An Roinn Coimirce Sóisialaí Ráiteas Príobháideachais

1. Fógra maidir le Rialú Athraithe
2. Réamhrá: Céard é RGCS?
3. An Treoir maidir le Forfheidhmiú an Dlí (LED)
4. Rannóg 1: Cé muid?
5. Rannóg 2: Cathain a bhailítear do chuid faisnéise?
6. Rannóg 3: Cén cineál sonraí pearsanta a bhailímid?
7. Rannóg 4: Cé hiad na daoine a bhfuil faisnéis maidir leo á próiseáil ag an roinn?
8. Rannóg 5: Conas a bhailíonn an roinn sonraí?
9. Rannóg 6: Bonn dlí le haghaidh próiseála
10. Rannóg 7: Na catagóirí próiseála atá á gcur i gcrích ag an roinn

11. Rannóg 8: Cá bhfuil do shonraí pearsanta á stóráil?
12. Rannóg 9: Sonraí pearsanta a roinnt
13. Rannóg 10: An mbeidh do shonraí pearsanta á n-aistriú lasmuigh den Limistéar Eorpach Eacnamaíoch i.e. chuig ‘Tríú Tíortha’?
14. Rannóg 11: Cén chomh fada a choinneofar do shonraí pearsanta?
15. Rannóg 12: Próiseáil bhreise sonraí pearsanta
16. Rannóg 13: Do cheart mar dhuine is ábhar do na sonraí
17. Rannóg 14: Conas is féidir leat do chearta a fheidhmiú agus teagmháil a dhéanamh linn?
18. Rannóg 15: Tuilleadh Eolais - Treoirlínte Oibríochtúla
19. Aguisín 1 – Liosta de Reachtaíocht Phríomhúil agus Thánaisteach Faoina bhFuil Údarás Againn Sonraí Pearsanta a Bhailiú
20. Aguisín 2 – Comhaontuithe déthaobhacha le tíortha lasmuigh de LEE

I measc nithe eile, baineann an Ráiteas Príobháideachais seo le próiseáil sonraí pearsanta a bhaineann le fíordheimhniú aitheantais (clárú SAFE 2) agus Cárta Seirbhísí Poiblí (PSC).

Fógra maidir le Rialú Athraithe

Nollaig 2021

Nuashonraithe chun an téacs seo a leanas “I measc rudaí eile, baineann an Ráiteas Príobháideachais seo le próiseáil sonraí pearsanta a bhaineann le fíordheimhniú aitheantais (clárú SAFE 2) agus Cárta Seirbhísí Poiblí (PSC)" a chur san áireamh ag tús an doiciméid.

Nuashonraithe le mionphointí eagarthóireachta d’fhonn a chinntiú go bhfuil an fhaisnéis chorparáideach cothrom le dáta agus beacht - ainm nuashonraithe na roinne, uimhreacha teagmhála agus faisnéis nuashonraithe maidir le staitisticí is déanaí na roinne i Rannóg 1.1, mar shampla.

Feabhra 2020

Nuashonrú an Ráitis Príobháideachais chun faisnéis a chur i láthair faoi thacar leathnaithe ceannteideal agus faisnéis bhreise a sholáthar chun déileáil leis na heasnaimh sa Ráiteas Príobháideachais roimhe sin a shainaithint an Coimisinéir Cosanta Sonraí (DPC) maidir le próiseáil sonraí pearsanta lena n-áirítear maidir le fíorú aitheantais (clárú SAFE 2) agus Cárta Seirbhísí Poiblí (PSC).

Tagann an Ráiteas Príobháideachais seo in áit an leagan roimhe sin den Ráiteas Príobháideachais atá ar fáil here. .

Tá na heasnaimh a shainaithint DPC sa ráiteas sin sonraithe in Aguisín leis an ráiteas sin. Is é cuspóir na leasuithe atá san áireamh sa leagan seo den Ráiteas Príobháideachais:

i. Faisnéis a chur i láthair i bhformáid le tacar leathnaithe ceannteideal atá dírithe ar chabhrú le léitheoirí rannóga a bhfuil spéis ar leith acu iontu a shainaithint agus a aimsiú;

ii. Faisnéis a sholáthar maidir le feidhmeanna na roinne (Rannóg 1);

iii. Faisnéis bhreise a sholáthar maidir le bailiú Sonraí Aitheantais Seirbhíse Poiblí ó chomhlachtaí poiblí eile (Rannóg 2);

iv. Faisnéis bhreise a sholáthar maidir le sonraí a nuashonrú agus maidir leis na hiarmhairtí féideartha a d’fhéadfadh a bheith ann do na daoine is ábhar do na sonraí má theipeann ar aon daoine is ábhar do na sonraí eolas a roinnt leis an Roinn maidir le haon athruithe ar mbíonn tionchar acu ar a dteidlíocht chun sochair nó seirbhíse (Rannóg 3);

v. Faisnéis bhreise a sholáthar maidir leis na cineálacha sonraí pearsanta agus an fhaisnéis a bhailítear chun críche sonraí pearsanta a nuashonrú a sholáthraítear chun críche aitheantas a fhíorú (SAFE 2/ PSC) agus na hiarmhairtí féideartha a d’fhéadfadh a bheith ann do na daoine is ábhar do na sonraí má theipeann ar aon daoine is ábhar do na sonraí eolas a roinnt leis an Roinn maidir le haon athruithe ar a sonraí pearsanta (Rannóg 3);

vi. Tuilleadh faisnéise a sholáthar maidir leis na daoine a bhfuil sonraí pearsanta dá gcuid á bpróiseáil (Rannóg 4);

vii. Faisnéis a sholáthar maidir le conas a bhailímid sonraí pearsanta (Rannóg 5);

viii. Faisnéis bhreise a sholáthar maidir leis an mbonn dlí a bhaineann le próiseáil Threoir RGCS agus Fhorfheidhmiú an Dlí (Rannóg 6);

ix. Tuilleadh faisnéise a sholáthar maidir leis na cúiseanna atá leis an bpróiseáil a chuirtear i gcrích lena n-áirítear próifíliú (Rannóg 7);

x. Tuilleadh faisnéise a sholáthar maidir le sonraí a roinntear le heagraíochtaí eile (Rannóg 9);

xi. Tuilleadh faisnéise maidir le haistrithe sonraí chuig tríú tíortha (Rannóg 10);

xii. Tuilleadh faisnéise a sholáthar maidir le beartais coinneála sonraí agus an réasúnaíocht a bhaineann le tréimhse coinneála sonraí (Rannóg 11);

xiii. Tuilleadh faisnéise a sholáthar maidir le próiseáil bhreise sonraí pearsanta a bhíonn á cur i gcrích ag an Roinn. (Rannóg 12);

xiv. Tuilleadh faisnéise a sholáthar maidir le cearta daoine is ábhar do na sonraí (Rannóg 13).

Réamhrá: Céard é RGCS?

Is é RGCS Rialachán Ginearálta maidir le Cosaint Sonraí an Aontais Eorpaigh. Tháinig an Rialachán i bhfeidhm ar an 25 Bealtaine 2018. Sonraítear ann sraith rialacha AE a bhaineann le conas is féidir le heagraíochtaí sonraí a phróiseáil agus a úsáid. Is é cuspóir an Rialacháin dlíthe cosanta sonraí a neartú agus a chaighdeánú ar mhaithe le saoránaigh uile an AE. Baineann an Rialachán seo le haon eagraíocht a dhéanann cinneadh maidir le cuspóirí agus modhanna próiseála sonraí pearsanta (Rialaitheoir Sonraí) agus aon eagraíocht eile a phróiseálann sonraí thar ceann Rialaitheoir Sonraí (Próiseálaí Sonraí). Áirítear i measc na ndaoine atá freagrach as cloí leis an Rialachán seo fostaithe na heagraíochta ábhartha, conraitheoirí, comhairligh, gníomhairí agus tríú páirtithe a bhfuil rochtain dhíreach nó neamhdhíreach acu ar shonraí.

Seo a leanas na príomhphrionsabail a bhaineann le sonraí pearsanta a phróiseáil faoi RGCS - dlíthiúlacht, cothroime agus trédhearcacht; teorannú de réir cuspóra; íoslaghdú sonraí; cruinneas; teorannú stórála; sláine agus rúndacht; agus cuntasacht (Airteagal 5 de RGCS). Tá tuilleadh faisnéise maidir le RGCS agus na céimeanna is gá a chur i gcrích chun comhlíonadh a chinntiú le fáil ar shuíomh gréasáin an Choimisiúin um Chosaint Sonraí (DPC) ag GDPRandYou.ie nó dataprotection.ie

An Treoir maidir le Forfheidhmiú an Dlí (LED)

Tháinig an Treoir maidir le Forfheidhmiú an Dlí (Treoir (AE) 2016/680) i bhfeidhm i mBealtaine 2018 freisin. Déileáiltear sa Treoir seo le sonraí pearsanta a bheith á bpróiseáil ag rialaitheoirí sonraí sa chás gur le haghaidh ‘críocha forfheidhmithe an dlí’ an phróiseáil, nach gcuimsítear i raon feidhme RGCS.

Trasuíodh LED i ndlí na hÉireann go príomha trí Chuid 5 d’Acht um Chosaint Sonraí, 2018.

Rannóg 1: Cé muid?

1.1 An Rialaitheoir Sonraí

Tacaíonn an Roinn leis an Aire Coimirce Sóisialaí chun dualgais rialtais, pharlaiminteacha agus reachtúla a chomhlíonadh.

Áirítear i measc phríomhfheidhmeanna na roinne:

comhairle a chur ar an Rialtas agus beartais oiriúnacha a fhorbairt maidir le dlí fostaíochta, idirghabhálacha don mhargadh saothair, coimirce shóisialach agus cuimsiú sóisialta;
tacaíochtaí ioncaim, seirbhísí gníomhachtaithe agus fostaíochta éifeachtacha agus costéifeachtúla a dhearadh, a fhorbairt agus a sholáthar;
cabhrú lena chinntiú go mbeidh seirbhísí á soláthar i gcomhpháirt le ranna, gníomhaireachtaí agus comhlachtaí eile; agus
calaois agus mí-úsáid amhrasta maidir le seirbhísí fostaíochta agus coimirce sóisialaí a rialú.

Is í an Roinn Coimirce Sóisialaí (DSP) an Rialaitheoir Sonraí chomh fada is a bhaineann leis na sonraí pearsanta ar fad a bailíodh chun críche a gnó. Déanann an roinn cinneadh maidir leis na sonraí pearsanta is gá a bhailiú uaitse, agus ó dhaoine eile, ionas gur féidir leis an roinn a cuid scéimeanna a riar agus a cuid seirbhísí a sholáthar. Tá próisis sonraí na roinne doiciméadaithe.

Gach seachtain, faigheann thart ar 1.61 milliún duine íocaíocht leasa shóisialaigh. Faigheann thart ar 633,000 teaghlach íocaíochtaí sochair linbh, le haghaidh 1.2 milliún leanbh, gach mí. Tá thart ar 6,000 comhalta foirne fostaithe go díreach sa roinn. Tá treoirlínte oibríochtúla maidir le scéimeanna uile na roinne le fáil ar an suíomh gréasáin www.gov.ie/dsp

Is féidir leat teagmháil a dhéanamh leis an roinn ar aon cheann de na bealaí seo a leanas:

Tríd an bpost: An Roinn Coimirce Sóisialaí, Áras Mhic Dhiarmada,

Sráid an Stórais, Baile Átha Cliath 1.

R-phost: info@welfare.ie

1.2 An tOifigeach um Chosaint Sonraí

De réir Airteagal 37 de RGCS, tá Oifigeach um Chosaint Sonraí (DPO) ceaptha ag an roinn atá i gceannas ar Aonad um Chosaint Sonraí (DPU) tiomnaithe.

Más mian leat teagmháil a dhéanamh lenár nOifigeach um Chosaint Sonraí (DPO) is féidir leat é a dhéanamh ar aon cheann de na bealaí seo a leanas:

Tríd an bpost: An tOifigeach um Chosaint Sonraí,

An Roinn Coimirce Sóisialaí, Teach Goldsmith,

Sráid an Phiarsaigh, Baile Átha Cliath 2.

R-phost: dpo@welfare.ie

Rannóg 2: Cathain a bhailítear do chuid faisnéise?

Bailímid faisnéis fút le haghaidh cúiseanna éagsúla agus ó roinnt foinsí, agus uait féin freisin. Seo a leanas na gnáthuaireanta a mbíonn sonraí pearsanta á mbailiú againn:

2.1 Nuair a dhéanann tú iarratas ar Uimhir Phearsanta Seirbhíse Poiblí (PPSN);

2.2 Nuair a bhíonn d’aitheantas fíoraithe trí phróiseas ar a dtugtar clárú Creat-Thimpeallacht i gcomhair Fíordheimhniú Caighdeáin (SAFE), eisítear Cárta Seirbhísí Poiblí (PSC) i ndiaidh chlárú SAFE;

2.3 Nuair a thuilleann tú ioncam – bailímid sonraí maidir le do ranníocaíochtaí árachais shóisialaigh agus faighimid faisnéis faoi d’ioncam ó na Coimisinéirí Ioncaim;

2.4 Nuair a dhéanann tú éileamh le haghaidh, nó nuair a úsáideann tú, aon cheann dár scéimeanna nó seirbhísí, go pearsanta nó ar líne;

2.5 Nuair atá íocaíocht á fáil agat agus nuair a chuireann tú in iúl dúinn go bhfuil do chuid imthosca athraithe;

2.6 Nuair a dhéanaimid athbhreithniú ar d’éileamh;

2.7 Nuair a bhíonn leanbh agat – agus leithdháiltear PPSN ar an leanbh freisin;

2.8 Chomh maith leis sin, faighimid faisnéis ó Ranna agus gníomhaireachtaí Rialtais eile – féach Rannóg 9. Mar rialaitheoir sonraí thacar sonraí* an Aitheantais Seirbhísí Poiblí (PSI) d’fhéadfaimid faisnéis aitheantais a bhailiú faoi chomhlachtaí sonraithe eile a d’fhéadfaí a úsáid chun tacar sonraí PSI a nuashonrú. Tá an liosta comhlachtaí sonraithe le fáil i Sceideal 5 den Acht atá le fáil ar leathanach 542-544 here

2.9 Chomh maith leis sin, forbraíonn agus soláthraíonn an roinn seirbhísí trí ghníomhaireachtaí/ comhlachtaí ar conradh a d’fhéadfadh faisnéis a bhailiú uait thar ceann na roinne. Áirítear i measc na ngníomhaireachtaí/ comhlachtaí seo, soláthraithe seirbhísí leasa Oifig Brainse, liachleachtóirí (a dheimhníonn incháilitheacht le haghaidh scéimeanna breoiteacha agus míchumais) agus soláthraithe seirbhísí fostaíochta agus pobail (lena n-áirítear Scéimeanna Fostaíochta Pobail, Seirbhísí Fostaíochta Áitiúla, Clubanna Poist, Tús agus JobPath). Tá na gníomhaireachtaí/ comhlachtaí ar fad ag obair de réir conarthaí atá ceangailteach ó thaobh dlí a cheanglaíonn go gcloífear le rialacha RGCS;

2.10 Chomh maith leis sin, d’fhéadfaimis sonraí a bhailiú ó Theachtaí Dála nó comhairleoirí atá ag obair ar do shon, nó ó dhaoine eile, a bhfuil cead tugtha agat dóibh gníomhú ar do shon.

Áirítear i measc faisnéis Aitheantais Seirbhíse Poiblí d’ainm, dáta & áit bhreithe, grianghraf, síniú, seoladh agus náisiúntacht.

Rannóg 3: Cén cineál sonraí pearsanta a bhailímid?

3.1 Is é beartas na roinne gach ach an fhaisnéis a theastaíonn le haghaidh críocha dlisteanacha a bhailiú, cosúil lena bhfuil sonraithe i Rannóg 7 . Braitheann an fhaisnéis a bhailímid fút ar na hidirbhearta a dhéanann tú linn ach d’fhéadfaimid an fhaisnéis a úsáid le haghaidh aon cheann dár bhfeidhmeanna. Bealach éasca lena fháil amach faoin gcineál faisnéise a phróiseálann an roinn le haghaidh tacaíocht ioncaim ar leith nó seirbhís fostaíocht breathnú ar an bhfoirm éilimh don tacaíocht/don tseirbhís sin.

3.2 D’fhéadfaimis na sonraí pearsanta seo a leanas a bhailiú fút:

d’ainm,
do sheoladh,
do dháta breithe,
d’áit bhreithe,
d’inscne,
sloinnte roimhe seo (más ann dá leithéid),
sloinnte roimhe seo do mháthar (más ann dá leithéid),
d’Uimhir Phearsanta Seirbhíse Poiblí (PPSN),
do náisiúntacht,
stádas pósta,
do stádas agus mionsonraí teaghlaigh,
d’uimhir theileafóin,
do sheoladh r-phoist,
faisnéis airgeadais áirithe,
ÁSPC íoctha agus curtha chun sochair,
mionsonraí fostaíochta, oiliúna agus oideachais,
tacaíochtaí nó seirbhísí atá curtha ar fáil duit, agus
grianghra(i)f agus síniú a úsáideadh chun críche aitheantais.

3.3 Uaireanta, b’fhéidir go mbeadh orainn sonraí pearsanta ‘catagóir speisialta’ a bhailiú freisin atá sainithe faoi Airteagal 9 de RGCS anseo. Áirítear anseo, mar shampla, sonraí a bhaineann le cúrsaí sláinte, bunadh ciníoch nó eitneach, ballraíocht ceardchumainn, cionta lena n-áirítear cionta líomhnaithe, imeachtaí coiriúla, torthaí agus pianbhreitheanna.

3.4 Má iarraimid ort faisnéis phearsanta a sholáthar, ní mór duit an méid seo a leanas a chinntiú:

tá an fhaisnéis a sholáthraíonn tú cruinn,
cuir scéala chugainn a luaithe agus is féidir má bhíonn aon athrú i gceist, cosúil le seoladh nua, athruithe ar do shocruithe maireachtála, lena n-áirítear comháitíocht/ pósadh, agus athruithe ar do stádas fostaíochta nó tuilleamh nó aon fhachtóirí eile a bhféadfadh tionchar a bheith acu ar do theidlíocht le haghaidh seirbhíse nó sochair (e.g. má tá íocaíocht míchumais nó easláine á fáil agat ní mór duit scéala a chur chuig an roinn má athraíonn do chuid imthosca, tá ar do chumas tabhairt faoin obair arís).

Cabhraíonn sé sin linn an méid seo a leanas a dhéanamh:

a chinntiú go bhfuil do chuid faisnéise beacht agus cothrom le dáta,
an méid ceart a íoc leat,
an tseirbhís is fearr agus is féidir a chur ar fáil duit.

Mura n-éiríonn leat scéala a chur chuig an roinn maidir le haon faisnéis a chuir tú ar fáil roimhe seo, i ndáil le do sheoladh go háirithe, do shocruithe maireachtála, lena n-áirítear comháitíocht/ pósadh, agus do stádas fostaíochta nó tuilleamh, nó aon fhachtóirí eile a bhféadfadh tionchar a bheith acu ar do theidlíocht le haghaidh seirbhíse nó sochair, d’fhéadfaí na seirbhísí/na sochair mhíchearta a chur ar fáil duit nó b’fhéidir nach gcuirfí na seirbhísí nó sochair a bhfuil tú i dteideal iad a fháil ar fáil duit. Bheadh sé riachtanach aon sochair/seirbhísí a bheadh curtha ar fáil trí bhotún a aistarraingt agus aon íocaíochtaí a rinneadh trí thimpiste a aisghabháil. Chomh maith leis sin, d’fhéadfaí tús a chur le himscrúdú chun cinneadh a dhéanamh maidir le cibé acu an ndearnadh an cinneadh gan faisnéis nuashonraithe a sholáthar d’aon turas agus má tá ionchúiseamh i ndáil le calaois oiriúnach.

3.5 Tá sé tábhachtach eolas a roinnt leis an roinn maidir le haon athruithe ar shonraí a bailíodh chun críocha fíoraithe aitheantais (SAFE/PSC) de bhrí go bhféadadh comhlachtaí sonraithe eile an fhaisnéis seo a chur faoi do bhráid nuair atá seirbhís á soláthar acu duit.

D’fhéadfadh go mbeadh moill ar na comhlachtaí seo d’aitheantas a fhíorú agus/nó iarratais a phróiseáil mura nuashonraítear an fhaisnéis

Rannóg 4: Cé hiad na daoine a bhfuil faisnéis maidir leo á próiseáil ag an roinn?

Próiseálann an roinn sonraí pearsanta maidir le:

baill den phobal;
daoine a úsáideann nó a d’úsáid ár seirbhísí (lena n-áirítear seirbhísí tacaíochta ioncaim);
daoine atá ina gcónaí i dteaghlach duine a d’úsáid, nó atá ag baint úsáide as nó atá ag rochtain ár seirbhísí;
soláthróirí agus soláthraithe seirbhíse;
comhairleoirí, comhairligh agus saineolaithe gairmiúla eile;
gearánaigh agus fiosraitheoirí;
gaolta, caomhnóirí nó daoine a d’úsáid, atá ag úsáid nó a bhfuil ár seirbhísí á rochtain acu;
foireann agus fostaithe, agus;
fostóirí.

4.1 Uaireanta teastaíonn faisnéis ón roinn faoi dhaoine eile seachas an duine a rinne iarratas ar thacaíocht ioncaim nó seirbhís chun measúnú a dhéanamh agus, más cuí, teidlíocht an duine do sheirbhís nó do shochar a ríomh. Faisnéis faoi bhaill eile de theaghlach, mar shampla, chun méid ceart íocaíochta a ríomh sa chás go bhfuil an íocaíocht sin bunaithe ar thástáil acmhainne (e.g. Liúntas Cuardaitheora Poist), sa chás go bhféadfadh méid na híocaíochta a bheith ag brath ar an líon daoine sa teaghlach atá ag brath ar ioncaim an éilitheora (e.g. Íocaíochtaí pinsin) nó sa chás go mbraitheann teidlíocht d’íocaíocht ar imthosca duine éigin eile sa teaghlach (e.g. Íocaíochtaí cúramóra).

Teastaíonn sonraí pearsanta leanaí chun éilimh ar Shochar Linbh agus Íocaíocht Caomhnóra agus gach scéim ina bhfuil tionchar ag ráta na híocaíochta ar an líon leanaí cáilitheacha a phróiseáil.

Rannóg 5: Conas a bhailíonn an roinn sonraí?

Is féidir leis an roinn sonraí pearsanta a bhailiú ar aon cheann de na bealaí seo a leanas:

Plé aghaidh ar aghaidh
Post
R-phost
Ar líne trí shuíomhanna gréasáin atá á bhfeidhmiú ag nó thar ceann na roinne
Na Meáin Shóisialta
CCTV
Suíomh Gréasáin
Teileafón
Féach Rannóg 9 maidir le sonraí a bhailiú ó thríú páirtithe
Féach Rannóg 2.9 maidir le gníomhaireachtaí/ comhlachtaí ar conradh

Tá eolas le fáil thíos maidir leis na bealaí a bhailímid sonraí ar na bealaí liostaithe thuas:

5.1 De ghnáth scantar foirmeacha éilimh agus comhfhreagras eile a fhaightear tríd an bpost i gcórais ríomhaireachta na roinne, foirmeacha agus comhfhreagras a bhaineann le héileamh an duine agus a dhéileálann an t-aonad ábhartha seirbhísí do chustaiméirí leo. Déantar cóip chrua bhunaidh an chomhfhreagrais a scriosadh go slán. Mura ndéantar comhfhreagras a scanadh ach má choimeádtar an chóip chrua, nasctar é leis an gcomhad ábhartha.

5.2 Nasctar r-phoist ó dhaoine a bhfuil ár seirbhísí á rochtain acu leis an éileamh/seirbhís ábhartha agus déileálann an t-aonad ábhartha seirbhísí do chustaiméirí leo.

5.3 Déanann an t-aonad ábhartha seirbhísí do chustaiméirí sonraí a bhailítear trí sheirbhísí ar líne a phróiseáil ar mhaithe le héileamh a phróiseáil nó seirbhís ábhartha a sholáthar.

5.3.1 Is Tairseach Seirbhíse Aitheantais ar líne é MyGovID www.mygovid.ie a thugann deis d’úsáideoirí logáil isteach agus seirbhísí ar líne atá á soláthar ag an rialtas a rochtain (Revenue MyAccount; MyWelfare.ie, mar shampla) ar bhealach atá sábháilte agus slán. Ní bhailíonn an suíomh gréasáin MyGovID aon sonraí pearsanta, seachas faisnéis a sholáthraíonn tú (nuair a bhíonn foirm á comhlánú, mar shampla). Tugann tairseach MyGovID deis do dhaoine cuntas MyGovID a chruthú agus ceann amháin de dhá leibhéal rochtana a roghnú – rochtain ar chuntas bunúsach (a sholáthraíonn rochtain ar raon teoranta seirbhísí) agus rochtain ar chuntas ‘fíoraithe’ (a sholáthraíonn rochtain ar raon níos leithne seirbhísí lena n-áirítear seirbhíse a chuireann ar chumas duine iarratas a dhéanamh ar agus féachaint ar shochair agus a gcuid sonraí a nuashonrú); logáil isteach agus a n-aitheantas a fhíorú trí úsáid a bhaint as a gcuntas MyGovID; a n-uimhir theileafóin phóca a nuashonrú (úsáidtear SMS teileafóin phóca mar chuid den phróiseas logála isteach le haghaidh cuntas fíoraithe); a bpasfhocal a athrú; agus a gcuntas a athshlánú.

Mar chuid den phróiseas a bhaineann le haitheantas duine a údarú chun rochtain a fháil ar shuíomhanna gréasáin seirbhíse cosúil le MyWelfare.ie agus MyAccount na gCoimisinéirí Ioncaim, mar shampla, d’fhéadfadh tairseach aitheantais MyGovID sonraí d’aitheantais seirbhíse poiblí, cosúil le PPSN agus dáta breithe, a roinnt le ranna/gníomhaireachtaí Rialtais eile a úsáideann MyGovID, de réir an dlí. Aon sonraí a roinntear, glactar leis mar shonraí a bhfuil an comhlacht sonraithe ábhartha i dteideal de réir dlí é a bheith aige agus go dteastaíonn na sonraí sin chun a sheirbhís(í) a sholáthar. Sula logálann duine isteach ar MyGovID, moltar dó/di go bhfuil sé/sí ag comhaontú sonraí pearsanta agus faisnéis teagmhála a roinnt leis an gcomhlacht rialtais a bhfuil sé beartaithe aige/aici a seirbhísí ar líne a rochtain. Tá an fhaisnéis a roinntear le gníomhaireachtaí Rialtais eile le fáil ag www.mygovid.ie

D’fhéadfadh MyGovID an fhaisnéis seo a leanas ó gach úsáideoir an tsuímh:

Faisnéis staitistiúil (seoladh IP agus óstainm, leagan brabhsálaí gréasáin, leathanaigh ar tugadh cuairt orthu etc.). Áirítear anseo clibeáil le haghaidh Google Analytics a úsáidtear mar bhonn eolais le haghaidh feabhsuithe seirbhís dearaidh.
Faisnéis maidir le seoladh IP a choimeád le haghaidh tréimhse theoranta chun críche slándála agus chun mí-úsáid an tsuímh ghréasáin a chosc.
Seoladh an tsuímh ghréasáin ar thug tú cuairt ar roimh MyGovID.ie, lena n-áirítear aon téarmaí cuardaigh úsáidte.
Sonraí clárúcháin roinnte le MyGovID (seoladh r-phoist, ainm agus uimhir fóin phóca).
Do rogha teanga (Béarla/Gaeilge).
Faisnéis eile a chuirtear ar fáil ar fhoirmeacha, mar shampla, má chuireann tú sonraí pearsanta ar fáil nuair a bhíonn foirm ar líne á lorg nó á seoladh ar aghaidh agat.
An dáta agus an t-am a ndéanann tú tairseach MyGovID a rochtain.

5.3.2 Is cainéal seirbhíse ar líne é MyWelfare ( www.mywelfare.ie ) do dhaoine ar mian leo seirbhísí na roinne a rochtain. Ní bhailíonn an suíomh gréasáin MyWelfare aon sonraí pearsanta, seachas an fhaisnéis a chuireann tú ar fáil go deonach (nuair a bhíonn foirm á comhlánú agat mar shampla) agus do sheoladh IP. Ní úsáidtear aon fhaisnéis a chuireann tú ar fáil ar an tslí seo ach chun na críche ar sholáthair tú an fhaisnéis. I láthair na huaire, áirítear i measc na gcuspóirí seo: coinne a dhéanamh chun cuairt a thabhairt ar oifig na roinne; iarratas a dhéanamh ar scéimeanna tacaíochta cuardaitheora poist, tuismitheora, linbh agus teaghlaigh; iarratas a dhéanamh ar athríomh pinsin; ráiteas maidir le ranníocaíochtaí agus íocaíochtaí a lorg nó breathnú orthu agus aisíocaíochtaí trí áireamhán sochair oibre a rochtain; agus incháilitheacht le haghaidh sochar cóireála a sheiceáil. Scriostar aon fhaisnéis a sholáthraítear chun críche áireamháin sochar oibre a rochtain nuair a bhíonn an seisiún imithe in éag.

Úsáideann MyWelfare MyGovID mar sheirbhís bainistíochta aitheantais agus rochtana agus chun úsáideoirí a fhíordheimhniú. D’fhéadfaí an fhaisnéis seo a leanas a bhailiú ó gach úsáideoir an tsuímh:

Faisnéis staitistiúil (seoladh IP agus óstainm, leagan brabhsálaí gréasáin, leathanaigh ar tugadh cuairt orthu etc.). Áirítear anseo clibeáil le haghaidh Google Analytics a úsáidtear mar bhonn eolais le haghaidh feabhsuithe seirbhís dearaidh.
Faisnéis maidir le seoladh IP a choimeád le haghaidh tréimhse theoranta chun críche slándála agus chun mí-úsáid an tsuímh ghréasáin a chosc.
Seoladh an tsuíomh gréasáin ar thug tú cuairt air roimhe seo, lena n-áirítear aon téarmaí cuardaigh úsáidte.
Sonraí clárúcháin roinnte le MyGovID (seoladh r-phoist, ainm agus uimhir fóin phóca) mar aon le PPSN agus dáta breithe.
Do rogha teanga (Béarla/Gaeilge).
Faisnéis eile a chuirtear ar fáil ar fhoirmeacha, mar shampla, má chuireann tú sonraí pearsanta ar fáil nuair a bhíonn foirm ar líne á lorg nó á seoladh ar aghaidh agat.
An dáta agus an t-am a ndéanann tú suíomh MyWelfare a rochtain.

5.3.3 Is cainéal seirbhíse ar líne é WelfarePartners ( www.welfarepartners.ie ) do chomhpháirtithe gnó na roinne. I láthair na huaire, tacaíonn an suíomh gréasáin le scéimeanna Fostaíochta Pobail agus Fóirdheontais Tuarastail chun seirbhísí a sholáthar thar ceann na roinne. Chomh maith leis sin, tacaíonn sé le fiaclóirí, radharceolaithe agus éisteolaithe le seirbhísí Sochar Cóireála a sholáthar. D’fhéadfadh na comhpháirtithe gnó seo faisnéis cosúil le PPSN, dáta breithe agus seoladh an chliaint a sholáthar. D’fhéadfadh urraitheoirí Fostaíochta Pobail, lena chois sin, faisnéis a sholáthar a bhaineann le hoiliúint agus oideachas agus taithí oibre curtha i gcrích ag cliant mar chuid dá rannpháirtíocht sa scéim Fostaíochta Pobail. Cuireann sé seo ar chumas na roinne an soláthraí a mhaoiniú ionas go gcuirtear an tseirbhís/an íocaíocht ábhartha ar fáil don duine lena mbaineann. Ina theannta sin, d’fhéadfadh Fostóirí na Scéime Fóirdheontais Tuarastail faisnéis a sholáthar maidir le stádas fostaíochta cliaint, uaireanta oibre agus olltuilleamh. Cuireann sé seo ar chumas na roinne an Íocaíocht Fóirdheontais Tuarastail oiriúnach a chur ar fáil don fhostóir sin.

Úsáideann WelfarePartners bonneagar teastais dhigitigh ROS na gCoimisinéirí Ioncaim chun úsáideoirí gnó a fhíordheimhniú agus d’fhéadfaí an fhaisnéis seo a leanas a bhailiú ó gach úsáideoir an tsuímh:

Faisnéis staitistiúil (seoladh IP agus óstainm, leagan brabhsálaí gréasáin, leathanaigh ar tugadh cuairt orthu etc.). Áirítear anseo clibeáil le haghaidh Google Analytics a úsáidtear mar bhonn eolais le haghaidh feabhsuithe seirbhís dearaidh.
Faisnéis maidir le seoladh IP a choimeád le haghaidh tréimhse theoranta chun críche slándála agus chun mí-úsáid an tsuímh ghréasáin a chosc.
Seoladh an tsuíomh gréasáin ar thug tú cuairt air roimhe seo, lena n-áirítear aon téarmaí cuardaigh úsáidte.
Sonraí clárúcháin roinnte le ROS (seoladh r-phoist agus ainm).
Do rogha teanga (Béarla/Gaeilge).
Faisnéis eile a chuirtear ar fáil ar fhoirmeacha, mar shampla, má chuireann tú sonraí pearsanta ar fáil nuair a bhíonn foirm ar líne á lorg nó á seoladh ar aghaidh agat.
An dáta agus an t-am a ndéanann tú suíomh WelfarePartners a rochtain.

5.3.4 Is seirbhís fógraíochta agus meaitseála poist ar líne é JobsIreland.ie (www.jobsireland.ie) a chuireann ar chumas úsáideoirí clárú mar fhostóir agus folúntais post a fhógairt ar líne nó clárú mar chuardaitheoir poist agus a bpróifíl a chur ar fáil ar líne chun cabhrú leo folúntais a chuardach agus iad a mheaitseáil le folúntais. Faigheann cuardaitheoirí poist rochtain ar shuíomh gréasáin jobsireland.ie tríd an suíomh gréasáin MyGovID, bealach chun seirbhísí ar líne atá á soláthar ag an rialtas a rochtain ar bhealach sábháilte agus slán. Ní bhailíonn suíomh gréasáin JobsIreland.ie aon sonraí pearsanta, seachas faisnéis a chuireann tú ar fáil go deonach (nuair a bhíonn foirm á comhlánú, mar shampla) agus do sheoladh IP.

Cuireann suíomh gréasáin JobsIreland.ie ar chumas an úsáideora cuntas pearsanta a chruthú agus a phobalú, logáil isteach agus a (h)aitheantas a fhíordheimhniú trí phasfhocal a úsáid; sonraí pearsanta atá stóráilte ar a bpróifil a nuashonrú; pasfhocal a athrú; agus iarratas a dhéanamh go scriosfaí próifíl. Mar chuid den phróiseas a bhaineann le haitheantas duine a fhíordheimhniú chun rochtain a fháil ar Jobsireland.ie, d’fhéadfadh tairseach aitheantais MyGovID sonraí d’aitheantais seirbhíse poiblí, cosúil le PPSN agus dáta breithe, a roinnt le ranna/gníomhaireachtaí Rialtais eile a úsáideann MyGovID, agus seirbhísigh agus gníomhairí na roinne de réir an dlí. Sula logálann duine isteach ar JobsIreland.ie, moltar dó/di go bhfuil sé/sí ag comhaontú sonraí pearsanta agus faisnéis teagmhála a roinnt leis an gcomhlacht rialtais a bhfuil sé beartaithe aige/aici a seirbhísí ar líne a rochtain.

D’fhéadfadh suíomh gréasáin JobsIreland.ie an fhaisnéis seo a leanas a bhailiú ó gach úsáideoir an tsuímh:

Faisnéis staitistiúil (seoladh IP agus óstainm, leagan brabhsálaí gréasáin, leathanaigh ar tugadh cuairt orthu etc.). Áirítear anseo clibeáil le haghaidh Google Analytics a úsáidtear mar bhonn eolais le haghaidh feabhsuithe seirbhís dearaidh.
Faisnéis maidir le seoladh IP a choimeád le haghaidh tréimhse theoranta chun críche slándála agus chun mí-úsáid an tsuímh ghréasáin a chosc.
Seoladh an tsuíomh gréasáin ar thug tú cuairt air roimhe seo, lena n-áirítear aon téarmaí cuardaigh úsáidte.
Sonraí clárúcháin roinnte le MyGovID (seoladh r-phoist, ainm agus uimhir fóin phóca).
Do rogha teanga (Béarla/Gaeilge).
Faisnéis eile a chuirtear ar fáil ar fhoirmeacha, mar shampla, má chuireann tú sonraí pearsanta nó sonraí do chuideachta ar fáil nuair a bhíonn do phróifíl JobsIreland.ie á comhlánú agat.
An dáta agus an t-am a ndéanann tú suíomh JobsIreland.ie a rochtain.

5.4 Úsáideann an roinn cuntais meán sóisialta chun cumarsáid a dhéanamh leis an daoine a úsáid a cuid seirbhísí agus le páirtithe leasmhara eile. Déantar teachtaireachtaí nó postálacha a fhaigheann an roinn ar na hardáin seo a léamh agus déantar tuilleadh próiseála ar na sonraí sa chás, mar shampla, go bhfaightear fiosrúchán a bhaineann le héileamh nó próiseas iarratais. Freagraítear an fiosrúchán go díreach nó seoltar é ar aghaidh chuig an aonad seirbhísí do chustaiméirí a dhéileálfaidh leis.

5.5 Úsáideann cuid d’oifigí na roinne teilifís ciorcaid iata (CCTV) ar mhaithe le cúrsaí slándála agus chun daoine a choinneáil sábháilte. Más tionónta i bhfoirgneamh é an roinn, d’fhéadfadh an tiarna talún a bhfuil an t-áitreabh ar cíos uaidh/uaithi (nó cuideachta bainistíochta), nó cuideachta atá ag soláthar seirbhísí don oifig, seirbhísí CCTV a sholáthar. I gcás foirgneamh áirithe, tá conradh ag Oifig na nOibreacha Poiblí leis an gcuideachta atá ag soláthar seirbhísí CCTV. Tá comharthaí inár n-oifigí ar a bhfuil sonraí teagmhála daoine ar cheart teagmháil a dhéanamh leo má tá aon cheist agat maidir leis an úsáid atá á baint as CCTV. Tá an bonn dlí a bhaineann le próiseáil CCTV sonraithe in Airteagal 6(1(f) GDPR i.e. ní mór go mbeadh sé riachtanach chun críche leasanna dlisteanacha na roinne. De ghnáth, coimeádtar píosaí scannánaíochta CCTV le haghaidh tréimhse 28 lá. Sa chás go dtarlaíonn teagmhas nó cion amhrasta, féadfar cóip den phíosa scannánaíochta CCTV a choimeád le haghaidh tréimhse níos faide, agus d’fhéadfaí é a chur ar fáil do An Garda Síochána nó do chomhlachtaí eile ag a bhfuil cumhachtaí imscrúdaitheacha, chun deis a thabhairt imscrúdú a dhéanamh agus leanúint le himeachtaí cúirte.

5.6 Úsáideann suíomhanna gréasáin na roinne fianáin áirithe. Tá ár Ráiteas Fianán le fáil anseo here

5.7 Ní thaifeadann an roinn seo glaonna teileafóin ó chustaiméirí. I rith glaonna custaiméirí, d’fhéadfaí sonraí pearsanta a roinntear leis an roinn a úsáid chun fiosrúcháin a fhreagairt go díreach nó d’fhéadfaí iad a chur faoi bhráid aonad seirbhísí do chustaiméirí eile agus déileálfar leo de réir mar is cuí. D’fhéadfaí nótaí a bhaineann le hábhar an chomhrá teileafóin a thaifeadadh go leictreonach nó i gcomhad páipéir.

Rannóg 6: Bonn dlí le haghaidh próiseála

An Rialachán Ginearálta maidir le Cosaint Sonraí (RGCS)

Braitheann an bonn dlí le haghaidh próiseáil sonraí pearsanta ar na gcuspóir atá leis an bpróiseáil.

6.1 Is é Airteagal 6 (1) (c) agus/nó Airteagal 6 (1) (e) an príomhbhonn dlí faoi RGCS ar a mbraitheann an roinn chun críche sonraí pearsanta a phróiseáil: i.e.

Airteagal 6 (1) (c) : tá próiseáil riachtanach chun críche oibleagáid dhlíthiúil a bhfuil an rialaitheoir faoina réir a chomhlíonadh.

Airteagal 6 (1) (e) : tá próiseáil riachtanach chun tasc a fheidhmiú a dhéantar ar son leas an phobail nó chun údarás oifigiúil atá dílsithe sa rialaitheoir a fheidhmiú.

Tá formhór na scéimeanna agus na seirbhísí atá á soláthar ag an roinn sonraithe i reachtaíocht a thugann údarás agus oibleagáid don roinn, na seirbhísí ábhartha a sholáthar. Is í Acht Chomhdhlúite Leasa Shóisialaigh, 2005 (arna leasú) an príomhphíosa reachtaíochta.

Chomh maith leis sin, tá na hAirteagail seo a leanas de RGCS ábhartha.

Airteagal 6 (1) (a) : sa chás gur thoiligh an duine is ábhar do na sonraí dá s(h)onraí pearsanta a bheith á bpróiseáil le haghaidh cuspóir sonrach amháin nó níos mó. Sampla de thoiliú a thabhairt é nuair a lorgaíonn soláthróirí Jobpath toiliú uait sonraí pearsanta áirithe a bhaineann leat a chur ar fáil do d'fhostóir.

Airteagal 6 (1) (b) : tá próiseáil riachtanach chun conradh a fheidhmiú a bhfuil an duine is ábhar do na sonraí páirteach ann nó chun céimeanna a chur i gcrích ar iarratas an duine is ábhar do na sonraí roimh pháirt a ghlacadh i gconradh. (e.g. sonraí a phróiseáiltear i ndáil le hoibríochtaí a bhaineann leis an Scéim Fostaíochta Pobail).

Airteagal 6 (1) (d) : tá próiseáil riachtanach chun leasanna bunriachtanacha duine is ábhar do na sonraí nó duine nádúrtha eile a chosaint. (e.g. sa chás go gcinneann roinn, le linn di a seirbhísí a sholáthar, gur ábhar imní é folláine duine is ábhar do na sonraí, féadfar an duine i gceist a chur i dteagmháil le soláthraí/gníomhaireachta seirbhíse speisialaithe eile)

Airteagal 6 (1) (f) : tá próiseáil riachtanach chun críocha leasanna dlisteanacha an rialaitheora nó tríú páirtí, ach amháin sa chás go bhfuil a leithéid sin de leasanna á sárú ag leasanna nó cearta agus saoirsí bunúsacha an duine is ábhar do na sonraí a cheanglaíonn go mbeidh sonraí pearsanta á gcosaint, go háirithe sa chás gur leanbh é an duine is ábhar do na sonraí. Ní bhaineann an bonn dlí seo le próiseáil atá curtha i gcrích ag an roinn nuair atá tascanna á gcur i gcrích, sa chás go seolann an roinn litir chuig cliant ó sholáthar pinsin phríobháidigh atá ag iarraidh teagmháil a dhéanamh leis an gcliant chun teidlíocht pinsin a íoc.

A mhéid is atá catagóirí speisialta de shonraí pearsanta á bpróiseáil ag an roinn, lena n-áirítear sonraí bithmhéadracha agus sonraí a bhaineann le sláinte duine, is é seo a leanas an bonn dlí ar a bhfuil an roinn ag brath den chuid is mó

Airteagal 9 (2) (b) : tá próiseáil riachtanach chun oibleagáidí agus cearta sonracha i réimse na slándála fostaíochta agus coimirce sóisialta agus an dlí coimirce sóisialaí;

Airteagal 9 (2) (g) : tá próiseáil riachtanach le haghaidh cúiseanna a bhaineann le leas poiblí suntasach

Airteagal 9 (2) (h) : tá próiseáil riachtanach chun measúnú a dhéanamh ar acmhainn oibre agus ar sholáthar agus bainistíocht córas agus seirbhísí cúraim sláinte.

6.2 Tá an roinn ag feidhmiú faoi roinnt Achtanna a fhorálann gur féidir sonraí pearsanta a phróiseáil de réir dlí. Is é an Príomh-Acht Acht Comhdhlúite Leasa Shóisialaigh, 2005 (daingniú reatha), arna leasú. Tá daingniú riaracháin d’Acht 2005 le fáil anseo. Chomh maith leis sin, tá roinnt píosaí reachtaíochta príomhúla agus tánaisteacha a cheadaíonn don roinn sonraí pearsanta a phróiseáil. Más mian leat níos mó eolais a léamh fúthu seo, féach ar an liosta atá san áireamh in Aguisín 1.

6.3 Chomh maith leis sin, tá an roinn i dteideal sonraí pearsanta a phróiseáil faoi fhorálacha reachtúla eile a sholáthar an bonn do gach roinn Rialtais seirbhísí agus tacaíochtaí a riar agus sonraí a roinnt chun na gcríoch seo.

An Treoir maidir le Forfheidhmiú an Dlí (LED)

6.4 Déileáiltear in LED le sonraí pearsanta a bheith á bpróiseáil ag rialaitheoirí sonraí ‘chun críocha fhorfheidhmiú an dlí’ a chuimsítear faoin sainmhíniú ar ‘údarás inniúil’ chun críocha LED, arna trasuí i ndlí na hÉireann, go príomha ag Cuid 5 d’Acht um Chosaint Sonraí, 2018.

6.5 Sainmhínítear in Alt 70 d’Acht um Chosaint Sonraí, 2018, raon feidhme phróiseáil na sonraí pearsanta a áirítear sa chuid sin den Acht. Sonraítear go mbaineann Cuid 5 den Acht le próiseáil sonraí atá á déanamh “chun críocha (i) cosc, imscrúdú, brath nó ionchúiseamh cionta coiriúla, lena n-áirítear cosaint i gcoinne, agus cosc bagairtí don tslándáil phoiblí, nó (ii) nó forfheidhmiú pionós coiriúil…”

6.6 Sainmhínítear an téarma ‘údarás inniúil’ in Alt 69 d’Acht um Chosaint Sonraí, 2018 mar, inter alia,

“Údarás poiblí atá inniúil as cosc, imscrúdú, brath nó ionchúiseamh cionta coiriúla nó forfheidhmiú pionós coiriúil sa Stát, lena n-áirítear cosaint i gcoinne, agus cosc, bagairtí do shlándáil phoiblí”.

6.7 Maidir le gníomhaíochtaí próiseála áirithe a chuirtear i gcrích, glactar leis an roinn mar ‘údarás inniúil’ chun críocha Chuid 5 d’Acht 2018.

6.8 Is é an bonn dlí atá sonraithe don roinn chun sonraí pearsanta a phróiseáil mar ‘údarás inniúil’ Alt 71(2) d’Acht um Chosaint Sonraí, 2018, lena ndéantar foráil maidir le:

“Beidh próiseáil sonraí pearsanta dleathach sa chás, agus a mhéid –

(a) Tá próiseáil riachtanach chun feidhm rialaitheora a fheidhmiú le haghaidh críche sonraithe in alt 70(1)(a) agus tá bonn dlí ag an bhfeidhm i ndlí an Aontais Eorpaigh nó i ndlí Stát….”

6.9 Déantar foráil in Acht Comhdhlúite Leasa Shóisialaigh (Comhdhlúthú), 2005, arna leasú, go sonrach Ailt 250 – 279 den Acht sin, maidir le cosc, brath, imscrúdú agus ionchúiseamh calaois leasa shóisialaigh. Tá daingniú riaracháin d’Acht 2005 le fáil anseo here .

Tá eolas le fáil i Straitéis Chomhlíontachta agus Frithchalaoise 2019-2023 maidir leis an gcineál gníomhaíochtaí rialaithe atá á chur i gcrích ag an roinn.

Rannóg 7: Na catagóirí próiseála atá á gcur i gcrích ag an roinn

7.1 Próiseálaimid sonraí pearsanta le haghaidh na gcríoch seo a leanas:

7.1.1 Chun uimhreacha seirbhísí poiblí pearsanta (PPSNanna) a sholáthar.

7.1.2 Chun féiniúlacht a bhailíochtú agus a fhíordheimhniú, chun clárúcháin SAFE a dhéanamh agus chun Cártaí Seirbhísí Poiblí (PSCanna) a sholáthar i ndiaidh clárúcháin den chineál sin. Chomh maith leis sin, cuireann comhlachtaí sonraithe eile sonraí PSI ar fáil chun tacú le fíordheimhniú aitheantais – tá tuilleadh sonraí le fáil in Treoir chuimsitheach maidir le clárúchán SAFE agus an cárta seirbhísí poiblí .

7.1.3 Chun ranníocaíochtaí árachais shóisialta a bhailiú agus a nascadh le daoine sonracha inaitheanta chun aon teidlíocht ar scéimeanna agus íocaíochta áirithe anois nó amach anseo a thaifeadadh i gceart – an Pinsean Stáit (Ranníocach), mar shampla.

7.1.4 Chun incháilitheacht duine rochtain a fháil ar aon scéimeanna aois oibre nó breoiteachta a sheiceáil agus más incháilithe, chun socruithe a dhéanamh chun an méid ábhartha a íoc leis an duine ábhartha.

7.1.5 Iarratais a phróiseáil le haghaidh aon cheann den raon tacaíochtaí fostaíochta nó tacaíochtaí eile atá á soláthar againn agus le haghaidh seirbhísí gaolmhara.

7.1.6 Seirbhísí agus tacaíochtaí a sholáthar d’fhostóirí.

7.1.7 Tacaíochtaí a sholáthar do dhaoine a chaill a bpost mar gheall ar iomarcaíocht nó dócmhainneacht fostóra.

7.1.8 Conarthaí le soláthraithe seirbhíse seachtracha.

7.1.9 Déileáil le gearáin seirbhísí do chustaiméirí.

7.1.10 Fiosrúcháin agus iarrataí seirbhíse ó dhaoine a fhreagairt (e.g. ráitis ranníocaíochtaí déanta agus íocaíochtaí faighte a sholáthar).

7.1.11 Íocaíochtaí a dhéanamh le daoine.

7.1.12 Teidlíocht leanúnach aon duine do thacaíochtaí agus seirbhísí ioncaim a athbhreithniú agus a sheiceáil. Thart ar gach 18 mhí, mar shampla, seolta foirmeacha chuig formhór na n-éilitheoirí Sochar Linbh. Ní mór na foirmeacha seo a chomhlánú agus a sheoladh ar ais chuig an roinn de bhrí go gcabhraíonn siad linn cinneadh a dhéanamh maidir le cibé acu ar cheart nó nár cheart leanúint ar aghaidh leis an íocaíocht a dhéanamh. Mura gcomhlánaítear na foirmeacha, cuirfidh an roinn na híocaíochtaí Sochar Linbh ar fionraí.

7.1.13 Athbhreithniú a dhéanamh ar an úsáid atá á baint as ár scéimeanna agus seirbhísí chun bonn eolais a sholáthar do mheastóireacht agus d’fhorbairt beartais.

7.1.14 Cabhrú le bainistíocht ár scéimeanna agus seirbhísí agus aon chalaois nó earráid a bhaineann le híoc sochar a bhrath agus a réiteach.

7.1.15 Le haghaidh feidhmeanna inmheánacha acmhainní daonna.

I gcásanna áirithe, d’fhéadfaí sonraí a roinnt le heagraíochtaí eile freisin, de réir na reachtaíochta agus mar atá sonraithe in Rannóg 9

7.2 Cinnteoireacht Uathoibrithe

Is éard atá i gceist le cinneadh uathoibrithe cinneadh a dhéanann córas ríomhaireachta, gan idirghabháil ó dhuine dár n-oifigigh.

Úsáideann an roinn roinnt próiseas cinnteoireachta uathoibrithe, ach i ngach cás, ní úsáidtear an chinnteoireacht uathoibrithe ach i ndáil le híocaíochtaí a dhéanamh nó seirbhís a sholáthar. Ní bhfaighidh duine fógra uathoibrithe ach amháin má bhí rath ar an éileamh a rinne sé/sí. Ciallaíonn sé seo, sa chás go gcuireann córas ríomhaireachta in iúl go mb’fhéidir nach mbeidh duine incháilithe le haghaidh íocaíochta, go gcuirfidh an córas an t-iarratas ábhartha faoi bhráid oifigeach na roinne. Athbhreithníonn an t-oifigeach sin an t-iarratas agus déantar cinneadh maidir le teidlíocht agus is é an t-oifigeach sin a dhéanfaidh teagmháil leis an duine ábhartha.

Ar an tslí seo, níl aon chás ann ina ndiúltóidh córas ríomhaireachta íocaíocht a thabhairt do dhuine. Ina theannta sin, tá an ceart ag custaiméirí i gcónaí achomharc a dhéanamh i gcoinne cinnidh agus/nó athbhreithniú ar chinneadh a rinne an roinn a lorg.

7.3 Próifíliú

Is éard atá i gceist le próifíliú sonraí pearsanta agus sonraí eile a phróiseáil chun bonn eolais a sholáthar le haghaidh cinntí gnó nó seirbhísí do chustaiméirí. Úsáideann an roinn teicnící próifílithe in dhá réimse – measúnú ar infhostaitheacht duine agus measúnú ar chalaois fhéideartha agus ar riosca earráide.

7.3.1 De réir mar a fhoráiltear in Alt 244A d’Acht Comhdhlúite Leasa Shóisialaigh (Comhdhlúthú), 2005, arna leasú agus Ionstraim Reachtúil 373/2012, úsáideann an roinn sonraí pearsanta chun an seans atá ann go bhfaighidh cuardaitheoirí poist dífhostaithe post a mheas.

Áirítear sa mheasúnú seo ceistneoir a bheith á chomhlánú ag an gcuardaitheoir poist. Úsáidtear an fhaisnéis sin chun cinneadh a dhéanamh maidir le cur chuige na roinne i ndáil le tacaíochtaí fostaíochta agus seirbhís a sholáthar don duine ábhartha.

7.3.2 Chomh maith leis sin, déanann an roinn anailís ar threochtaí agus ar phatrúin chun cásanna a shainaithint a bhféadfadh riosca calaoise agus earráide níos airde ná mar is gnáth a bheith luaite leo. Ansin roghnaítear na cásanna seo lena n-athbhreithniú, agus chun gníomhú ina leith más cuí.

Rannóg 8: Cá bhfuil do shonraí pearsanta á stóráil?

8.1 Stóráil Leictreonach do Shonraí Pearsanta

Tá sonraí pearsanta atá á stóráil ag an roinn á stóráil go leictreonach ar ár gcórais TFC inmheánacha (Teicneolaíocht Faisnéise agus Cumarsáide) atá suite in ionaid sonraí slána, atá faoi úinéireacht na roinne agus a bhfuil an roinn freagrach as a bhfeidhmiú. Tá an córais seo á gcosaint ag bogearraí frithvíreas agus frithmhailíseacha. Cuimsítear i measc sonraí leictreonacha cóipeanna scanta d’fhoirmeacha iarratais, fianaise ar aitheantas, faisnéis teagmhála, faisnéis airgeadais, sonraí teaghlaigh, gnóthachtálacha oideachais agus oiliúna, cóipeanna de chomhfhreagras leictreonach, ranníocaíochtaí árachais shóisialta, cúlra fostaíochta agus cúlra éileamh.

Tá rochtain ar shonraí pearsanta teoranta do chomhaltaí foirne a dteastaíonn an fhaisnéis uathu chun a gcuid dualgas oifigiúil a chur i gcrích. Tá rochtain á rialú trí ainm úsáideora agus pasfhocal logála isteach uathúil a chur ar fáil do gach comhalta foirne agus tá na hainmneacha úsáideora nasctha leis na ceadanna íosta atá riachtanach chun cead a thabhairt don chomhalta foirne a c(h)uid oibre a chur i gcrích i dtimpeallacht shlán agus gan ach na sonraí pearsanta a theastaíonn uathu chun a bpoist a chur i gcrích a chur ar fáil dóibh. Lena chois sin, níl cead ag ár gcomhaltaí foirne déileáil le héilimh ó dhaoine muinteartha, dlúthchairde agus comhghleacaithe/iar-chomhghleacaithe a bhfuil aithne phearsanta acu orthu.

Tá roinnt sonraí pearsanta a chuireann cliaint ar fáil do chonraitheoirí á gcoimeád ag an roinn chun seirbhísí a sholáthar ar a son (suíomh poist ar líne JobsIreland, Seirbhísí Fostaíochta Áitiúla nó Seirbhísí Fostaíochta Pobail, mar shampla) á stóráil in Éirinn ag conraitheoirí tríú páirtí atá faoi réir RGCS agus ceanglaítear orthu, trí chonradh leis an roinn, cloí leis na polasaithe sonracha a bhaineann le bailiú, próiseáil agus stóráil sonraí.

8.2 Stóráil Cóipeanna Crua de Chomhaid (Páipéar)

Sa chás go bhfuil taifid pháipéir á gcoimeád ag an roinn ina bhfuil sonraí pearsanta duine luaite, tá siad seo á stóráil ar chomhaid aonair atá á gcoimeád in áitreabh slán. Sa chás go bhfuil comhaid phearsanta á stóráil ag soláthraithe seachtracha, ní bheidh rochtain fhisiciúil ar na comhaid ach ag comhaltaí foirne an tsoláthraí. Tá aisghabháil comhad teoranta don chomhalta foirne ainmnithe laistigh den roinn agus ní sheolfar na comhaid ach chuig oifigí cláraithe na roinne. Seachadtar comhaid a iarrtar chuig an oifig cuí trí phost cláraithe nó cúiréir cláraithe agus taifeadtar na sonraí seachadta. Ní chuirfear cóipeanna boga de chomhaid, má theastaíonn a leithéid, ar fáil ach do chomhaltaí foirne réamhfhaofa na roinne.

Déantar é seo trí shlándáil fhisiciúil, áit ar féidir oifig roinne a rochtain trí úsáid a bhaint as svaidhpchárta nó cárta rochtana agus sa chás go ndéantar cuairteoirí a scagadh, go n-iarratas orthu síniú isteach agus go mbíonn comhalta foirne ina dteannta, d’fhonn a chinntiú nach féidir leo aon sonraí pearsanta atá á stóráil ag an roinn a rochtain

Rannóg 9: Sonraí pearsanta a roinnt

9.1 Féadfaidh an roinn faisnéis a roinnt le agus a fháil ó eagraíochtaí eile. Ceadaíonn Acht Comhdhlúite Leasa Shóisialaigh, 2005, arna leasú do roinnt sonraí le comhlachtaí poiblí lena n-áirítear faisnéis a bhaineann le hioncam agus íocaíochtaí leasa shóisialaigh agus sonraí aitheantais seirbhíse poiblí. Is féidir leis an roinn sonraí aitheantais seirbhíse poiblí duine a roinnt le raon eagraíochtaí, atá liostaithe i sceideal 5 den Acht sin agus le fáil anseo ar Leathanach 542 - 544 de Reachtaíocht a rialaíonn comhlachtaí eile chomh fada is a bhaineann le faisnéis phearsanta a roinnt leis an roinn.

Oibríonn an roinn i ndlúthchomhar le codanna eile den rialtas, eagraíochtaí neamhrialtasacha agus pobail chun go leor tacaíochtaí agus seirbhísí a sholáthar. Áirítear ina measc seo seirbhísí cosúil le tacaíochtaí ioncaim a sholáthar, seirbhísí fostaíochta, slándáil shóisialta, seirbhísí d’fhostóirí, agus seirbhísí eile do leanaí, mic léinn, daoine atá ag obair, daoine faoi mhíchumas/breoite nó daoine atá imithe ar scor.

Nuair a bhítear ag feidhmiú mar údarás áitiúil atá ag soláthar seirbhísí agus tacaíochtaí ioncaim, bíonn ceanglais RGCS á gcomhlíonadh ag roinnt sonraí pearsanta. Nuair a bhíonn sonraí á roinnt chun críche calaois leasa shóisialaigh a chosc, a bhrath, a imscrúdú nó a ionchúiseamh, tá an roinn ag feidhmiú mar 'údarás inniúil' agus is í an Treoir maidir le Forfheidhmiú an Dlí agus Cuid 5 d’Acht um Chosaint Sonraí, 2018, an creat reachtach oiriúnach (See section 6). .

9.2 Oibríonn an roinn agus na Coimisinéirí Ioncaim i ndlúthchomhar, agus roinneann siad faisnéis lena chéile ar bhonn leanúnach. Is amhlaidh atá de bhrí go mbraitheann teidlíochtaí leasa shóisialaigh ar an méid airgid a thuileann duine agus ar an méid ÁSPC a íocann duine. Tá tionchar ag sochair, pinsin agus íocaíochtaí eile a fhaigheann duine ón roinn ar an méid cánach a d’fhéadfadh a bheith le híoc ag duine, nó na creidmheasanna cánach a cheadaíonn na Coimisinéirí Ioncaim.

Chomh maith leis sin, roinntear faisnéis idir an dá heagraíocht chun calaois amhrasta nó gníomhaíocht mhícheart a chosc agus a bhrath a d’fhéadfadh a bheith mar bhonn le híocaíochtaí mícheart a bheith á ndéanamh ag an roinn agus/nó íocaíochtaí cánach chuig na Coimisinéirí Ioncaim a sheachaint.

Áirítear i measc na faisnéise pearsanta a mhalartaítear leis na Coimisinéirí Ioncaim sonraí lena n-aithnítear duine, sonraí a bhaineann le fostóirí, ranníocaíochtaí ÁSPC íoctha, tuilleamh, ioncam agus íocaíochtaí leasa shóisialaigh déanta.

9.3 Seo a leanas na catagóirí eagraíochtaí eile ar nós leis an roinn faisnéis a roinnt leo/ faisnéis a fháil uathu:

9.3.1 Ranna Rialtais chun foráil a dhéanamh maidir le raon seirbhísí, tacaíochtaí agus faisnéis staitistiúil roinnte. Sampla é an Roinn Oideachais, roinntear sonraí maidir le rannpháirtithe scéimeanna atá á gcómhaoiniú ag Ciste Sóisialta na hEorpa (ESF) leis an Roinn Oideachais, údarás bainistithe ESG in Éirinn chun éileamh ar chúiteamh ón gciste a éascú.

Sampla eile é faisnéis ioncaim agus aitheantais a roinnt leis na Roinn Leanaí agus Gnóthaí Óige i ndáil le hiarratas cúraim leanaí.

9.3.2 Comhlachtaí nó gníomhaireachtaí earnála poiblí eile a sholáthraíonn seirbhísí nó tacaíochtaí do chustaiméirí cosúil le FSS (sonraí PSI chun críche an tionscadail Aitheantóir Sláinte Aonair agus Seirbhís Chúitimh Cúraim Phríomhúil, i.e. cártaí leighis), Tacaíocht Chomhchoiteann do Mhic Léinn in Éirinn (iarratais ar dheontas do choláistí tríú leibhéal). Chomh maith leis sin, roinneann an roinn sonraí pearsanta le Ranna/Gníomhaireachtaí eile cosúil le An Garda Síochána ar mhaithe le cionta a chosc, a bhrath, a imscrúdú agus a ionchúiseamh .

Ceadaítear é seo a dhéanamh faoi Alt 41(b) d’Acht um Chosaint Sonraí, 2018.

9.3.3 Comhlachtaí agus institiúidí oideachais;
9.3.4 Údaráis Áitiúla: roinnimid sonraí maidir le Tionóntachtaí Íocaíocht Cúnaimh Tithíochta (HAP) mar shampla;
9.3.5 Eagraíochtaí Slándála Sóisialta i dtíortha eile: Is féidir sonraí a chur ar fáil do, nó a fháil ó, aon bhallstát den Aontas Eorpach/Limistéar Eorpach Eacnamaíoch maidir le custaiméir aonair d’fhonn cabhrú lena chinntiú go bhfaigheann an duine ábhartha na teidlíochtaí cearta leasa shóisialaigh;
9.3.6 Fostóirí: Tá an teagmháil idir fostóirí agus idir an roinn agus Fostóirí á taifeadadh againn. D’fhéadfaí go n-áireofaí sna sonraí seo faisnéis faoi fholúntais a bheidh á bhfógairt ag fostóirí le haghaidh cuardaitheoirí poist atá ar an mbeochlár.
9.3.7 Eagraíochtaí pobail a sholáthraíonn tacaíochtaí gníomhachtaithe, scéimeanna socrúchán oibre nó cúrsaí oiliúna agus oideachais (cosúil le scéimeanna Tús, Scéimeanna Fostaíochta Pobail, tionscnaimh oiliúna áitiúla etc.);
9.3.8 Conraitheoirí príobháideacha a bhfuil príomhsheirbhísí agus príomhthacaíochtaí á soláthar acu do chustaiméirí, lena n-áirítear Bainisteoirí Brainse, cuideachtaí Seirbhís Fostaíochta Áitiúil, Clubanna Fostaíochta agus soláthróirí JobPath;
9.3.9 Rialaitheoirí nó údaráis mhaoirseachta: Roinntear sonraí maidir le custaiméirí le rialaitheoirí nuair is gá chun déileáil le gearáin/ imscrúduithe;
9.3.10 Ionadaithe poiblí a dhéanamh ionadaíocht thar ceann toghthóirí;
9.3.11 Comhairligh TF agus conraitheoirí ginearálta a cheapann an roinn, sa chás go bhféadfaidís a bheith ag obair chun córais & próisis láimhseála sonraí na roinne a fheabhsú.
9.3.12 Soláthraithe Seirbhíse Baincéireachta agus Íocaíochta atá in úsáid ag an roinn chun cliaint a íoc

Rannóg 10: An mbeidh do shonraí pearsanta á n-aistriú lasmuigh den Limistéar Eorpach Eacnamaíoch i.e. chuig ‘Tríú Tíortha’?

10.1 D’fhéadfadh go mbeadh sé riachtanach uaireanta sonraí pearsanta a aistriú lasmuigh den Aontas Eorpach nó den Limistéar Eorpach Eacnamaíoch nó LEE (tíortha an AE, agus an Íoslainn, an Iorua agus Lichtinstéin). Sa chás go mbíonn faisnéis á haistriú lasmuigh de LEE chuig tríú tíortha, cuirtear céimeanna i gcrích i gcónaí d’fhonn a chinntiú go bhfuil aistriú faisnéise á bhainistiú go cúramach chun cearta príobháideachais faoi RGCS a chosaint.

10.2 Tá comhaontuithe déthaobhacha bunaithe ag an roinn le roinnt tíortha lasmuigh de LEE atá liostaithe in Aguisín 2 . Tá na comhaontuithe seo ceangailteach ó thaobh dlí, agus is é an príomhchuspóir atá leo cearta pinsin daoine a d’oibrigh agus a d’íoc ranníocaíochtaí slándála sóisialaí in Éirinn agus sna tíortha sin a chosaint. Déantar é seo trí ranníocaíochtaí slándála sóisialta ináirithe a íocadh i gceann de na tíortha sin a chomhiomlánú leis ranníocaíochtaí árachais shóisialaigh, ráta iomlán, na hÉireann chun críocha cáiliú le haghaidh íocaíochtaí ranníocacha áirithe in Éirinn nó sna tíortha eile sin. Chomh maith leis sin, déileáiltear sna comhaontuithe sin le stádas slándála sóisialaí oibrithe a thugann faoi shannacháin shealadacha i dtír éigin eile. Foráiltear sna comhaontuithe seo maidir le raon beart, lena n-áirítear malartú faisnéise, atá riachtanach chun a bhforálacha a chur chun feidhme.

Tá aon aistriú sonraí chuig tríú tíortha á chosaint de réir Chaibidil V RGCS.

Rannóg 11: Cén chomh fada a choinneofar do shonraí pearsanta?

11.1 Coimeádtar taifid maidir le ranníocaíochtaí árachais shóisialta, PPSN, sonraí maidir le héilimh a rinneadh roimhe seo agus sonraí aitheantais le haghaidh shaolré an duine móide deich mbliana. Tá sé seo ag teastáil le haghaidh roinnt cúiseanna éagsúla:

Ar an gcéad dul síos, ionas gur féidir leis na duine teidlíocht ar sheirbhísí agus ar shochair a éileamh – b’fhéidir nach mbeadh go leor acu dlite go dtí go dtarlaíonn teagmhas ar leith i rith shaolré duine – ní fhéadfadh an dáta a bheith ar eolas, breoiteacht, míchumas, freagrachtaí cúraim nó baintreachas nó baintreachas fir, mar shampla.

Ar an dara dul síos, tá PPSN agus sonraí aitheantais ríthábhachtach i ndáil le cosc, brath agus ionchúiseamh calaois aitheantais, a d’fhéadfadh tarlú am ar bith. Chomh maith leis sin, tá sé riachtanach chun cásanna eastáit a riar go héifeachtúil (i.e. Íocaíochtaí déanta nó aisíoctha nuair a fhaigheann duine bás). B’fhéidir go dtógfadh sé roinnt blianta cásanna eastáit a chur i gcrích.

Ar an tríú dul síos, teastaíonn sonraí maidir le héilimh a rinneadh roimhe seo de bhrí go bhféadfadh tionchar a bheith acu ar theidlíocht d’íocaíochtaí amach anseo, de bhrí, faoin dlí, go bhféadfadh duine athbhreithniú a lorg maidir le haon chinneadh a dhéantar faoi éileamh am ar bith. Chomh maith leis sin, d’fhéadfadh na sonraí a bheith ag teastáil chun bonn eolais a sholáthar d’imscrúdú ar chalaois nó earráid a tharla roimhe seo a bhraitear nuair a dhéantar éileamh nó nuair a tharlaíonn imeacht saoil ina dhiaidh sin.

11.2 Féadfar doiciméid a thacaíonn le sonraí tacaíochta agus aitheantais (e.g. doiciméid a bhfuil fianaise le fáil iontu ar ioncam agus aitheantas) a choimeád fad is go bhfuil na sonraí éilimh agus aitheantais á gcoimeád. Tá sé seo riachtanach chun tacú le hionchúiseamh agus réiteach aon saincheiste a d’fhéadfadh a bheith ann maidir le teidlíocht duine do sheirbhís nó do shochar nó dá (h)aitheantas. Fiú amháin nuair atá éileamh tugtha chun críche nó nuair atá deireadh tagtha le seirbhís, mar shampla, d’fhéadfadh go mbeadh saincheisteanna áirithe i gceist nuair a bhíonn eastát duine á réiteach, nuair a éilíonn an duine sochar nó seirbhís eile ina dhiaidh sin nó nuair a dhéanann duine eile iarracht seirbhís nó sochar a éileamh trí úsáid a bhaint as ainm an chéad duine. Ina theannta sin, is féidir ceist a chur ar an roinn, am ar bith, aitheantas an duine ar eisíodh PPSN lena (h)aghaidh a fhíorú am ar bith

11.3 Sa chás go bhfuil sonraí (seachas ranníocaíocht árachais shóisialta, PPSN, sonraí aitheantais agus éilimh) á mbailiú nó á bpróiseáil mar chuid de chaidreamh leanúnach roinne/cliaint, féadfar na sonraí sin a choimeád le haghaidh shaolré an chaidrimh sin móide deich mbliana. (Mar shampla, coimeádfar sonraí a bhaineann le soláthar seirbhísí fostaíochta do dhuine chomh fada is go bhfuil an duine ábhartha ag baint tairbhe as seirbhísí fostaíochta móide suas le deich mbliana). Ciallaíonn coinneáil sonraí le haghaidh suas le tréimhse deich mbliana i ndiaidh deireadh a bheith tagtha leis an gcaidreamh seirbhísí dírí gur féidir leis an roinn stair seirbhíse roimhe seo a rochtain sa chás go ndéanann an duine i gceist teagmháil leis an tseirbhís arís amach anseo.

11.4 Sa chás go bhfuil sonraí idirbhirt eile á mbailiú, scriosfar iad a luaithe a bhfuil an cuspóir curtha i gcrích. Sampla de seo é nuair a ghineann an roinn liostaí custaiméirí le haghaidh cuirí chuig aontaí poist a eisiúint. Scriostar na liostaí seo laistigh de shé mhí ón imeacht ábhartha a chur i gcrích.

11.5 Tá beartas coinneála na roinne le fáil here

Rannóg 12: Próiseáil bhreise sonraí pearsanta

12.1 An mbeidh do Shonraí Pearsanta Bailithe in Úsáid le haghaidh aon Chúiseanna Eile?

Mar a luadh níos túisce, tá cead ag an roinn, de réir an dlí, sonraí pearsanta a bhailiú agus a phróiseáil le haghaidh cúiseanna éagsúla. Chomh maith leis sin, tá cead ag an roinn sonraí pearsanta a bhailiú le haghaidh cúis shonrach agus na sonraí sin a úsáid le haghaidh cúis chomhoiriúnach eile. Is amhlaidh atá de bhrí go soláthraíonn an roinn raon leathan seirbhísí gaolmhara agus nach mbeadh sé praiticiúil, agus nach mbeadh sé áisiúil don duine, dá mbeadh an fhaisnéis chéanna á lorg againn ón duine céanna arís agus arís eile.

12.2 Sampla de seo an fhaisnéis a d’fhéadfadh duine a sholáthar nuair atá éileamh Cuardaitheora Poist á dhéanamh, faisnéis a d’fhéadfaí a úsáid ina dhiaidh sin chun tacaíochtaí oideachais nó oiliúna a sholáthar nó tacaíochtaí cosúil leis an Liúntas Éadaí agus Coisbhirt don Scoilbhliain Nua nó an Liúntas Breosla. Ar an tslí seo, tá ar ár gcumas cabhrú ar bhealach níos fearr leis an duine lena riachtanais ioncaim agus dul chun cinn a dhéanamh ó bheith ag brath ar íocaíochtaí leasa shóisialaigh agus fostaíocht a aimsiú.

12.3 Sampla eile is ea go bhféadfaí faisnéis atá curtha ar fáil ag duine le haghaidh Pinsean Stáit a úsáid chun deis a thabhairt don chustaiméir pas saorthaistil a fháil nó pacáiste sochar teaghlaigh.

12.4 Sampla eile é próiseáil bhithmhéadrach grianghraf a chuirtear ar fáil mar chuid de phróiseas fíordheimhnithe aitheantais SAFE/eisiúint PSCanna. Cruthaíonn próiseáil bhithmhéadrach an ghrianghraif teimpléad uimhríochta a cheadaíonn comparáid bheacht a dhéanamh idir an grianghraf i gceist agus grianghraif eile atá i seilbh na roinne.

Cabhraíonn sé seo le cásanna a shainaithint ina ndearna an duine céanna iarracht clárú faoi dhó nó níos mó trí ainmneacha difriúla a úsáid. Chomh maith leis sin, cabhraíonn sé le cásanna a shainaithint ina ndéanann duine iarracht ligean air/uirthi féin gur duine eile é/í, rud a chabhraíonn le bradaíl aitheantais a chosc. Is í an roinn atá freagrach as an bpróiseáil bhithmhéadrach seo a dhéanamh agus ní roinntear an teimpléad uimhríochta le haon chomhlacht sonraithe eile ná ní stóráiltear é ar PSC.

12.5. Mar atá sonraithe i Rannóg 4 féadfar sonraí pearsanta duine a phróiseáil má theastaíonn na sonraí chun cinneadh a dhéanamh maidir le cé mhéad ba cheart a íoc le duine éigin atá gaolta leat nó le duine éigin i do theaghlach nó le duine éigin a bhfuil aire á tabhairt agat dó/di.

Rannóg 13: Do cheart mar dhuine is ábhar do na sonraí

Tá cearta áirithe ag ár gcustaiméirí ar fad (duine is ábhar do na sonraí) faoi RGCS agus Achtanna um Chosaint Sonraí:

13.1 An ceart chun faisnéise

Tá ceart agat faoi Airteagal 13 agus Airteagal 14 de RGCS chun faisnéise maidir le do shonraí pearsanta atá á bpróiseáil ag an roinn, lena n-áirítear:

cuspóirí na próiseála,
an bonn dlí,
catagóirí na sonraí pearsanta atá á gcoimeád,
foinse bhunaidh na sonraí,
faighteoir nó catagóirí faighteoirí do chuid sonraí,
an tréimhse a mbeidh na sonraí pearsanta á stóráil,
cibé acu atá nó nach bhfuil do shonraí aistrithe nó beartaithe le haistriú chuig tríú tír nó eagraíocht idirnáisiúnta.

Tá sé mar aidhm leis an ráiteas príobháideachais seo an fhaisnéis thuasluaite a chur ar fáil duit.

13.2 An ceart chun do shonraí pearsanta a rochtain (an fhaisnéis atá inár seilbh maidir leat)

Tá tú i dteideal cóipeanna d’aon sonraí pearsanta a bhaineann leat atá bailithe agus stóráilte againn a lorg. Is féidir a leithéid sin d’iarrataí a sheoladh i scríbhinn chuig Rannóg na nIarratas Duine ar a S(h)onraí, Oifig na Seirbhísí Leasa Shóisialaigh, Grianán na Sionna, Cora Droma Rúisc Co. Liatroma nó trí r-phost a sheoladh chuig SARS@welfare.ie . Ní mór dúinn d’aitheantas a fhíorú sular féidir linn déileáil le haon iarratas ar chóipeanna de do shonraí pearsanta. Faoi RGCS, ní mór dúinn na hiarrataí seo a phróiseáil laistigh d’aon mhí amháin.

13.3 An ceart go ndéanfaí ceartúcháin

Déanaimid iarracht i gcónaí a chinntiú go bhfuil an fhaisnéis a bhaineann leat atá inár seilbh cruinn agus cothrom le dáta. Uaireanta b’fhéidir go n-iarrfaí ort an fhaisnéis seo a fhíorú. Má athraíonn do chuid faisnéise nó má chreideann tú nach bhfuil an fhaisnéis atá ar taifead againn cothrom le dáta, cuir scéala chugainn. D’fhéadfaí go n-áireofaí i measc na faisnéise seo do sheoladh, nuair a thosaíonn tú ag obair, nuair atá níos mó á thuilleamh agat nó nuair a athraíonn do shonraí teaghlaigh.

Ní féidir linn cead a thabhairt do dhuine ar bith seachas tú féin do shonraí pearsanta a nuashonrú, ach amháin mura bhfuil ionadaí pearsanta agat atá údaraithe go hiomlán.

13.4 An ceart go ndéanfaí sonraí pearsanta a léirscriosadh

Tá an ceart ag gach duine a bhfuil sonraí i seilbh na roinne maidir leis/léi, iarraidh ar an roinn aon fhaisnéis atá ina seilbh a scriosadh, faoi réir fhorálacha RGCS. Mar atá sonraithe i Rannóg 11, bunaithe ar nádúr na seirbhísí agus sochar a sholáthraíonn an roinn, ní mór don roinn sonraí áirithe a choimeád ar feadh tréimhse fhada ama.

Próiseálann an roinn sonraí pearsanta a bhailíonn sí de bhrí go bhfuil bonn reachtúil leis an bpróiseáil. Sa chás go bhfaigheann an roinn iarraidh uait a chiallaíonn go bhfuil tú ag iarraidh do cheart go ndéanfaí léirscriosadh a fheidhmiú, déanfaidh an roinn measúnú maidir le cibé acu an bhfuil nó nach bhfuil sé riachtanach na sonraí ábhartha a léirscriosadh faoi RGCS. Nuair a bheidh an measúnú á dhéanamh, breithneoidh an roinn cibé acu an mbeadh nó nach mbeadh léirscriosadh den chineál sin mar bhonn le cumas na roinne seirbhísí a sholáthar duit a laghdú, chun dearbhú a thabhairt duit maidir le sláine seirbhísí agus íocaíochtaí, chun cearta daoine eile a bhfuil seirbhísí á soláthar ag an roinn dóibh a chosaint agus chun a feidhmeanna reachtúla a chur i gcrích.

Más mian leat tairbhe a bhaint as an gceart go ndéanfaí sonraí pearsanta a léirscriosadh, is féidir leat teagmháil a dhéanamh linn i scríbhinn nó trí r-phost. (Tá na sonraí teagmhála le fáil i Rannóg 14) .

13.5 An ceart chun srianadh ar phróiseáil

In imthosca áirithe, tá an ceart agat srianadh ar phróiseáil do shonraí pearsanta a iarraidh. Foráiltear dó seo faoi Airteagal 18 de RGCS. Measfaidh an roinn cibé acu an féidir nó nach féidir iarraidh an duine srianadh ar phróiseáil a s(h)onraí a chur chun feidhme.

Más mian leat tairbhe a bhaint as an gceart seo, is féidir leat teagmháil a dhéanamh linn i scríbhinn nó trí r-phost (tá na sonraí teagmhála le fáil ag Rannóg 14 )

13.6 An ceart cur i gcoinne

13.6.1 Tá an ceart agat cur i gcoinne próiseáil do chuid sonraí pearsanta sa chás go bhfuil an phróiseáil á déanamh le haghaidh na gcúiseanna seo a leanas:

tasc a chur i gcrích ar mhaithe le leas an phobail nó faoi údarás oifigiúil an rialaitheora sonraí
chun críche leasanna dlisteanacha an rialaitheora sonraí nó tríú páirtí.

Féadfar stop a chur le próiseáil sonraí pearsanta le haghaidh na gcúiseanna thuasluaite ar iarratas uait mura bhfuil forais dhlisteanacha, láidre ann leanúint leis an bpróiseáil:

a sháraíonn leasanna, cearta agus saoirsí an duine is ábhar do na sonraí
a cheanglaítear chun éilimh dhlíthiúla a bhunú, a fheidhmiú nó a chosaint.

Más mian leat tairbhe a bhaint as an gceart seo, is féidir leat teagmháil a dhéanamh linn i scríbhinn nó trí r-phost. (Féach ar na sonraí teagmhála i Rannóg 14). Ba cheart duit na sonraí pearsanta ábhartha a shonrú go soiléir mar aon leis na cúiseanna a shíleann tú ba cheart srian a chur a chur le próiseáil. Ceadófar d’iarraidh gan mhoill mhíchuí nó míneoimid duit an chúis nach féidir linn d’iarraidh a cheadú.

13.6.2 An ceart cur i gcoinne cinnteoireacht uathoibrithe lena n-áirítear próifíliú:

Ciallaíonn RGCS go bhfuil an ceart agat cur i gcoinne cinnteoireacht uathoibrithe atá á déanamh ag córais ríomhaireachta na roinne, sa chás go bhfuil tionchar dlíthiúil nó suntasach ag a leithéid ortsa mar chustaiméir. Mar atá sonraithe i Rannóg 7.2 , níl aon chás sa roinn ina ndiúltófar íocaíocht a thabhairt do chustaiméir mar gheall ar chinneadh uathoibrithe.

13.7 An ceart chun iniomparthacht sonraí

Próiseálann an roinn sonraí pearsanta a bhailítear de bhrí go bhfuil bonn reachtúil leis an bpróiseáil. Sa chás go bhfuil do shonraí pearsanta bailithe ag an roinn le toiliú uait nó trí chonradh, tá an ceart agat na sonraí a fháil i bhformáid leictreonach ionas gur féidir leat iad a thabhairt do rialaitheoir sonraithe eile.

Ní féidir an ceart seo a úsáid chun cur isteach ar phríomhfheidhmeanna na roinne – féach Rannóg 1

Más mian leat tairbhe a bhaint as an gceart seo, is féidir leat teagmháil a dhéanamh linn i scríbhinn nó trí r-phost, agus na sonraí atá uait agus an fhormáid atá uait a chur in iúl dúinn. (Féach ar na sonraí teagmhála thíos i Rannóg 14 )

13.8 An ceart toiliú a aistarraingt

In imthosca ina bhfuil an roinn ag brath ar thoiliú a fháil uait le haghaidh próiseáil sonraí, is féidir leat an toiliú seo a aistarraingt am ar bith. Más main leat toiliú a aistarraingt, déan teagmháil linn i scríbhinn nó trí r-phost agus sonraigh an phróiseáil sonraí is mian leat stop a chur léi. (Féach ar na sonraí teagmhála i rannóg 14). Breithneoidh an roinn a ceart an phróiseáil sonraí seo a dhéanamh ag brath ar do thoiliú agus cuirfidh an roinn a cinneadh in iúl duit i scríbhinn.

13.9 An ceart go gcuirfí eolas maidir le Sárú ar Shonraí in iúl duit

Seo a leanas an sainmhíniú atá luaite le sárú ar shonraí:

"sárú slándála atá mar bhonn le scriosadh, caillteanas, athrú, nochtadh neamhúdaraithe, de thaisme nó neamhdhleathach, nó rochtain ar shonraí pearsanta tarchurtha, stóráilte nó próiseáilte ar shlí éigin eile,”

Sa chás go mbíonn sárú ar do shonraí i gceist, cuirfidh an roinn an Coimisiún um Chosaint Sonraí ar an eolas más dócha go mbeidh an sárú mar bhonn le do chearta agus saoirsí a chur i mbaol. Má bhreithnítear go mbeidh an sárú mar bhonn le hardriosca a lua le do cheart agus saoirsí, cuirfimid tú ar an eolas faoin sárú.

Rannóg 14: Conas is féidir leat do chearta a fheidhmiú agus teagmháil a dhéanamh linn?

Caithfimid cead a thabhairt duit do chearta a fheidhmiú mar atá mínithe i Rannóg 13 . Is féidir leat iarratas a dhéanamh faoi aon cheann de na cearta seo trí theagmháil a dhéanamh le DPO na Roinne ag an seoladh seo:

Tríd an bpost: An tOifigeach um Chosaint Sonraí,

An Roinn Coimirce Sóisialaí, Teach Goldsmith,

Sráid an Phiarsaigh, Baile Átha Cliath 2.

R-phost: dpo@welfare.ie

Ba cheart Iarratais Duine ar a S(h)onraí, a sheoladh chuig Rannóg na Seirbhísí Leasa Shóisialaigh, Grianán na Sionna, Cora Droma Rúisc, Co. Liatroma nó

trí r-phost chuig: R-phost SARS@welfare.ie

B’fhéidir go mbeidh ort d’aitheantas a dheimhniú ar dtús, de bhrí nach féidir linn do shonraí pearsanta a roinnt le daoine eile.

Nuair a bheidh d’aitheantas fíoraithe againn, déanfaimid iarracht an fhaisnéis atá lorgtha agat a fháil a luaithe agus is féidir.

Má dhéanann tú iarratas leictreonach, ní mór dúinn tú a fhreagairt go leictreonach, mura mian leat go seolfaimid freagra chugat ar bhealach éigin eile.

Go ginearálta, ní bheidh táille le híoc le haghaidh aon rud a dhéanaimid chun d’iarraidh a fhreagairt agus faisnéis a sholáthar. Má dhéanann tú an iomarca iarrataí (e.g. an iarraidh chéanna a dhéanamh arís agus arís eile) nó mura bhfuil d’iarrataí bunaithe ar fhíric, d’fhéadfaimis táille a ghearradh ort nó diúltú gníomh a dhéanamh bunaithe ar iarraidh. Ní ghearrfar táille ort sa chás go ndéanann tú botún, ach gníomhóimid ar d’iarraidh.

Ag brath ar na sonraí atá curtha ar fáil, b’fhéidir go n-iarrfaí ort d’iarraidh a shoiléiriú. Is féidir leat cabhrú linn déileáil le d’iarraidh maidir le sonraí pearsanta trí bheith eolas chomh sonrach agus is féidir a sholáthar maidir leis an déileáil nó an teagmháil a bhí agat linn.

Má tá aon cheisteanna agat maidir leis an ráiteas príobháideachais seo, déan teagmháil leis an Aonad um Chosaint Sonraí (DPU) ag dpo@welfare.ie

Déanann an roinn tréaniarracht déileáil le do chuid sonraí go freagrach agus glacaimid go dáiríre lenár bhfreagrachtaí cosanta sonraí. Má tá tú míshásta faoin tslí a ndéanaimid é seo, déan teagmháil leis an Oifigeach um Chosaint Sonraí ag an seoladh thuas. Ina theannta sin, tá an ceart agat gearán a chur faoi bhréid an Choimisiúin um Chosaint Sonraí (DPC). Sonraí teagmhála DPC:

Tríd an bpost: An Coimisiún um Chosaint Sonraí,

21 Cearnóg Mhic Liam Theas,

D02 RD28

R-phost: info@dataprotection.ie

Teileafón: 01 7650100 nó uimhir glao áitiúil 1800 437 737

Rannóg 15: Tuilleadh Eolais - Treoirlínte Oibríochtúla

Má theastaíonn tuilleadh eolais uait maidir le conas a oibríonn réimse den roinn agus céard atá riachtanach chun cinneadh maidir le héileamh nó seirbhís a dhéanamh, téigh chomh fada lenár suíomh gréasáin ag www.gov.ie/dsp. Tá treoirlínte oibríochtúla san áireamh i ngach ceann dár scéimeanna.

Aguisín 1 – Liosta de Reachtaíocht Phríomhúil agus Thánaisteach Faoina bhFuil Údarás Againn Sonraí Pearsanta a Bhailiú

Reachtaíocht phríomhúil (reachtaíocht ar fad arna leasú)

An tAcht Comhdhlúite Leasa Shóisialaigh, 2005	An tAcht um Chomhairle, 2000
An tAcht um Chosaint Fostaithe (Dócmhainneacht Fostóirí), 1984	Na hAchtanna um Chlárú Sibhialta, 2004 – 2014
Acht na bPinsean, 1990	An tAcht um Inscne a Aithint, 2015
Achtanna um Fhaisnéis do Shaoránaigh, 2000 - 2007	An tAcht um Íocaíochtaí Iomarcaíochta, 1967