Faisnéis eagraíochta
Dualgas maidir le Comhionannas agus Cearta Daonna
Foilsithe
An t-eolas is déanaí
Tá freagracht ar na comhlachtaí poiblí in Éirinn, faoin Dualgas maidir le Comhionannas agus Cearta Daonna san Earnáil Phoiblí, chun comhionannas a chur chun cinn, cosc a chur ar idirdhealú agus cearta daonna a bhfostaithe, custaiméirí, úsáideoirí seirbhíse agus gach duine a chosaint a n-imríonn a mbeartais agus a bpleananna tionchar orthu. Oibleagáid dhlíthiúil é seo, ar a dtugtar an Dualgas maidir le Comhionannas agus Cearta Daonna san Earnáil Phoiblí faoi Alt 42 den Acht fá Choimisiún na hÉireann um Chearta an Duine agus Comhionannas, 2014.
Leagtar amach in Alt 42 den Acht trí chroíbheart a bhfuil comhlachtaí poiblí le tabhairt fúthu. Is iad seo:
• Nuair a bhíonn pleananna straitéiseacha á n-ullmhú, caithfidh comhlachtaí earnála poiblí na saincheisteanna maidir le cearta daonna agus comhionannas a mheasúnú agus a shainaithint a bhaineann lena bhfeidhmeanna. Caithfidh na saincheisteanna seo baint lena bhfeidhmeanna go léir mar dhéantóir beartas, fostóir agus soláthraí seirbhíse.
• Caithfidh comhlachtaí poiblí na beartais agus na cleachtais a shainaithint ansin atá i bhfeidhm acu nó a bheartaíonn siad a chur i bhfeidhm chun dul i ngleic leis na saincheisteanna seo.
• Caithfidh comhlachtaí poiblí tuairisciú ina dtuarascálacha bliantúla, nó i gcáipéisí comhionanna, ar bhforbairtí agus an méid a bhain siad amach ina leith sin, ar bhealach atá inrochtana don phobal
Tá Measúnú agus Plean Gníomhaíochta na Roinne Iompair ar Dhleacht na hEarnála Poiblí 2023 – 2025 foilsithe anois (thíos) agus tuairisceofar dul chun cinn i dTuarascálacha Bliantúla na Roinne Iompair.
