Bithéagsúlacht OPW

Téacs Tosaigh: I ngach réimse dá hoibríochtaí – bainistíocht réadmhaoine, seirbhísí oidhreachta, agus bainistíocht riosca tuilte – cuireann Oifig na nOibreacha Poiblí (OPW) i gcrích go leor tionscnamh agus tugann sí faoi chleachtais oibre ar leith chun an bhithéagsúlacht a chaomhnú agus a chur chun cinn.

Leagtar amach i Straitéis Bhithéagsúlachta OOP rún na heagraíochta maidir leis an mbithéagsúlacht ar fud a cuid oibríochtaí a chosaint, a chur chun cinn agus a fheabhsú. Aithnítear ann gníomhartha straitéiseacha chun cabhrú le beartas an Rialtais a sheachadadh trí chur le seachadadh an Phlean Gníomhaíochta Náisiúnta um an mBithéagsúlacht.

Leagtar amach sa straitéis seo na háiteanna ina n-idirphléann OOP leis an mbithéagsúlacht; cuimsítear ann tuairimí na foirne, pleananna náisiúnta agus reachtaíocht; socraítear fís fhadtéarmach do chur chuige feabhsaithe i leith na bithéagsúlachta, a riocht faoi láthair agus na rudaí a d'fhéadfadh a bheith i ndán di, na srianta agus na deiseanna atá ann di; agus mionsonraítear ann na bearta straitéiseacha atá aitheanta chun freagairt OOP a fheabhsú ó thaobh an ghá atá leis an mbithéagsúlacht a chur ar ais.