Ráiteas ón bhFoireann Náisiúnta Éigeandála Sláinte Poiblí -Dé Sathairn 27 Samhain 2021

Cé nach dtugann Córais Foláirimh na hEorpa fógra foirmiúil dóibh, tá An Roinn Sláinte ar an eolas faoi thuairiscí sna meáin faoi na cásanna den athraitheach nua SARS-CoV-2 Athraitheach B.1.1.529 (Omicron) sa Ríocht Aontaithe, san Iodáil, sa Ghearmáin, agus sa Bheilg.

Tá sraith beart tosaigh curtha i bhfeidhm chun maolú a dhéanamh ar theacht an athraithigh seo go hÉirinn.

Tá Foireann Eipidéimeolaíoch NPHET ag teacht le chéile go rialta thar an deireadh seachtaine chun monatóireacht a dhéanamh ar chúrsaí agus faoi láthair tá siad ag déanamh machnaimh ar bhearta breise riachtanacha.

I measc na mbeart atá i bhfeidhm faoi láthair tá:

Ailíneoidh Éire le Moladh an AE an “coscán éigeandála” a chur i bhfeidhm i leith na dtíortha lena mbaineann (i.e. an Bhotsuáin, Esuaitíní, Leosóta, Mósaimbíc, an Namaib, an Afraic Theas agus An tSiombáib) agus cuirfidh sí i gcoinne taistil chuig/ó na tíortha seo.
Tá An Roinn Dlí agus Cirt ag nuashonrú riachtanais víosa do na tíortha sin.
D’athraigh An Roinn Gnóthaí a comhairleach taistil chun “taisteal neamhriachtanach a sheachaint” chuig na tíortha sin.
Ceanglófar ar chónaitheoirí Éireannacha ag filleadh abhaile ó na tíortha seo dul faoi choraintín baile dian beag beann ar stádas vacsaíne/téarnaimh/tástála, agus dul faoi thástáil PCR le linn an choraintín.
Tá rialacháin á ndréachtú go práinneach chun éifeacht a thabhairt do na beartais nua maidir le taisteal agus coraintín baile.
Chuaigh An Roinn Iompair i dteagmháil le haeriompróirí chun a chinntiú go gcomhlíontar go docht na riachtanais ábhartha uile roimh imeacht (Teastas Covid, fianaise tástála PCR, Foirmeacha Aimsitheora Paisinéirí).
Tá An Roinn Dlí agus Cirt ag socrú méadú ar spotseiceáil BMU de phaisinéirí ar theacht isteach dóibh.
Tá roghanna Coraintín Éigeantach Óstáin á socrú ar bhonn teagmhasach.
Déanfaidh na comhlachtaí ábhartha go léir athbhreithniú leanúnach ar an scéal maidir leis an athraitheach nua seo.

Ráiteas ón bhFoireann Náisiúnta Éigeandála Sláinte Poiblí -Dé Sathairn 27 Samhain 2021

Cuid den

Feachtais

Polasaí