Foilsiú
Pinsean Stáit Ranníocach atá níos solúbtha
Foilsithe
An t-eolas is déanaí
Tabharfar isteach socruithe nua pinsin atá solúbtha i mí Eanáir 2024 do dhaoine a dhéanann iarratas ar Phinsean Stáit (Ranníocach). Tá siad seo le haghaidh daoine a bhaineann 66 bliain d’aois amach ar an nó tar éis an 1 Eanáir 2024.
Má tá tú 66 bliain d’aois in 2024 nó níos déanaí, beidh an rogha agat éileamh a dhéanamh ar do Phinsean Stáit (Ranníocach) ar dháta ar bith idir 66 agus 70 bliain d’aois.
Is é do dháta tosaithe an dáta ar mian leat tosú ag fáil an Phinsin Stáit (Ranníocach).
D’fhéadfadh na socruithe nua seo cabhrú leat cáiliú le haghaidh:
- Pinsean Stáit (Ranníocach) murar cháiligh tú ag 66 bliana d’aois
- ráta níos airde de Phinsean Stáit (Ranníocach) ná mar a bheadh agat ag 66 bliana d’aois
Tá an Pinsean Stáit (Ranníocach) bunaithe ar ranníocaíochtaí Árachais Shóisialaigh Pá-Choibhneasa (ÁSPC) duine in Éirinn.
I gcás daoine a rugadh roimh 1958, áiríodh ranníocaíochtaí árachais shóisialaigh suas go dtí 66 bliana d’aois. Rinneadh ráta an Phinsin Stáit (Ranníocach) a bronnadh a mheas bunaithe ar seo.
Tá go leor daoine ag roghnú leanúint ar aghaidh ag obair tar éis 66 bliana d’aois a bhaint amach. Ba mhaith leo feabhas a chur ar ráta an Phinsin Stáit (Ranníocach) atá ar fáil dóibh dá bhfaighidís ar shlí eile ráta laghdaithe den Phinsean Stáit (Ranníocach) ag 66 bliana d’aois.
Má rugadh tú ar nó tar éis 1958, is féidir leat an Pinsean Stáit (Ranníocach) a éileamh ar aon dáta idir 66 agus 70 bliain d’aois. Ligeann sé seo dúinn aon ranníocaíochtaí breise a d’fhéadfadh a bheith agat a chur san áireamh ar do thaifead suas go dtí dáta tosaithe d’éilimh, go dtí uasmhéid d’aois 70, agus ráta an Phinsin Stáit (Ranníocach) iníoctha á ríomh.
Má roghnaíonn tú dáta tosaithe éilimh idir 67 agus 70 bliain d’aois, d’fhéadfá a bheith i dteideal ráta níos airde de Phinsean Stáit (Ranníocach). Tugtar ráta íocaíochta méadaithe go hachtúireach air seo.
Sna cúinsí seo, beidh an ráta pinsin ag brath ar d’aois nuair a roghnaigh tú d’íocaíocht pinsin a tharraingt anuas:
| Aois ar dháta tosaithe an éilimh | 66 | 67 | 68 | 69 | 70 |
| Uasráta* | €277.30 | €290.30 | €304.80 | €320.30 | €337.20 |
Bunaithe ar rátaí Eanáir 2024 den Phinsean Stáit (Ranníocach)*
Beidh rátaí laghdaithe íocaíochta aoischoibhneasa iníoctha freisin, mura bhfuil teidlíocht agat ar an uasráta ar an dáta ar roghnaigh tú do Phinsean Stáit (ranníocach) a thosú
Níl aon athrú ar na critéir cháilíochta don Phinsean Stáit (Ranníocach):
Ba cheart duit iarratas a dhéanamh ar Phinsean Stáit (Ranníocach) má d’oibrigh tú riamh in Éirinn agus má d’íoc tú aon ranníocaíochtaí árachais shóisialaigh.
Go ginearálta, cáileoidh tú don Phinsean Stáit (Ranníocach) má:
- thosaigh do thaifead árachais shóisialaigh 10 mbliana roimh dháta tosaithe d’éilimh
agus
- tá ar a laghad 520 ranníocaíocht árachais shóisialaigh lánráta agat ó thosaigh tú i bhfostaíocht inárachais NÓ d’íoc tú 260 ranníocaíocht lánráta ar a laghad má d’éirigh leat 66 bliain d’aois roimh 6 Aibreán 2012
Chun cabhrú le meastachán a dhéanamh ar ráta an Phinsin Stáit (Ranníocach) a d’fhéadfá a fháil, is féidir leat cóip de do Ráiteas Ranníocaíochta a iarraidh ar MyWelfare.ie.
Is achoimre é do Ráiteas Ranníocaíochta ar do thaifid árachais shóisialaigh pá-choibhneasa (ÁSPC) in Éirinn. I gcás daoine a rugadh ar nó tar éis 1 Eanáir 1958, áireofar sa ráiteas ranníocaíochtaí freisin ranníocaíochtaí íoctha agus/nó ranníocaíochtaí Cúramóirí Fadtéarmacha a dámhadh idir 66 agus 70 bliain d’aois, nó suas go dtí an dáta a roghnaigh tú tús a chur le do Phinsean Stáit (Ranníocach).
Chun rochtain a fháil ar sheirbhísí ar MyWelfare.ie, beidh cuntas MyGovID fíoraithe uait.
Tá sonraí maidir le conas do Ráiteas Ranníocaíochtaí a úsáid chun ráta an Phinsin Stáit (Ranníocach) a d’fhéadfá cáiliú dó a mheas ar fáil anseo.
Is é 66 an aois íosta is féidir leat a éileamh i gcónaí.
Ba cheart duit iarratas a dhéanamh ar Phinsean Stáit (Ranníocach) tráth nach déanaí ná 6 mhí roimh dháta tosaithe d’éilimh. Má tá iarratas déanach á chur isteach agat, ní féidir an dáta éilimh a roghnaigh tú a bheith níos mó ná 6 mhí roimh an éileamh a fháil.
Beidh leagan nua den fhoirm iarratais ar an bPinsean Stáit (Ranníocach) ar fáil go luath. Iarrfaidh an fhoirm iarratais nua an dáta óna dteastaíonn uait tosú ag éileamh do Phinsean Stáit (Ranníocach). Féadfaidh sé seo a bheith ag aois 66, mar atá sé anois, nó ar aon dáta idir 66 agus 70 bliain d’aois.
Nuair a bheidh íocaíochtaí an Phinsin Stáit (Ranníocach) tosaithe, ní bheidh tú in ann an dáta seo a athrú fiú má tá tú ag leanúint ar aghaidh ag obair. Tá sé seo amhlaidh toisc nach mbeidh tú faoi dhliteanas a thuilleadh ranníocaíochtaí árachais shóisialaigh a íoc tar éis an dáta a thosaíonn do Phinsean Stáit (Ranníocach).
Má chuireann tú iarratas isteach ag baint úsáid as an SPC1 reatha, thíos, agus do 66ú breithlá in 2024, scríobhfaimid chugat chun an dáta a dteastaíonn uait tosú ar do Phinsean Stáit (Ranníocach) a éileamh a dheimhniú.
Foirm Iarratais: Phinsean Stáit (SPC1)
Eagrán: Márta 2024
Íosluchtaigh nasc le haghaidh
Íoslódáil
féachaint ar an gcomhad
Amharc
Tabhair faoi deara
Ní féidir leis an Roinn tú a chuir ar an eolas maidir le do ráta Pinsean Stáit (Ranníocach) sula mbeidh d’fhoirm iarratais faighte againn. Ní féidir linn comhairle a chur ort maidir le cibé ar cheart duit dáta tosaigh a roghnú don Phinsean Stáit (Ranníocach) atá níos déanaí ná 66 bliana d’aois. Beidh ort do chúinsí pearsanta féin a mheas go cúramach sula ndéanfaidh tú an cinneadh seo
Ní féidir leis an Roinn tú a chuir ar an eolas maidir le do ráta Pinsean Stáit (Ranníocach) sula mbeidh d’fhoirm iarratais faighte againn. Ní féidir linn comhairle a chur ort maidir le cibé ar cheart duit dáta tosaigh a roghnú don Phinsean Stáit (Ranníocach) atá níos déanaí ná 66 bliana d’aois. Beidh ort do chúinsí pearsanta féin a mheas go cúramach sula ndéanfaidh tú an cinneadh seo
Foghlaim tuilleadh faoin tionchar ar aicmí ÁSPC tar éis 66 bliana d’aois ó na hathruithe ar an bPinsean Stáit (Ranníocach).
Rannóg an Phinsin Stáit (Ranníocach)
Seoladh:
Seirbhísí Leasa Shóisialaigh, An Roinn Gnóthaí Fostaíochta agus Coimirce Sóisialaí, Bóthar an Choláiste, Sligeach, Contae Sligeach, F91 T384.
Suíomh gréasáin:
Ríomhphost:
Uimhir theileafóin: