Preasráitis
Bearta breise tugtha isteach ag an Aire Sláinte chun leanaí a chosaint ar thobac agus ar thoitíní leictreonacha
Foilsithe
An t-eolas is déanaí
Foilsithe
An t-eolas is déanaí
Tá tús curtha ag an Aire Sláinte Stephen Donnelly le rannóga eile den Acht Sláinte Poiblí (Táirgí Tobac agus Táirgí Ionanálaithe Nicitín), 2023 chun cosaint leanaí ar tháirgí tobac agus ar tháirgí ionanálaithe nicitín ar nós toitíní leictreonacha nó galtoitín a neartú.
Is iad seo a leanas na forálacha a gcuirfear tús leo:
Tá tréimhse luaidhe sé mhí ann do na bearta seo a thiocfaidh i bhfeidhm ón 23 Meán Fómhair 2024.
Tiocfaidh foráil eile i bhfeidhm Déardaoin nuair a bheidh an dlí mar bhonn agus mar thaca ag oibríochtaí ceannaigh tástála a dhéanann Seirbhís Náisiúnta Sláinte Comhshaoil Fheidhmeannacht na Seirbhíse Sláinte (FSS) ar tháirgí tobac agus ar tháirgí ionanálaithe nicitín.
Is éard atá i gceist le hoibríochtaí ceannaigh tástála ná mionaoiseach atá 15 bliana d'aois nó os a chionn ag iarraidh táirgí tobac a cheannach de shárú ar an gcosc ar dhíolacháin le mionaoisigh. Cheadaigh an Ard-Chúirt na hoibríochtaí seo roimhe seo le haghaidh tobac agus ón Déardaoin ar aghaidh, beidh siad sa reachtaíocht maidir le táirgí ionanálaithe tobac agus nicitín araon. Tá sé seo ag teacht le comóradh 20 bliain ó tugadh isteach an cosc ar chaitheamh tobac in ionaid oibre in Éirinn.
Tagann sé sna sála ar thosach feidhme Alt 28 den Acht i mí na Nollag a d'fhág gur cion é táirge ionanálaithe nicitín a dhíol le leanbh.
Dúirt an tAire Donnelly:
"Tabharfaidh an tosach feidhme gnéithe breise dár straitéis fhoriomlán chun nochtadh ár leanaí do chaitheamh tobac agus galtoitín a laghdú. Tá áthas ar leith orm tús a chur leis an gcreat reachtúil le haghaidh ceannacháin tástála mar go léiríonn sé an chaoi a bhfuil cuid dár ndaoine óga féin ag cabhrú le daoine óga eile a chosaint ar thobac agus ar tháirgí ionanálaithe nicitín.
"Agus muid ag comóradh 20 bliain ó tugadh isteach an cosc ar chaitheamh tobac in Éirinn, leanann mo Roinn de bhearta beartais fianaise-bhunaithe a thabhairt isteach a chuidíonn leis an ualach suntasach sláinte a chuireann caitheamh tobac ar ár ndaonra a laghdú.
"Is cúis le deatach athláimhe ailsí, galar croí agus strócanna, agus is dóichí go rachaidh daoine óga a chaitheann galtoitín ar aghaidh chun tobac a chaitheamh, mar sin tá sé ríthábhachtach go dtionscnóimid bearta chun iad a chosaint ó tháirgí andúileacha.
"Tá dul chun cinn mór déanta againn sa réimse seo, ach leanann an obair ar aghaidh agus ba mhaith liom mo thiomantas a athdhearbhú chun ár sprioc d'Éirinn saor ó thobac a bhaint amach."
Dúirt an tAire Stáit atá freagrach as Sláinte Phoiblí, Folláine agus an Straitéis Náisiúnta Drugaí, Hildegarde Naughton:
"Fáiltím roimh na bearta breise seo chun ligean dár bpáistí a saol laethúil a chaitheamh gan a bheith nochta d'fhógraíocht do thoitíní leictreonacha. Táim ag tnúth le bearta breise a chur i bhfeidhm maidir le táirgí ionanálaithe nicitín atá á bhforbairt faoi láthair. Cuideoidh an comhairliúchán poiblí a rinneadh le déanaí maidir le rialáil bhreise galtoitín agus tobac le bonn faisnéise a chur faoi rialáil sas todhchaí, agus é mar aidhm aige sláinte ár ndaonra, agus go háirithe ár ndaoine óga, a chosaint."