Na haicmí éagsúla a bhaineann le hÁrachas Sóisialach Pá-Choibhneasa (ÁSPC)

1. Aicme A
2. Aicme B
3. Aicme C
4. Aicme D
5. Aicme E
6. Aicme H

7. Aicme J
8. Aicme K
9. Aicme M
10. Aicme P
11. Aicme S

Tá 11 aicme éagsúil ÁSPC, a roinntear faoi chúig cheannteideal seo a leanas:

fostaithe san earnáil phríobháideach agus seirbhísigh phoiblí áirithe (Aicme A, E agus J)
seirbhísigh phoiblí áirithe (Aicme B, C D agus H)
daoine féinfhostaithe, stiúrthóirí cuideachta áirithe agus baill áirithe d'údarás áitiúil (Aicme S), san áireamh. Baineann Aicme S agus P le scair-iascairí áirithe féinfhostaithe.
daoine nach bhfuil aon dliteanas maidir le ranníocaíocht ÁSPC acu (Aicme M)
Sealbhóirí Áirithe Oifige Phoiblí (Aicme K).

Seo a leanas tá gearrchuntas ar na daoine atá cumhdaithe faoi gach ceann ar leith de na príomh-aicmí ranníocaíochta ÁSPC.

Aicme A

Fostaithe i bhfostaíocht thionsclaíoch, thráchtála agus sheirbhíse a bhfuil tuilleamh comhlán de €38 nó níos mó in aghaidh na seachtaine acu ó gach fostaíocht; státseirbhísigh agus seirbhísigh phoiblí a earcaíodh ó 6 Aibreán 1995 agus oibrithe Fostaíochta Pobail ó 6 Aibreán 1996. Íocann an chuid is mó de fhostaithe in Éirinn ranníocaíocht Aicme ÁSPC A.

Rátaí Aicme ÁSPC A

Aicme B

Státseirbhísigh bhuana agus inphinsin, dochtúirí agus fiaclóirí cláraithe atá fostaithe sa Státseirbhís agus Gardaí, a earcaíodh roimh 6 Aibreán 1995.

Rátaí Aicme ÁSPC B

Aicme C

Oifigigh Choimisiúnta Airm agus comhaltaí de Sheirbhís Altranais an Airm a earcaíodh roimh 6 Aibreán 1995.

Rátaí Aicme ÁSPC C

Aicme D

Fostaithe buana agus inphinsin sa tseirbhís phoiblí a earcaíodh roimh an 6 Aibreán 1995, seachas iad siúd a luaitear in Aicmí B agus C.

Rátaí Aicme ÁSPC D

Aicme E

Ministrí Reiligiúin atá fostaithe ag Comhlacht Ionadaíoch Eaglais na hÉireann.

Rátaí Aicme ÁSPC E

Aicme H

Oifigigh Neamhchoimisiúnaithe agus pearsanra liostáilte de na Fórsaí Cosanta.

Rátaí Aicme ÁSPC H

Aicme J

fostaithe i bhfostaíocht thionsclaíoch, tráchtála agus seirbhíse a bhfuil tuilleamh comhlán de €38 nó níos lú acu ó gach fostaíocht
daoine atá árachaithe le haghaidh Sochair Díobhálacha Ceirde amháin, mar shampla fostaithe atá os cionn na haoise inphinsin de réir an Stáit
daoine atá páirteach i scéimeanna oiliúna áirithe ag Solas, atá inárachais le haghaidh Sochair Díobhálacha Ceirde amháin
daoine atá i bhfostaíocht mhionchineálach, mar shampla daoine atá inárachais ag Aicme B, C nó H sa phríomhfhostaíocht acu agus go bhfuil an dara post acu.
freastalaithe ag scrúduithe na Roinne Oideachais agus Scileanna.
oifigigh cheannais agus cléirigh vótála le linn toghchán, chomh maith le baill na nÓglach Cúltaca ar oiliúint bhliantúil.

Rátaí Aicme ÁSPC J

Aicme K

sealbhóirí oifige poiblí áirithe le hioncam os cionn €100 in aghaidh na seachtaine. I measc na sealbhóirí oifige poiblí a mbaineann sé leo tá an tUachtarán, comhaltaí an Oireachtais, na breithiúna, breithiúna míleata áirithe, an tArd-Aighne, an tArd-Reachtaire Cuntas agus Ciste agus feisirí áirithe de Pharlaimint na hEorpa). Tá na sealbhóirí oifige phoiblí seo faoi dhliteanas as ÁSPC ar ráta 4% ar a n-ioncam uile a íoc.
tá dliteanas nialasach ag duine ar bith de na sealbhóirí áirithe oifige phoiblí seo a thuilleann €5,200 in aghaidh na bliana nó níos lú (€100 in aghaidh na seachtaine nó níos lú) - féach Aicme M.
Bíonn ranníocaíochtaí Aicme K infheidhme freisin i gcás ioncam ó fhéinfhostaíocht bhreise a thuilltear ó cheird nó ó ghairm de chuid ranníocóra ráta mionathraithe agus i gcás aon ioncam neamhthuillte a d'fhéadfadh a bheith acu
Seans go mbeidh ranníocóirí fostaithe agus pinsinéirí ceirde atá faoi bhun 66 bliain d'aois agus nach bhfuil ach ioncam neamhthuillte mar ioncam breise acu, faoi dhliteanas ranníoca ÁSPC a íoc ar an ioncam seo.

Rátaí Aicme ÁSPC K

Aicme M

Daoine nach bhfuil dliteanas ranníocaíochta ar bith acu, mar shampla:

fostaithe faoi 16 bliain d'aois
daoine atá in aois an phinsin (ar a n-áirítear iad san a bhí dlite cheana um Aicme S)
daoine a fhaigheann pinsin ghairme nó íocaíochtaí cnapshuime um fhoirceannadh (ar an gcuid sin den ioncam amháin)
daoine faoi Aicme K le dliteanas nialasach (sealbhóirí oifige phoiblí le hioncam seachtainiúil níos lú ná €100 in aghaidh na seachtaine).

Rátaí Aicme ÁSPC M

Aicme P

Scair-iascairí a aicmítear mar dhaoine féinfhostaithe agus a bhfuil ÁSPC á íoc acu cheana féin faoin Aicme S.

Rátaí Aicme ÁSPC P

Aicme S

Daoine féinfhostaithe, mar shampla, feirmeoirí, stiúrthóirí áirithe comhlachta, trádálaithe aonair agus daoine áirithe le hioncam ó infheistíochtaí, cíosanna agus cothabháil, sa chás gur €5,000 nó níos mó in aghaidh na bliana an t-ioncam ó gach foinse.

Rátaí Aicme ÁSPC S