Ó An Roinn Airgeadais; Oifig na gCoimisinéirí Ioncaim
Foilsithe
An t-eolas is déanaí
Bunaíodh an Scéim Shealadach Fóirdheontais Tuarastail (SSFT) ar an 26 Márta chun tacú le hinmharthanacht gnólachtaí agus chun an caidreamh idir an fostóir agus an fostaí a chaomhnú, a mhéid agus ab fhéidir, trí chuid de bhille tuarastail an fhostóra a fhóirdheonú in imthosca ina raibh tionchar diúltach ag na srianta a mb’éigean iad a thabhairt isteach chun stop a chur le scaipeadh víreas COVID-19 a fhóirdheonú.
I dteannta le hÍocaíocht Dífhostaíochta na Paindéime (IDP), is beart suntasach é, ainneoin go bhfuil sé sealadach, a tugadh isteach mar iarracht an tionchar diúltach ar an margadh fostaíochta a laghdú i rith tréimhse eisceachtúil, ina raibh 1 mhilliún oibrí, ar a laghad, ag brath ar chineál éigin tacaíochta ioncaim ón Stát.
Go dtí seo, tá breis is 58,300 fostóir cláraithe le haghaidh SSFT agus tá breis is €1.37 billiún íoctha amach, agus tá tacaíocht curtha ar fáil do bhreis is 514,700 fostaí a fuair íocaíocht amháin, ar a laghad.
Mar atá sonraithe sa Treochlár chun an tSochaí agus an Ghnó a Athoscailt, is dócha go mbeidh srianta sláinte poiblí i bhfeidhm i gcás líon suntasach gnóthaí agus fostóirí go dtí Céim 5, arb é an dáta tosaigh atá luaite leis an 10 Lúnasa.
Ag féachaint don tacar socruithe nua atá bunaithe i ndáil le hathoscailt an gheilleagair, mar aon leis an ngá atá leis an riosca go mbeadh ar ghnólachtaí atá inbhuanaithe dúnadh gan ghá, chomhaontaigh an Rialtas, i bhfianaise cúrsaí mar atá i láthair na huaire, go mbeidh SSFT i bhfeidhm go dtí deireadh mhí Lúnasa.
Tá costas suntasach de bhreis is €500 milliún íoctha gach mí go dtí seo luaite leis an scéim. Dá réir sin, leanfar le dlúthmhonatóireacht a dhéanamh ar SSFT sna seachtainí agus sna míonna amach romhainn.
Bhí an méid seo a leanas le rá ag an Aire Airgeadais agus Caiteachais Phoiblí agus Athchóirithe, Paschal Donohoe T.D. inniu:
“Dúirt mé riamh anall nach féidir an tacaíocht seo a chur ar fáil go deo, ach tá mé sásta go bhfuil cinneadh déanta, don am i láthair, leanúint leis an scéim go dtí deireadh mhí Lúnasa. De réir mar a bheidh na srianta sláinte poiblí á maolú sna seachtainí amach romhainn, beidh mé ag súil le laghdú a fheiceáil ar líon na ndaoine a bheidh ag brath ar an scéim i rith an tsamhraidh de réir mar a athosclaíonn an geilleagar agus de réir mar a fhillfidh daoine ar an obair. Déanfar monatóireacht ar an téarnamh geilleagrach seo agus beidh sé mar bhonn le cinneadh a dhéanamh níos faide anonn sa samhradh maidir leis an ngá atá leis an scéim a chur ar fáil nó a mhaolú i ndiaidh mhí Lúnasa."