Más rud é gur duine thú a d’fhulaing coir thromchúiseach agus go bhfuil pianbhreith saoil á cur isteach ag duine mar gheall ar an gcoir sin, tá an ceart agat chun do thuairimí a chur in iúl sa phróiseas parúil.
Líon isteach an fhoirm seo chun clárú linn. Déanfaimid teagmháil leat chun a fhiafraí díot an mian leat aighneacht a dhéanamh nó nach mian agus treoróimid thú tríd an bpróiseas.
Is féidir aighneacht a dhéanamh i bpearsa nó i scríbhinn. Déanfaimid ár ndícheall é sin a éascú ag am agus in áit atá oiriúnach duit agus i bhformáid atá oiriúnach duit.
Féadfaidh tú leas a bhaint as ionadaíocht dhlíthiúil saor in aisce mar chabhair.
Tá sé tábhachtach a thabhairt faoi deara go gcuirtear aighneachtaí ó íospartaigh ar áireamh san fhaisnéis a sholáthraítear don iarratasóir ar pharúl mar chuid dá (h)athbhreithniú parúil.
Más rud é nach bhfuil iarratas ar pharúl déanta fós ag an duine atá ag cur na pianbhreithe isteach nó nach bhfuil an íostréimhse lena gceadaítear dó/di iarratas a dhéanamh curtha isteach aige/aici, féadfaidh tú clárú fós agus déanfaimid teagmháil leat má dhéanann sé/sí iarratas agus nuair a dhéanann sé/sí iarratas.
Chun clárú, priontáil agus líon isteach an fhoirm seo agus tabhair cruthúnas céannachta agus mionsonraí faoin mbaint atá agat leis an gcás atá i gceist.
Is féidir linn cóip den fhoirm a chur sa phost chugat, más gá.
Is féidir leat an fhoirm a sheoladh le ríomhphost chugainn ag vlo@paroleboard.gov.ie nó í a chur sa phost chugainn ag 6/7 Sráid Hanover Thoir, Baile Átha Cliath 2, D02 W320
Má bhíonn aon cheisteanna agat, is féidir leat glaoch a chur orainn ag 003531 474 8770 nó ag 00353 1474 8767.
Sainmhínítear “íospartach” san Acht Parúil, 2019, mar a leanas:
1. Duine a d’fhulaing díobháil, lena n-áirítear díobháil fhisiciúil, mheabhrach nó mhothúchánach nó caillteanas eacnamaíoch, ar chion choiriúil ar ina leith atá téarma príosúnachta saoil á chur isteach ag an bpríosúnach ba chúis léi go díreach;
2. Na daoine de theaghlach aon duine ar chion choiriúil ba chúis go díreach lena bhás nó lena bás agus a d’fhulaing díobháil, lena n-áirítear díobháil fhisiciúil, mheabhrach nó mhothúchánach nó caillteanas eacnamaíoch mar thoradh díreach ar an gcion sin.
Meastar gur duine den teaghlach thú i gcás gur duine de na daoine seo a leanas thú:
I gcásanna inar mian le níos mó ná duine amháin den teaghlach aighneacht a dhéanamh, is féidir go n-iarrfaimid ar an teaghlach duine amháin den teaghlach a ainmniú chun aighneacht a dhéanamh chun an Bhoird.
Mura féidir leis an teaghlach teacht ar chomhaontú ar cé a dhéanfaidh aighneacht, is féidir go n-ainmneoimid níos mó ná duine amháin den teaghlach.
Ní bheidh duine den teaghlach i dteideal na gceart a thugtar d’íospartaigh leis an Acht i gcás gur cúisíodh é/í i mbás an íospartaigh nó go bhfuil sé/sí faoi imscrúdú maidir le bás an íospartaigh.
Is é is parúl ann duine a scaoileadh as príosún faoi choinníollacha áirithe.
Má dheonaítear parúl dó/di, caithfidh an duine coinníollacha uile a (h)ordaithe parúil a chomhlíonadh. Beidh pianbhreith saoil á cur isteach aige/aici fós ach beidh sé/sí ag déanamh amhlaidh sa phobal. Féadfar an duine a fhilleadh ar phríosún má athchiontaíonn sé/sí nó má sháraíonn sé/sí aon cheann de choinníollacha an ordaithe parúil.
Tabharfaidh an Bord Parúil fógra d’íospartaigh chláraithe faoi iarratas ar pharúl. Tabharfaimid cuireadh duit chun páirt a ghlacadh sa phróiseas parúil.
Tabharfaimid faisnéis duit freisin faoin tseirbhís cúnaimh dhlíthiúil atá ar fáil duit chun cabhrú leat sa phróiseas parúil. Tabharfar cúnamh dlíthiúil saor in aisce.
Féadfaidh tú a roghnú d’ionadaí dlíthiúil féin a úsáid freisin. Má roghnaíonn tú an rogha sin, gheobhaidh d’ionadaí dlíthiúil an ráta socraithe faoi Scéim an Bhoird Parúil um Chúnamh Dlíthiúil.
Tá Scéim um Chúnamh Dlíthiúil i bhfeidhm ag an mBord Parúil agus féadfaidh sé cúnamh dlíthiúil d’íospartaigh chláraithe a eagrú saor in aisce, fiú má tá sé ar acmhainn an íospartaigh íoc as. Eagróimid é sin ar do shon sula ndéanfaidh tú d’aighneacht.
Féadfaidh tú a roghnú d’ionadaí dlíthiúil féin a úsáid freisin. Má roghnaíonn tú an rogha sin, gheobhaidh d’ionadaí dlíthiúil an ráta socraithe faoi Scéim an Bhoird Parúil um Chúnamh Dlíthiúil. Déanfaimid iarracht a chinntiú go bhfaighidh tú an t-ionadaí dlíthiúil céanna do gach cruinniú, ach amháin i gcás go n-iarrfaidh tú orainn duine eile a shannadh.
Más mian leat, féadfaidh d’ionadaí dlíthiúil dul leat chuig do chruinniú leis an mBord.
Oibreoidh an t-ionadaí dlíthiúil leat chun na nithe seo a leanas a dhéanamh:
Déanfaidh sé/sí na nithe seo a leanas freisin:
Ní gá duit aighneacht a dhéanamh chun an Bhoird, ach cabhraíonn aighneachtaí leis an mBord a thuiscint conas a chuaigh an choir i bhfeidhm ort.
Tá sé tábhachtach a thabhairt faoi deara go gcuirfear aighneachtaí ón íospartach ar fáil don iarratasóir ar pharúl, seachas in imthosca an-eisceachtúil.
Tá sé tábhachtach a thabhairt faoi deara freisin nach bhféadfaidh tú aighneacht a dhéanamh ach amháin a luaithe atá iarratas ar pharúl faighte. Ní fhéadfaimid glacadh le haighneachtaí sula ndéantar iarratas ar pharúl.
Féadfaidh tú na haighneachtaí roimhe uait chun an Bhoird a chur isteach an athuair le haghaidh aon iarratas ar pharúl ina dhiaidh sin, nó féadfaidh tú aighneacht nua a dhéanamh.
Má chinneann tú aighneacht a dhéanamh i bpearsa, déanfaimid ár ndícheall an cruinniú sin a chur ar siúl ag am agus in áit atá oiriúnach duit agus i bhformáid atá oiriúnach duit.
Féadfaidh tú leas a bhaint as ionadaíocht dhlíthiúil saor in aisce mar chabhair.
Tá sé tábhachtach a thabhairt faoi deara go gcuirtear aighneachtaí ó íospartaigh ar áireamh san fhaisnéis a sholáthraítear don iarratasóir ar pharúl mar chuid dá (h)athbhreithniú parúil.
Le linn aighneacht i bpearsa a dhéanamh, buailfidh tusa agus/nó d’ionadaí dlíthiúil le comhaltaí den Bhord Parúil (beirt chomhaltaí ar a laghad). Is eol dúinn go bhféadfadh an próiseas seo goilleadh ort agus déanfaimid ár ndícheall a chinntiú go mbeidh tú chomh compordach agus is féidir le linn duit d’aighneachtaí a dhéanamh.
Iarraimid ort ullmhú don phróiseas sin agus smaoineamh ar cad go díreach is mian leat a rá leis an mBord.
Is féidir gur mhaith leat d’aighneacht a phlé le d’ionadaí dlíthiúil. Chun cabhrú leat d’aighneacht a dhéanamh chun an Bhoird, d’fhéadfá smaoineamh ar úsáid a bhaint as ráiteas réamhullmhaithe ina gcumhdaítear gach ceann de na nithe ar mian leat aird an Bhoird a tharraingt orthu.
Freastalóidh ball de Rúnaíocht an Bhoird ar an gcruinniú freisin chun nótaí agus/nó ráiteas forlíontach breise a thógáil.
Féadfar fógra a thabhairt duit faoin mbreith ón mBord má ghlac tú páirt sa phróiseas nó má d’iarr tú go gcuirfí ar an eolas thú faoin toradh.