Leagtar síos sa Chreat Rialachais Chorparáidigh ár gcaighdeáin rialachais atá dírithe ar ár dtosaíochtaí a bhaint amach, ár gcuspóirí a chomhlíonadh, muid féin a iompar go macánta agus gníomhú ar son leas an phobail. Is éard atá i gceist le rialachas struchtúir agus próisis oiriúnacha a bhunú chun ár n-eagraíocht a threorú agus a bhainistiú ionas gur féidir le gach páirtí leasmhar a bheith cinnte go bhfuil an eagraíocht ag feidhmiú go héifeachtach agus go héifeachtúil. Baineann sé le trédhearcacht, cuntasacht agus comhsheasmhacht, agus le feidhmiú i dtimpeallacht rannpháirteach. Tá an Creat bunaithe ar chúig phrionsabal ardleibhéil rialachais a thacaíonn leis na socruithe rialachais sa roinn mar seo a leanas.
Tacaíonn dea-rialachas le cultúr agus le héiteas a áirithíonn iompar atá ionraic, agus tugtar gealltanas láidir maidir le luachanna eiticiúla agus meas ar riail an dlí.
Cabhraíonn dea-chleachtas le tosaíochtaí agus torthaí a shainiú i dtéarmaí buntáistí inbhuanaithe geilleagracha agus sochaíocha agus cinneadh a dhéanamh maidir leis na beartais agus na hidirghabhálacha atá riachtanach chun na tosaíochtaí agus na torthaí seo a chomhlíonadh ar an mbealach is éifeachtaí agus is féidir. Ciallaíonn sé dea-chleachtais a chur i bhfeidhm maidir le trédhearcacht, tuairisciú, cumarsáid, iniúchadh agus grinnscrúdú chun cuntasacht éifeachtach a sholáthar.
Ciallaíonn dea-rialachas acmhainn na Roinne a fhorbairt, lena n-áirítear acmhainn na foirne ceannaireachta, na foirne bainistíochta agus na gcomhaltaí foirne.
Ciallaíonn dea-rialachas rioscaí agus feidhmíocht a bhainistiú trí chórais rialaithe inmheánacha láidre agus cleachtais bainistíochta feidhmíochta éifeachtacha.
Cinntíonn dea-rialachas oscailteacht, próisis chomhairliúcháin phoiblí éifeachtacha agus rannpháirtíocht chuimsitheach le páirtithe leasmhara náisiúnta agus idirnáisiúnta.
Is ionann an méid thíos agus cuid de shocruithe rialachais na Roinne.
Tá Coiste Iniúchta ag an Roinn ar cuid é dá creat rialachais chorparáidigh. Déanann an Coiste Iniúchta athbhreithniú agus maoirseacht ar obair Aonad Iniúchta Inmheánaigh na Roinne agus cuireann sé comhairle ar an Ard-Rúnaí maidir le rioscaí, rialuithe agus rialachas. Tá an Coiste ag feidhmiú de réir Cairt scríofa atá sínithe ag Cathaoirleach an Choiste agus ag an Ard-Rúnaí agus laistigh de Threoir DPER le haghaidh Comhaltaí den Choiste Iniúchta.
Is é ról an Choiste Iniúchta, mar chuid den athbhreithniú córasach leanúnach ar na próisis rialaithe gnó agus rialachais chorparáidigh laistigh den Roinn, maoirseacht a dhéanamh ar agus comhairle a thabhairt maidir le ceisteanna a bhaineann le (a) oibríochtaí agus forbairt na feidhme iniúchta inmheánaigh; agus (b) an timpeallacht rialaithe ghnó agus bainistíochta riosca.
Tá seisear comhaltaí páirteach sa Choiste, ceathrar lena n-áirítear an Cathaoirleach, ar comhaltaí seachtracha de chuid na roinne iad.
Is gníomhaíocht neamhspleách, oibiachtúil dearbhaithe agus comhairleoireachta é iniúchadh inmheánach atá deartha chun luach a chur le agus oibríochtaí na heagraíochta a fheabhsú. Cabhraíonn iniúchadh inmheánach le heagraíocht a cuspóirí a chomhlíonadh trí úsáid a bhaint as cur chuige córasach, eagraithe chun meastóireacht a dhéanamh agus éifeachtacht bainistíocht riosca, rialaithe agus rialachais a fheabhsú. © 1999 cóipcheart Institiúid na nIniúchóirí Inmheánacha.
Tá Gníomhaíocht an Iniúchta Inmheánaigh freagrach as a chinntiú go bhfuil clár cuimsitheach de ghníomhaíocht iniúchta inmheánaigh á chur i gcrích sa roinn gach bliain. Is é an aidhm atá leis an obair seo dearbhú a sholáthar go bhfuil rialuithe agus nósanna imeachta á gcur i bhfeidhm de réir dea-chleachtais agus de réir na rialachán cuí, agus moltaí a dhéanamh maidir le conas a bhféadfaí rialuithe agus nósanna imeachta den chineál sin a fheabhsú. Tuairiscíonn an Ghníomhaíocht don Ard-Rúnaí agus don Choiste Iniúchta agus tá Caighdeáin Iniúchta na Roinne Caiteachais Phoiblí agus Athchóirithe á gcomhlíonadh mar aon le Caighdeáin agus Eitic Institiúid na nIniúchóirí Inmheánacha. Clúdaíonn raon feidhme an Iniúchta Inmheánaigh gach gníomhaíocht agus córas (lena n-áirítear córais TF) ar fud na roinne agus sna comhlachtaí atá á maoiniú ag an roinn.
Tá an Roinn Coimirce Sóisialaí tiomanta do thimpeallacht oiriúnach a fhorbairt chun déileáil le hábhair atá ag déanamh imní d’oibrithe (comhaltaí foirne agus conraitheoirí de chuid na roinne) a bhaineann le héagóir fhéideartha san ionad oibre agus tacaíocht riachtanach a chur ar fáil d’oibrithe a tharraingíonn aird ar ábhair imní dáiríre. Soláthraítear in Acht um Nochtadh Cosanta 2014 cosaintí le haghaidh oibrithe a bhfuil na hábhair atá ag déanamh imní dóibh curtha in iúl ar an mbealach a shonraítear san Acht.
Ceanglaíonn an tAcht um Nochtadh Cosanta, 2014 ar gach comhlacht poiblí nósanna imeachta a bhunú agus a chothabháil chun déileáil le nochtuithe cosanta agus chun faisnéis i scríbhinn maidir leis na nósanna imeachta seo a chur ar fáil d’oibrithe. Tá Beartas agus Nósanna Imeachta na Roinne maidir le Nochtuithe Cosanta a Thuairisciú le fáil anseo.
Policy and Guidance for Protected Disclosures Reporting
This document outlines the Department’s policy and procedures for dealing with disclosures by workers who have a reasonable belief that wrongdoing has occurred and/ or is ongoing i.e. protected disclosures. Edition: September 2022
Íosluchtaigh nasc le haghaidh
Íoslódáil
féachaint ar an gcomhad
Amharc
Foilsítear na tuarascálacha bliantúla seo a leanas faoi Alt 22 d’Acht um Nochtadh Cosanta, 2014 i ndáil le nochtuithe cosanta DSP.
Tá an fhaisnéis seo a leanas le fáil sa tuarascáil:
- an líon nochtuithe cosanta a cuireadh faoi bhráid na roinne
- an gníomh a rinneadh (más cuí) mar fhreagairt do na nochtuithe cosanta sin, agus
- aon fhaisnéis eile a bhaineann leis na nochtuithe cosanta sin agus an gníomh a rinneadh a d’fhéadfadh an tAire Caiteachais Phoiblí agus Athchóirithe a iarraidh ó am go ham
DSP Annual Protected Disclosures Report 2020
One submission was made to the Department under the Protected Disclosures Act 2014 during 2020.
Íosluchtaigh nasc le haghaidh
Íoslódáil
féachaint ar an gcomhad
Amharc
DEASP Annual Protected Disclosures Report 2019
Nine submissions were made to the Department under the Protected Disclosures Act 2014 during 2019.
Íosluchtaigh nasc le haghaidh
Íoslódáil
féachaint ar an gcomhad
Amharc
DEASP Annual Protected Disclosures Report 2018
Sixteen submissions were made to the Department under the Protected Disclosures Act 2014 during 2018.
Íosluchtaigh nasc le haghaidh
Íoslódáil
féachaint ar an gcomhad
Amharc
DEASP Annual Protected Disclosures Report 2017
Ten submissions were made to the Department under the Protected Disclosures Act 2014 during 2017.
Íosluchtaigh nasc le haghaidh
Íoslódáil
féachaint ar an gcomhad
Amharc
DEASP Annual Protected Disclosures Report 2016
One submission was made to the Department under the Protected Disclosures Act 2014 during 2016.
Íosluchtaigh nasc le haghaidh
Íoslódáil
féachaint ar an gcomhad
Amharc
DEASP Annual Protected Disclosures Report 2014-15
During the period 15 July 2014 to 31 December 2015 two submissions were made to the department under the Protected Disclosures Act 2014.
Íosluchtaigh nasc le haghaidh
Íoslódáil
féachaint ar an gcomhad
Amharc
Tá an Roinn tiomanta do luach ar airgead a chinntiú chomh fada is a bhaineann le soláthairtí agus seirbhísí a sholáthar; atá riachtanach chun tacú leis an obair atá á déanamh ar mhaithe le seirbhís ar ardchaighdeán a chur ar fáil don phobal ar bhealach atá costéifeachtach agus éifeachtach. Tarlaíonn soláthar i gcomhthéacs na Roinne seo i gcomhthéacs Threoir 2014/24/EU agus tá na Treoirlínte Soláthair atá foilsithe ag an Roinn Airgeadais ag tacú leis. Is iad trédhearcacht agus oscailteacht comórtais na treoirphrionsabail. Glacann an Roinn páirt iomlán i dtionscnaimh leanúnacha Oifig um Sholáthar Rialtais (OGP) agus dírítear go háirithe ar choigilteas soláthair a chinntiú, lena n-áirítear úsáid a bhaint as creat-chomhaontuithe comhroinnte chun líon níos mó catagóirí soláthairtí agus seirbhísí a sholáthar. Tá an Roinn tiomanta do rochtain ar dheiseanna soláthair a éascú le haghaidh fiontar beag agus meánmhéide (FBManna), go háirithe na cinn a bhfuil réitigh nuálacha á soláthar acu. Fógraítear gach tairiscint shonrach ar e-tenders mar atá sonraithe thíos.
Ár modh ceannacháin
Is ar bhonn córas tairiscintí iomaíocha a sholáthraíonn an roinn earraí agus seirbhísí. Ní cheadaítear tairiscintí a bhronnadh gan tairbhe a bhaint as próiseas iomaíoch ach in imthosca eisceachtúla agus ina leithéid sin de chás ní mór na critéir atá sonraithe i dTreoir 2014/24/AE a chomhlíonadh. Seo a leanas na modhanna tairisceana a úsáideadh ag féachaint do luach measta an chonartha:
- fógraítear soláthairtí os cionn €25,000 ar e-tenders
- chomh maith leis sin, fógraítear soláthairtí os cionn thairseach shainithe an AE in Iris Oifigiúil an Aontais Eorpaigh agus bronntar iad de réir cheanglais Threoir 2014/24/AE, arna trasuí i ndlí na hÉireann ag Rialacháin an Aontais Eorpaigh (Conarthaí Údaráis Phoiblí a Bhronnadh) 2016.
- le haghaidh soláthairtí faoi €25,000, lorgaítear luachaintí ó thriúr soláthraí ar a laghad
- chomh maith leis sin, déantar soláthairtí ar bhonn lárnach, thar ceann na roinne seo, tríd an Oifig um Sholáthar Rialtais
Na rudaí a cheannaímid
Anseo thíos tugtar léargas ginearálta ar na príomhréimsí ina bhfuil earraí agus seirbhísí á gceannach ag an Roinn.
Cumarsáide agus Trealamh agus Seirbhísí TFC
De réir a chéile, tá riachtanais Rannán na gCóras Faisnéise á gcomhlíonadh trí chreat-chomhaontú lárnach na hOifige um Sholáthar Rialtais. Tá comhaontuithe den chineál seo bunaithe chun ríomhairí deisce, ríomhairí glúine, printéirí agus seirbhísí fóin phóca a cheannach. Tá sonraí maidir leis na comhaontuithe seo le fáil anseo.
Tá ceanglas ag an Roinn le haghaidh seirbhísí agus trealamh TFC eile. Fógraítear ceanglais ar shuíomh gréasáin e-tenders nuair a bhíonn a leithéid ann.
Comhairleoireacht & Soláthar Seirbhís Sheachtrach TF
Bíonn riachtanais ócáideacha ag an Roinn le haghaidh seirbhísí comhairleoireachta bainistíochta a d’fhéadfadh a bheith ag teastáil chun comhairle nó saineolas teicniúil a sholáthar nach bhfuil ar fáil don Roinn ar shlí ar bith eile. Áirítear anseo tacaíocht a bhaineann le:
- cláir straitéiseacha ilbhliantúla a bhfuil sé mar aidhm leo seirbhísí na Roinne a sholáthar e.g. an Clár Nuachóirithe Soláthar Seirbhíse (SDM) (Tá tuilleadh sonraí maidir le SDM agus Clár Forbartha BOMi le fáil anseo).
- tionscadail theicniúla a bhaineann le forbairt leantach córas teicneolaíochta faisnéise
- tionscadail eile a bhfuil sé mar aidhm leo tacú le, mar shampla, forbairt beartais agus soláthar faisnéise
Tá miondealú mionsonraithe den chaiteachas bliantúil ar Chomhairleoireacht & Soláthar Seirbhís Sheachtrach TF le fáil anseo.
Soláthairtí & Seirbhísí Bainistíochta Saoráidí
Go ginearálta, soláthraítear stáiseanóireacht agus tomhaltáin oifige bunaithe ar chonarthaí íostarraingthe lárnacha a bhronnann an Oifig um Sholáthar Rialtais, lena n-áirítear seirbhísí glantacháin, seirbhísí slándála agus bainistíocht dramhaíola. Chomh maith leis sin, is féidir seirbhísí a sholáthar go díreach ón Roinn ó am go ham, trí chomórtais a fhógraítear ar eTenders agus ar Iris Oifigiúil an Aontais Eorpaigh.
Conas deiseanna a rochtain
Is é beartas na Roinne suíomh gréasáin soláthair an Rialtais a úsáid nuair a bhíonn tairiscintí á bhfógairt. Ba cheart do sholáthraithe/do sholáthraithe seirbhíse ar spéis leo súil a choinneáil ar dheiseanna gnó féideartha, clárú ar bhunachar sonraí e-tenders ionas go bhfaighidh siad fógra nuair a fhoilsítear tairiscint a bhaineann lena réimse spéise. Is féidir clárú ar bhunachar sonraí soláthraithe e-tenders saor in aisce.
Ba cheart do dhíoltóirí ar spéis leo tairiscint a chur i dtoll a chéile le haghaidh soláthar earraí nó seirbhísí nach mbeadh á fógairt ar e-tenders (faoi €25,000) de ghnáth a gcuid sonraí a sheoladh chuig na seoltaí thíos:
Bainistíocht Saoráidí Earraí agus Seirbhísí
Seoladh:
Aonad Bainistíochta Saoráidí, An Roinn Coimirce Sóisialaí, Urlár 1, Áras Mhic Dhiarmada, 1 Sráid an Stórais, Baile Átha Cliath 1, D01 WY03.
Cumarsáide agus Trealamh agus Seirbhísí TFC
Seoladh:
An Roinn Cosanta Sóisialta, Urlár 2, Teach Gandon, Sráid Amiens, Baile Átha Cliath 1.
Íocaíocht sonrasc
Tá sonraisc atá á n-íoc ag an Roinn á rialú ag An tAcht um Íoc Pras Cuntas, 1997 arna leasú ag Rialacháin na gComhphobal Eorpach (Íoc Deireanach in Idirbhearta Tráchtála) 2002. Foráiltear sa reachtaíocht le haghaidh íocaíocht úis ar shonraisc bhailí atá neamhíoctha i ndiaidh 30 lá tar éis an dáta fála. Tá ceanglas neamhreachtúil breise a bhunaigh an rialtas i mí Meithimh 2009 á chomhlíonadh ag an Roinn, a bhfuil sé mar aidhm leis tréimhse íocaíochta na lár-rann rialtais le haghaidh a soláthraithe a laghdú ó 30 go 15 lá.
Foilsiú Conarthaí Bronnta
Foilsíonn an Roinn sonraí conarthaí bronnta atá os cionn €25k gach ráithe i riaráiste anseo.
Foilsiú Orduithe Ceannaigh os cionn €20,000
Foilsíonn an Roinn Orduithe Ceannaigh le haghaidh €20,000 nó níos mó gach ráithe i riaráiste agus is féidir iad a íoslódáil anseo.