Athbhunú Cuideachta
- Foilsithe: 9 Lúnasa 2021
- An t-eolas is déanaí: 19 Meitheamh 2025
Faoi Alt 738 (2) d’Acht na gCuideachtaí 2014 tá an t-údarás ag OPAS, thar ceann an Aire Caiteachais Phoiblí, Seachadta PFN agus Athchóirithe agus Chláraitheoir na gCuideachtaí, litir thoilithe a eisiúint chun cuideachta a baineadh den chlár a athbhunú.
Iarratas a dhéanamh
Ba cheart an t-iarratas ar athbhunú a dhéanamh ar fhógairt do agus a sheirbheáil ar:
An Príomh-Aturnae Stáit
- Seoladh:
- Teach Osmond , Sráid na gCaorach Bheag , Baile Átha Cliath, D08 V8C5
Cláraitheoir na gCuideachtaí
- Seoladh:
- An Rannóg Forfheidhmithe, Teach Bloom, Sráid Gloucester Íochtarach, Baile Átha Cliath , D01 C576
An Roinn Caiteachais Phoiblí, Bonneagair, Athchóiriúcháin Seirbhíse Poiblí agus Digitiúcháin
- Seoladh:
- An Rannóg Maoine Stáit, Tithe an Rialtais, Sráid Mhuirfean, Baile Átha Cliath, D02 R583
Na Coimisinéirí Ioncaim
- Seoladh:
- Aturnae na gCoimisinéirí Ioncaim, Geata na gCaorach Bheag, Caisleán Bhaile Átha Cliath, Baile Átha Cliath, D02 YF98
I gcás iarratais creidiúnaí: an Rúnaí agus gach duine atá liostaithe mar stiúrthóirí na cuideachta (a cheanglaítear freisin mar Fhógrapháirtithe sna himeachtaí de ghnáth).
Ba cheart imeachtaí a sheirbheáil ar na hoifigí ábhartha thuas 14 lá ar a laghad roimh an dáta fillte.
Ní mór a lua sa Mhionnscríbhinn ar a bhfuil an t-iarratas ar athbhunú mar bhonn leis nach bhfuil aon éileamh déanta ag an Achainíoch go raibh baint ná páirt, go díreach nó go hindíreach, ag an Stát le sócmhainní na cuideachta agus nach bhfuil sé ar an eolas go bhfuil aon éileamh den sórt sin á dhéanamh ag tríú páirtí.
Nuair a gheobhaidh sé/sí an t-iarratas, iarrfaidh OPAS treoracha ar ár gcliaint.
Táille
Ní mór táille €350 a sheoladh trí ríomhaistriú airgid chuig Oifig an Phríomh-Aturnae Stáit sula seolfar an litir thoilithe. Chun sonraí cuntais bainc a iarraidh, cuir ríomhphost chuig accountsmail@csso.gov.ie - bain úsáid as ainm na cuideachta a bhfuil an t-iarratas á dhéanamh di mar thagairt don aistriú.
Cuir an comhfhreagras chuig:
An Rannóg Seirbhísí Dlí
- Seoladh:
- An Rannán Dlí agus Cirt, Oifig an Phríomh-Aturnae Stáit, Teach Osmond, Sráid na gCaorach Bheag, Baile Átha Cliath, D08 V8C5