Fáiltíonn an tAire Sláinte, Stephen Donnelly TD roimh fhoilsiú ‘I dTreo Cistiú Daonra-Bhunaithe don tSláinte: Togra Samhla'.
Foilsithe
An t-eolas is déanaí
Foilsithe
An t-eolas is déanaí
D'fhoilsigh an tAire Sláinte Stephen Donnelly TD inniu, ‘I dTreo Cistiú Daonra-Bhunaithe do Shláinte: Togra Samhla’ mar chuid de phróiseas Athbhreithnithe Caiteachais 2022.
Tá samhail nua leithdháilte acmhainní daonra-bhunaithe (PBRA) ina cuid lárnach de chur i bhfeidhm an Limistéir Sláinte Réigiúnach (RHA). Cuireann an tAthbhreithniú Caiteachais seo leis an bhfianaise a theastaíonn chun tacú le cinnteoireacht ar an tsamhail cistithe daonra-bhunaithe is oiriúnaí le cur i bhfeidhm. Is samhail chistithe í PBRA do phleanáil sláinte a fhéachann le hacmhainní cúram sláinte atá ar fáil a dháileadh de réir riachtanas an daonra d'fhonn éifeachtúlacht agus cothromas a chur chun cinn i dtorthaí sláinte agus i ndáileadh acmhainní araon. Mar a shamhlaítear in Sláintecare, cuideoidh an t-athchóiriú seo linn éifeachtúlacht agus cothromas níos fearr a sholáthar inár seirbhís sláinte, aistriú a éascú i dtreo cur chuige níos daonra-bhunaithe i leith pleanáil agus cistiú na seirbhíse sláinte, agus cuirfidh sé ar ár gcumas aghaidh níos fearr a thabhairt ar na neamhionannais sláinte atá sa chóras sláinte.
Is é cuspóir an Athbhreithnithe Caiteachais seo rannchuidiú tuilleadh leis an bhforbairt fianaise is gá chun an tsamhail PBRA is iomchuí a bheidh le cur i bhfeidhm in 2024 a bhreithniú. Tá an tAthbhreithniú Caiteachais seo ar cheann de raon ionchur a bheidh mar bhonn eolais ag an tsamhail PBRA deiridh. Agus é bunaithe ar thorthaí Athbhreithnithe Caiteachais níos luaithe, molann an páipéar seo réamhshamhail PBRA lena cur i bhfeidhm agus soláthraíonn sé torthaí táscacha.
Molann an páipéar seo úsáid a bhaint as samhail chaipitíochta choigeartaithe riachtanas chun cistiú a leithdháileadh ar na RHAanna nua atá le bunú mar chuid d'athchóiriú Sláintecare. Déanann an tsamhail atá beartaithe daonraí RHA a choigeartú trí Innéacs Aoise-Gnéis, Innéacs Díthe, agus Innéacs Tuaithe. Tá torthaí shamhail PBRA a chuirtear i bhfeidhm sa pháipéar seo maidir le sciaranna caiteachais PBRA ‘treorach’ táscacha cosúil go ginearálta leis an leithdháileadh buiséid reatha ag RHA. Tá sé seo fíor go háirithe maidir leis na cláir mhóra chaiteachais Géarchúraim, Daoine Aosta, Meabhairshláinte agus Cúraim Phríomhúil.
I gcomhréir le dea-chleachtas idirnáisiúnta, moltar Grúpa Comhairleach buan a bhunú chun faireachán agus dearadh a dhéanamh ar PBRA. Moltar go bhfuil an Roinn Sláinte ina chathaoirleach ar an ngrúpa seo, agus go bhfuil baill de FSS, RHAanna, DoH, an Rialtas Láir ann, chomh maith le saineolaithe acadúla i réimse na samhlacha leithdháilte acmhainní sláinte. Ba cheart go mbeadh rúnaíocht iomchuí ag tacú leis an ngrúpa sin. Ba cheart obair uile an ghrúpa chomhairligh sin a chur ar fáil go poiblí i bhfoirm tuarascálacha mionsonraithe ar an bhfoirmle/modheolaíocht agus ar na sonraí a úsáidtear. Le bunú grúpaí den sórt sin beifear in ann an tsamhail a mhionchoigeartú mar chuid den Phlean Forfheidhmithe leanúnach.
D’fháiltigh an tAire Sláinte, Stephen Donnelly TD roimh an bhfoilseachán agus dúirt sé:
“Tá áthas orm foilsiú ‘I dTreo Cistiú Daonra-Bhunaithe don tSláinte: Togra Samhla’ a fhógairt. Is cuid thábhachtach den athchóiriú ar ár gcóras sláinte é cistiú daonra-bhunaithe. Is é PBRA an mheicníocht trína leithdháilfear cistiú ar na Limistéir Sláinte Réigiúnacha nua. Deartha i gceart, is féidir leis tacú le rialachas corparáideach agus freagracht chliniciúil níos fearr, agus cinnteoireacht agus nuálaíocht áitiúil a chumhachtú ag an am céanna. Is céim thábhachtach í an páipéar chun tuiscint a fháil ar an gcaoi ar féidir le cistiú daonra - bhunaithe ról a bheith aige maidir le cothromas agus éifeachtúlacht cúram sláinte a fheabhsú. Cuirim fáilte roimh an bpáipéar IGEES seo mar chuid den bhonn fianaise atá ag leathnú chun tacú le cinnteoireacht sa tsláinte."
Forléargas
Rannchuidiú
Príomhthorthaí
Moltaí
Bunaithe ar dhea-chleachtas idirnáisiúnta, déantar roinnt moltaí maidir le rialachas, bainistíocht agus nuashonrú samhail PBRA.