Inrochtaineacht

Tá rialtas na hÉireann tiomanta do gov.ie a dhéanamh inrochtana de réir I.R. 358/2020 agus an tAcht Eorpach um Inrochtaineacht

Táimid tiomanta do chaighdeán AA faoi threoirlínte WCAG 2.1 a bhaint amach.

Baineann an ráiteas inrochtaineachta seo le gov.ie amháin - ní le láithreáin rialtais ná le fofhearainn eile.

Tá an t-ábhar dúchasach HTML ar gov.ie i gcomhréir le treoirlínte WCAG 2.1 AA. Mar sin féin, d'fhéadfadh sé nach mbeadh roinnt ábhar seachtrach atá á óstáil nó leabaithe ar an suíomh Gréasáin seo, amhail físeáin YouTube agus doiciméid PDF, i gcomhréir go hiomlán leis na treoirlínte inrochtaineachta.

Inneachar neamh-inrochtana

Táblaí: Níl ceanntásca sainithe i gceart ag roinnt táblaí ar gov.ie. Fágann sé sin go bhfuil sé níos deacra do dhaoine a úsáideann léitheoirí scáileáin nó bogearraí aitheanta gutha an t-ábhar ar an suíomh a léamh. (Treoirlíne WCAG 1.3.1)

Íomhánna: Níl tuairiscí grianghraf (nó meiteathuairisc) ag gach íomhá ar gov.ie. Mura mbíonn na tuairiscí cearta ag íomhánna, ní fhoghlaimeoidh úsáideoir a bhraitheann ar theicneolaíochtaí cúnta an fhaisnéis a chuirtear in iúl san íomhá (treoirlínte WCAG 1.1.1)

PDFanna: Foilsítear go leor doiciméad mar PDFanna - nach bhfuil chomh hinrochtana le leathanaigh HTML do dhaoine a úsáideann teicneolaíochtaí cúnta. I measc na ndeacrachtaí le PDFanna tá:

• nach bhfuil siad leabharmharcáilte (treoirlíne WCAG 2.4.5)
• nach bhfuil táblaí in PDFanna sainithe (treoirlíne WCAG 1.3.1)

Ní liosta uileghabhálach d'ábhar neamh-inrochtana é an t-inneachar sin.

Inneachar díolmhaithe

Tá doiciméid PDF a foilsíodh roimh an 23 Meán Fómhair 2018 díolmhaithe ó na treoirlínte seo ach amháin sa chás go mbaineann siad le seirbhís nach mór do dhuine den phobal a úsáid.

Tá físeáin nó fuaim a foilsíodh roimh an 23 Meán Fómhair 2020 díolmhaithe ó na treoirlínte seo.

Úsáidimid treoirlínte leibhéal AA WCAG chun tástáil a dhéanamh ar cé chomh hinrochtana is atá gov.ie. D'úsáideamar cur chuige Mhodheolaíocht Mheastóireachta Comhréireachta Inrochtaineachta Gréasáin (WCAG-EM) chun an suíomh a mheas.

Tá iniúchtaí inrochtaineachta críochnaithe againn agus tá tástáil úsáideoirí déanta againn ar an suíomh gréasáin. Leanfaimid orainn ag déanamh seo.

Bíonn teagmháil rialta againn leis an Údarás Náisiúnta Míchumais (NDA), arb é an comhlacht monatóireachta é maidir le hinrochtaineacht suíomhanna gréasáin na hearnála poiblí in Éirinn. Déanann an NDA athbhreithniú bliantúil ar an suíomh gréasáin.

• leanfaimid orainn ag obair le ranna chun a chinntiú go bhfuil siad ag foilsiú leathanaigh HTML in ionad formáidí nach bhfuil chomh hinrochtana amhail PDF
• leanfaimid orainn ag áitiú gur Béarla simplí a úsáidfidh ranna chun cur síos a dhéanamh ar sheirbhísí a mbeidh baill den phobal ag brath orthu

Tá gach roinn freagrach as a hábhar féin ar gov.ie.

Má tá aon ghearáin agat faoi inrochtaineacht an ábhair a úsáidtear ar shuíomh roinne – is féidir leat teagmháil a dhéanamh leis an Oifigeach Rochtana ábhartha do Dhaoine faoi Mhíchumas i ngach roinn.

Géarú ar Ghearán

Mura bhfuil tú sásta le freagra na roinne, is féidir leat gearán a dhéanamh leis an Ombudsman faoin Acht um Míchumas.