Ó An Roinn Tithíochta, Rialtais Áitúil agus Oidhreachta
Foilsithe
Oscailte le haghaidh aighneachtaí ó
Dúnadh na haighneachtaí
An t-eolas is déanaí
Tá comhairliúchán dúnta
Dúirt Nuashonrú an Phlean Gníomhaíochta um Thithíocht do Chách (Samhain 2022) go ndéanfadh an Roinn Tithíochta, Rialtais Áitiúil agus Oidhreachta athbhreithniú cuimsitheach ar an earnáil phríobháideach cíosa a choimisiúnú.
Cuirfear san áireamh san athbhreithniú sin na hathruithe suntasacha rialála a rinneadh le blianta beaga anuas sa mhargadh cíosa cónaithe. Tiocfaidh sé ar chonclúidí maidir leis an gcaoi ar féidir feabhas a chur ar ár gcóras tithíochta chun creat éifeachtúil, inacmhainne, inmharthana, sábháilte agus slán a chur ar fáil do thiarnaí talún agus do thionóntaí araon.
Gné lárnach den athbhreithniú is ea an comhairliúchán poiblí. Táimid ag spreagadh an phobail chun a gcuid tuairimí, taithí agus peirspictíochtaí a thabhairt ar an earnáil phríobháideach cíosa in Éirinn.
An bhfuil aon smaointe nó athruithe molta agat chun feabhas a chur ar an earnáil phríobháideach cíosa? Má dhéanann tú, déan teagmháil linn. Go raibh maith agat.
Molaimid duit aighneachtaí i scríbhinn a dhéanamh tríd an bhfoirm aighneachta a chomhlánú agus a sheoladh chugainn faoin spriocdháta.
Chun aighneacht a dhéanamh, comhlánaigh Cuid 4 den aighneacht ón rannán “Doiciméid” thíos, le do thoil, agus:
Is é an dáta deiridh chun aighneachtaí a chur isteach ná 08 lúnasa 2023 .
Tithíocht ar Cíos san Earnáil Chónaithe Phríobháideach agus Riachtanais na Sochaí - Forléargas ar Dhoiciméad Comhairliúcháin
Athbhreithniú ar Fhoirm Aighneachta na hEarnála Príobháidí Cíosa - Aighneacht Comhairliúcháin Phoiblí
An Earnáil Phríobháideach Chónaithe Cíosa - Comhairliúchán Poiblí - Ráiteas Príobháideachais
Is foinse thábhachtach eolais iad na haighneachtaí a fhaightear agus cuideoidh siad leis an athbhreithniú. Breithneofar ábhar d’aighneachta nuair a bheidh an t-athbhreithniú á thiomsú againn.
Is féidir gach aighneacht a fhaightear mar chuid den chomhairliúchán seo a fhoilsiú nó a eisiúint ar shlí eile faoin Acht um Shaoráil Faisnéise (FOI) 2014 agus faoi Rialacháin na gComhphobal Eorpach (Rochtain ar Fhaisnéis faoin gComhshaol) 2007-2014.
Tá aighneachtaí faoi réir na reachtaíochta um Chosaint Sonraí freisin. Níor cheart faisnéis phearsanta, rúnda ná íogair ó thaobh na tráchtála de a chur san áireamh i dtéacs d’aighneachta.
Tabhair faoi deara gur féidir aighneachtaí a fhaightear a chur ar fáil ar shuíomh gréasáin na Roinne, mura n-iarrtar a mhalairt. Féach freisin an Ráiteas Príobháideachais thuas.