18 mbliana d’aois.

Agus Cruinniú na nÓg 2025 á fhógairt aige, dúirt an tAire O'Donovan:

I measc na gcomhshaothair chruthaitheacha trasteorann beidh tionscadal RF ina dtaispeántar aistear cruthaitheach 20 duine óg ó Loch Garman agus ó Bhéal Feirste ag fiosrú athrú aeráide agus meabhairshláinte trí shorcas, drámaíocht, agus físealaín, agus beidh ceoltóirí óga as Liatroim agus Fear Manach ag seinm beo i ngigeanna a léiríodh go proifisiúnta. Seo a leanas roinnt buaicphointí eile:

• Picnicí Sorcais - Á chur i láthair ag Líonra Ealaíona, Sorcais agus Taispeántais na hÉireann, tugtar cuireadh do dhaoine óga scileanna sorcais a fhiosrú i suíomh suaimhneach ar nós picnice in áiteanna ar fud na tíre.
• Rock the Block - Ceiliúradh ardfhuinnimh, faoi stiúir na hóige, ar cheol, rince agus chultúr na sráide ar siúl ar Clós Carnegie, Leabharlann Chathair Chorcaí.
• Is linne an Caisleán – Féile cheoil bheo don óige atá suite i dtimpeallacht stairiúil Chaisleán Shoird, a thugann deis do thaibheoirí óga a bheith i lár an aonaigh.
• Tionscadal na mBallaí - Le linn na Bealtaine, tabharfaidh ceardlanna i 13 shuíomh deis do dhaoine óga oibriú le múrmhaisiú gairmiúla, ag iniúchadh teicnící datha, dearaidh agus graifítí chun saothair ealaíne poiblí ar scála mór a chruthú.
• Tionóil Dhrámaíocht Óige na hÉireann - Tiocfaidh 21 grúpa drámaíocht óige le chéile i gcúig mhol réigiúnacha chun comhoibriú, léiriú agus ceiliúradh a dhéanamh ar a gcruthaitheacht mar chuid de thionscadal Dhrámaíocht Óige Éireann.
• RTÉ Ealaín is ea í! 2025 - beidh comórtas ealaíne mór le rá Éire Ildánach agus RTÉ do dhaoine óga ar ais. Cuirfear an téama in iúl ar lá Chruinniú na nÓg.

Tá RTÉ ag tacú le Cruinniú na nÓg le feachtas náisiúnta teilifíse, raidió, ar líne agus go digiteach. Is féidir na sonraí iomlána a léamh ar cruinniu.gov.ie

CRÍOCH

Nótaí d’Eagarthóirí

• Is tionscnamh uile-rialtais, cultúr-bhunaithe é Clár Éire Ildánach, faoi stiúir na Roinne Turasóireachta, Cultúir, Ealaíon, Gaeltachta, Spóirt agus Meán, ina leagtar béim ar thábhacht na cruthaitheachta daonna d’fholláine an duine aonair, an phobail agus na sochaí.
• Tionscnamh de chuid Chlár Éire Ildánach is ea Cruinniú na nÓg i gcomhpháirtíocht le hÚdaráis Áitiúla agus RTÉ.
• Tugann an Rialtas iomlán tús áite do thionscnamh Oileán Comhroinnte chun dul i ngleic le gach pobal agus traidisiún polaitiúil chun comhdhearcadh a thógáil maidir le todhchaí roinnte ar an oileán, a bhfuil Comhaontú Aoine an Chéasta mar bhonn agus mar thaca leis.
• Tacaíonn Amharclann Óige Chontae Luimnigh le daoine óga trí cheardlanna drámaíochta agus léirithe. Le haghaidh tuilleadh eolais déan teagmháil leis an Stiúrthóir Ealaíne, Katie O’Rourke ar (083) 071 7162 nó seol ríomhphost chuig artisticdirector.colyt@gmail.com.