Bosca Ialtóg

Is ionann ialtóga agus níos mó ná aon trian de mhamaigh na hÉireann agus naoi speiceas ann san iomlán. Is iad ialtóga an t‑aon mhamach ar féidir leo eitilt fhíor-chumhachtaithe a dhéanamh. Tá ialtóga na hÉireann beag go leor, agus meáchan idir 5 agus 12 ghram iontu.

Baineann gach speiceas atá le fáil in Éirinn úsáid as fuaim chun a mbealach a dhéanamh timpeall sa dorchadas agus chun creacha a ghabháil le hithe. Aimsiú ó mhacalla a thugtar air sin.

Baineann ialtóga úsáid as foirgnimh agus struchtúir, crainn agus fálta sceach le dul ar fara. Soláthraíonn crainn agus fálta sceach bia agus cúnamh loingseoireachta freisin. Is dócha go mbeidh ialtóga in go leor struchtúr oidhreachta, go háirithe má tá an struchtúr suite áit a bhfuil gnáthóg oiriúnach in aice láimhe inar féidir le hialtóga foráiste a dhéanamh, mar shampla spásanna glasa agus aibhneacha. Is féidir le boscaí ialtóg deiseanna breise a sholáthar d’ialtóga a scíth a ligean i rith an lae agus is féidir iad a úsáid freisin chun dul ar fara máithreachais. Ba cheart boscaí ialtóg a chur i gcoillearnacha lánaibí, i ngairdíní coillteacha, nó in aice le foinsí uisce, 3-5 mhéadar ar a laghad ón talamh ar thamhain chrainn nó ar chuaillí.