Comhoibriú idir Oifig na nOibreacha Poiblí agus Iompar d’Éirinn do Sheachtain Náisiúnta na hOidhreachta 2025
- Foilsithe: 12 Lúnasa 2025
- An t-eolas is déanaí: 12 Lúnasa 2025
I rith na seachtaine Oidhreachta, beidh Oifig na nOibreacha Poiblí (OPW) agus an Roinn Iompair ag comhoibriú arís i mbliana i dtaca leis an tionscnamh ‘Naisc Áitiúla leis an Stair’ de chuid Iompar d’Éirinn (TFI) .
Is í seo an dara bliain a bhfuil comhoibriú idir Oifig na nOibreacha Poiblí agus an Roinn Iompair i dtaca leis an tionscnamh spreagúil seo. Tacaíonn an tionscnamh leis an sprioc choiteann atá ag Oifig na nOibreacha Poiblí, an Roinn Iompair agus Iompar d’Éirinn maidir le taisteal inbhuanaithe a spreagadh, agus ag an am céanna rochtain níos éasca ar oidhreacht shaibhir na hÉireann a chur ar fáil don phobal.
Le linn Sheachtain na hOidhreachta, beidh saorchead isteach ag cuairteoirí chuig láithreacha oidhreachta atá páirteach sa tionscnamh seo nuair a thaispeánann siad an ticéad dea-mhéine a thugann an tiománaí bus dóibh.Tá láithreacha breise san áireamh i mbliana.
Is é téama Sheachtain na hOidhreachta i mbliana, ná “Iniúchadh ár nDúchas” agus tugann seirbhísí um Nasc Áitiúil TFI an deis do dhaoine ó phobail tuaithe cuairt a thabhairt ar na láithreacha oidhreachta is aitheanta in Éirinn, ar nós, láithreacha mainistreacha, caisleáin, tithe stairiúla agus gairdíní.
Ag labhairt dó faoin tionscnamh, dúirt Kevin “Boxer” Moran, Aire Stáit d’Oifig na nOibreacha Poiblí:
“Tá lúcháir ar Oifig na nOibreacha Poiblí comhoibriú le Iompar d’Éirinn (TFI) chun tacú le Seachtain na hOidhreachta i mí Lúnasa. Tá sé mar aidhm ag ár gcomhpháirtíocht aird a tharraingt ar an tSeirbhís um Nasc Áitiúil agus tá an-áthas orainn cur leis an tionscnamh seo agus breis láithreacha a chur san áireamh ionas go mbeidh deis ag cuairteoirí ar fud na tíre leas a bhaint as an tseirbhís iontach seo.
Tá an t-ádh linn go bhfuil láithreacha iontacha againn ar fud cheantair tuaithe na hÉireann agus iad san áireamh ar an nGréasán um Nasc Áitiúil – ina measc, Caisleán Dhún na nGall, Mainistir Shligigh, Daingean Míleata Rinn an Chorráin, agus Caisleán Chill Chainnigh agus mholfainn do gach duine leas a bhaint as an tseirbhís iontach seo agus cuairt a thabhairt ar láthair oidhreachta áitiúil.”
Dúirt Jeremy Ryan, Stiúrthóir ar Sheirbhísí Iompair Phoiblí:
Molaimid do gach duine lántairbhe a bhaint as an tionscnamh seo agus leas a bhaint as saorchead isteach chuig láithreacha oidhreachta ar fud na hÉireann le linn Sheachtain Náisiúnta na hOidhreachta.”
Ar an Satharn, 16 Lúnasa, chun lá oscailte Sheachtain na hOidhreachta a cheiliúradh, tá saorchead isteach á thairiscint ag Oifig na nOibreacha Poiblí chuig breis is 70 láthair oidhreachta ina n-íoctar táille de ghnáth.
Tá an tionscnamh seo mar pháirt de chlár imeachtaí níos leithne a bheidh ar siúl i rith Sheachtain na hOidhreachta ag Láithreacha Oidhreachta Oifig na nOibreacha Poiblí. Beidh os cionn 100 imeacht ar siúl, tá liosta iomlán de na himeachtaí le fáil ar heritageireland.ie
Láithreacha atá páirteach sa bhfeachtas, Nasc Áitiúil leis an Stair :
Ionad Cuairteoirí agus Mainistir Ghleann Dá Loch
Bealach 183, Na Solláin go dtí an tInbhear Mór
https://locallinkckw.ie/wp-content/uploads/2022/11/TFI-LL-R183-Sallins-to-Arklow-WEB5.pdf
Caisleán Dhún na nGall
292 Béal Átha Seanaidh go Baile Dhún na nGall agus 293 Gleann Cholm Cille go Baile Dhún na nGall
https://www.transportforireland.ie/wp-content/uploads/2024/01/TFI-LL-DSL-R292-Dec23-WEB-FA.pdf
https://www.transportforireland.ie/wp-content/uploads/2024/01/293-Glencolmcille-to-Donegal-Town.pdf
Is féidir freisin leas a bhaint as Bealaí 30 agus 30x, 492, 480, agus 64 de chuid Bhus Éireann
Caisleán Parke
563 Sligeach-Droim Dhá Thiar Bus Nasc Áitiúil agus 566 Sligeach-Damhshraith
https://www.transportforireland.ie/wp-content/uploads/2023/11/Route-563Timetable-FA.pdf
https://locallinkdsl.ie/wp-content/uploads/2022/02/129551-SITT-TT-566-Dowra-to-Sligo-6pg-DL.pdf
Ionad an Bhlascaoid
Bealach 277a agus 227b Daingean Uí Chúis – Ceann Trá – Baile an Fheirtéaraigh – Dún Chaoin
https://www.locallinkkerry.ie/dingle/
Mainistir na hInse
318, 331, 335, 337, 339, 342, 344, C23
https://www.locallinklc.ie/clare-routes/
Daingean Míleata Rinn Chorráin
253C
https://locallinkcork.com/schedule/253c-kinsale-to-charlesfort/
Láthair Mhainistir Chluain Mhic Nóis
850
Ionad Chath na Bóinne – Eastát an tSeandroichid
163
https://www.transportforireland.ie/wp-content/uploads/2024/02/TFI-LL-R163-FA-WEB.pdf
Na Gairdíní agus Caisleán Phort Omna
547
https://www.locallinkgalway.ie/dynamic-timetables/route-547---portumna-to-ballinasloe
322
Caisleán Chill Chainnigh
897
https://www.transportforireland.ie/wp-content/uploads/2023/10/TFI-LL-CKW-R897-June2023-WEB.pdf
Mainistir Shligigh
563, 566, 572, 977 agus 981
https://www.transportforireland.ie/wp-content/uploads/2023/11/Route-563Timetable-FA.pdf
https://www.transportforireland.ie/wp-content/uploads/2024/01/TFI-LL-DSL-R566-Dec23-FA-WEB4.pdf
https://www.transportforireland.ie/wp-content/uploads/2024/05/TFI-LL-DSL-R572-May24-FA-WEB.pdf
https://locallinkdsl.ie/wp-content/uploads/2022/02/981-Coolaney-to-Sligo-6pg-DL-30th-Oct.pdf
Ardeaglais Ard Fhearta
Bealach 274 - Nasc Áitiúil (TFI Local Link) Ciarraí
TFI-LL-Kerry-R274-June25-WEB-FA.pdf
Carraig Phádraig
Bealaí 828 & 855 - Nasc Áitiúil (TFI Local Link) Tiobraid Árann
TFI-LL-Laois-OffalyTipperary-May2021.V4.pdf
Túr Raghnaill
Bealach 358 - um Nasc Áitiúil (TFI Local Link) Port Láirge
TFI-Local-Link-Waterford-Route-358-May25.pdf
Eastát Dhún ar Aill
Bealach 523 - Nasc Áitiúil (TFI Local Link) Corcaigh
Nótaí
· Beidh an tairiscint seo ar fáil i gcomhair Sheachtain Náisiúnta na hOidhreachta a bheidh ar siúl ón 16 go dtí 24 Lúnasa 2025.
· Beidh saorchead isteach agat chuig láithreacha Oidhreachta Oifig na nOibreacha Poiblí, ina n-íoctar táille de ghnáth, nuair a thaispeánann tú an ticéad dea-mhéine a thugann an tiománaí bus duit.
· Tá Seachtain Náisiúnta na hOidhreachta a eagraíonn an Chomhairle Oidhreachta ar cheann de na himeachtaí cultúrtha is mó in Éirinn.
· Insíonn láithreacha oidhreachta, atá faoi chúram Oifig na nOibreacha Poiblí, an scéal faoi na ceangail atá idir daoine, oidhreacht pobail agus cultúr. Ós rud é go mbeidh os cionn 100 imeacht ar siúl ar fud na tíre agus go mbeidh saorchead isteach* ar an 16 Lúnasa, is cinnte go mbeidh rud éigin do gach duine le taitneamh a bhaint as.
· Féach ar heritageireland.ie chun breis eolais a fháil.
* Seachas Príosún Chill Mhaighneann agus Brú na Bóinne.