Foilsiú
Eolas do Scoileanna maidir le Sonraíochtaí Leasaithe agus Nua a Sheachadadh
Foilsithe
An t-eolas is déanaí
Foilsithe
An t-eolas is déanaí
I mí Mheán Fómhair 2023, d’fhógair an tAire Oideachais go dtabharfar isteach i scoileanna sonraíochtaí leasaithe le haghaidh seacht n-ábhar de chuid na hArdteistiméireachta Seanbhunaithe atá ann cheana féin ó scoilbhliain 2025/26 ar aghaidh.
Is iad na hábhair seo Bitheolaíocht, Fisic, Ceimic, Araibis, Laidin, Sean-Ghréigis, agus Gnó.
San áireamh sna forbairtí claochlaitheacha seo, tabharfar isteach dhá ábhar nua de chuid na Sraithe Sinsearaí de Staidéar Drámaíochta, Scannánaíochta agus Amharclannaíochta, agus Gníomhú ar son na hAeráide agus Forbairt Inbhuanaithe. Tabharfar an dá ábhar nua seo isteach ar bhonn céimnithe, ar dtús thar líonra beag scoileanna (scoileanna Chéim a hAon), ag tús scoilbhliain 2025/26. Tá tuilleadh eolais maidir leis an bpróiseas glao ar iarratais le bheith Scoil Chéim a hAon ag bun an leathanaigh seo.
Ag glacadh leis an gcur chuige seo, táthar in ann tacaíocht a thabhairt do scoileanna agus an t-ábhar nua á thabhairt isteach agus is féidir machnamh a dhéanamh ar cé chomh héifeachtach agus atá na tacaíochtaí sin de réir mar a thairgeann níos mó scoileanna an t-ábhar ina dhiaidh sin Dúnadh an glao ar iarratais ar an 19ú Aibreán 2024 ar 11am.
Is iad an dara sraith d’ábhair leasaithe, atá le tabhairt isteach i scoileanna ag tús 2026/27: Cuntasaíocht, Staidéar Foirgníochta, Innealtóireacht, Béarla, Tíreolaíocht, Nascmhodúil GCAT, agus Corpoideachas.
Tabharfar isteach tuilleadh sraitheanna d’ábhair leasaithe gach bliain ina dhiaidh sin. Moltar do scoileanna a bheith rannpháirteach sna próisis comhairliúcháin atá á dtreorú ag an CNCM de réir mar a fhoilsítear dréachtsonraíochtaí nua.
I ngach ceann de na hábhair nua agus leasaithe cuimseofar comhpháirteanna measúnaithe breise (CMPanna) nach scrúdú scríofa traidisiúnta iad. Beidh 40% ar a laghad de na marcanna atá ar fáil ag gabháil leis na comhpháirteanna measúnaithe seo, agus déanfaidh Coimisiún na Scrúduithe Stáit (CSS) measúnú seachtrach orthu.
Tá sé mar aidhm leis na CMPanna an brú ar scoláirí a laghdú a bhíonn ann de bharr measúnuithe deiridh bunaithe go príomha ar scrúduithe scríofa a reáchtáiltear ag deireadh an tséú bliain. Tá na CMPanna deartha chun measúnú a dhéanamh ar scileanna agus ar phríomhinniúlachtaí na scoláirí, arna bhforbairt trí staidéar a dhéanamh ar a rogha ábhair, ar bhealach nach féidir é a dhéanamh trí scrúdú scríofa deiridh.
Is seirbhís tacaíochta nua í Oide do mhúinteoirí agus do cheannairí scoile, atá maoinithe ag an Roinn Oideachais. Bunaíodh í i mí Mheán Fómhair 2023, tar eis seirbhísí an Lárionaid Cheannaireachta Scoile (LCS), na Sraithe Sóisearaí do Mhúinteoirí (SSM), an Chláir Náisiúnta Ionduchtaithe do Mhúinteoirí (CNIM) agus na Seirbhíse um Fhorbairt Ghairmiúil do Mhúinteoirí (SFGM) a chomhtháthú le chéile.
Trí Oide, cuirfear raon leathan tacaíochtaí ar fáil do mhúinteoirí agus do scoileanna chun na scoláirí ar chur ar an eolas faoi na hathruithe atá ag teacht aníos atá á ndéanamh faoi chlár Athfhorbartha na Sraithe Sinsearaí agus chun cuidiú leo ullmhú dóibh. San áireamh anseo, beidh an tacaíocht agus an fhoghlaim ghairmiúil iomchuí.
I mí Aibreáin 2024, cuirfidh Oide in iúl do scoileanna faoin dáta dá lá dúnta foghlama gairmiúla dá gcnuasach scoile sainiúil d’ábhar i scoilbhliain 2024/25 agus cuirfear eolas ar fáil faoin gcaoi inar féidir le scoileanna agus múinteoirí clárú do na ceardlanna cnuasaigh seo díreach nuair a thosaíonn scoileanna arís i mí Lúnasa.
Eiseoidh Oide scéala chuig scoileanna ina dtabharfar sonraí do scoileanna agus ina spreagfar múinteoirí le clárú a dhéanamh don fhoghlaim ghairmiúil múinteoirí de chuid Athfhorbairt na Sraithe Sinsearaí atá ag teacht aníos. Cuirfear tuilleadh eolais ar fáil in am trátha.
Scoileanna Chéim a hAon – Glao ar Iarratais Oscailte Anois
Tabharfar Staidéar Drámaíochta, Scannánaíochta agus Amharclannaíochta agus Athrú ar Son na hAeráide agus Forbairt Inbhuanaithe isteach ar bhonn céimnithe trí líonra beag scoileanna. Leis an gcur chuige, is féidir tacú le scoileanna agus an t-ábhar nua á thabhairt isteach agus is féidir machnamh a dhéanamh ar éifeachtúlacht na dtacaíochtaí sin de réir mar a thairgeann scoileanna eile an t-ábhar ina dhiaidh sin.
Ba chóir do scoileanna ar spéis leo iarratas a dhéanamh le bheith mar chuid den chéad chéim de scoileanna chun ceann amháin nó dhá cheann araon, de na hábhair nua, a thairiscint do scoláirí ina scoil ó thús scoilbhliain 2025/26, féachaint ar an eolas atá curtha ar fáil ar an leathanach seo: