Fógraíonn an tAire O’Brien méadú ar Dheontais Umair Sheipteacha
Ó An Roinn Tithíochta, Rialtais Áitúil agus Oidhreachta
Foilsithe
An t-eolas is déanaí
Ó An Roinn Tithíochta, Rialtais Áitúil agus Oidhreachta
Foilsithe
An t-eolas is déanaí
Tá sé fógartha ag an Aire Tithíochta, Rialtais Áitiúil agus Oidhreachta Darragh O’Brien go méadófar na deontais atá ar fáil do Chórais Chóireála Fuíolluisce Tí (ar a dtugtar Umair Sheipteacha de ghnáth) go €12,000 ó €5,000.
D’fhógair an tAire freisin go mbainfear an coinníoll cáilitheach nach mór an umar seipteach a chlárú leis an údarás áitiúil roimh 1 Feabhra 2013.
Ciallóidh na hathruithe, a thiocfaidh i bhfeidhm ón 1 Eanáir 2024, go gcáileoidh níos mó teaghlach do na deontais agus go dtabharfar tacaíocht dóibh chun a n-umar a uasghrádú nó a athsholáthar trí dheontas feabhsaithe.
Bailíonn, déileálann agus scaoileann córais chóireála fuíolluisce tí fuíolluisce ó theaghlaigh nach bhfuil nasctha le córais séarachais phoiblí. Ní mór dóibh a bheith cláraithe le hÚdaráis Áitiúla a fhéadfaidh iad a iniúchadh chun a chinntiú nach gcuireann siad aon bhaol don phobal agus don chomhshaol.
Tá deontais suas le €5,000 ar fáil faoi láthair chun umar seipteach a dheisiú, a uasghrádú nó a athsholáthar ar choinníoll go raibh sé cláraithe roimh 1 Feabhra 2013. Ardófar an t-uasdeontas 140% go €12,000 agus beidh sé ar fáil do gach úinéir umar seipteach incháilithe.
Dúirt an tAire O'Brien:
“Is athruithe an-tábhachtacha iad seo a chabhróidh le teaghlaigh, go háirithe iad siúd faoin tuath in Éirinn, tríd an ualach airgeadais a bhaineann le huasghrádú, deisiú nó athsholáthar dabhach mhúnlaigh a mhaolú.
“D’éist mé leis an aiseolas ó go leor páirtithe leasmhara a bhí ag moladh na n-athruithe seo agus creidim go spreagfaidh siad níos mó teaghlach leas a bhaint as an deontas agus, dá réir sin, go gcuideoidh siad le riosca tionchair timpeallachta ó umair lochtacha a laghdú,” a dúirt sé."