Ráiteas Straitéise Roinn an Taoisigh

Tacaíonn Roinn an Taoisigh leis an Taoiseach mar Cheannaire an Rialtais agus oibríonn sí le gach Roinn Rialtais chun Clár an Rialtais a chur i bhfeidhm. Baineann gníomhaíochtaí na Roinne le feidhmeanna feidhmiúcháin an Taoisigh agus an Rialtas: Rúnaíocht an Rialtais; Oifig Phríobháideach an Taoisigh; Oifig Phríomh-Aoire an Rialtais; Oifig an Tánaiste, Oifig Cheannaire an Chomhaontais Ghlais agus Oifigí na nAirí Stáit atá sannta don Roinn.

I measc na gcroíghníomhaíochtaí, tá tacú leis an Taoiseach chun tabhairt faoina dhualgais mar Cheannaire an Rialtais maidir leis an Oireachtas, saincheisteanna Bunreachtúla, Prótacal, an Chomhairle Eorpach, an Chomhairle Aireachta Thuaidh/Theas agus Comhairle na Breataine-na hÉireann; Rúnaíocht an Rialtais agus Seirbhís Faisnéise an Rialtais; déileáil le beartas rialtais a chur le chéile agus a chur i bhfeidhm, go príomha tríd an gcóras Coistí Comh-Aireachta; tacú leis na hAirí Stáit atá sannta don Roinn; eolas agus comhairle a sholáthar don Taoiseach ar an réimse iomlán saincheisteanna beartais intíre, AE agus idirnáisiúnta.

Tá a Ráiteas Straitéise á ullmhú ag Roinn an Taoisigh faoi láthair don tréimhse ó 2020 go 2023 agus tugann sí cuireadh do bhaill den phobal agus aon pháirtithe leasmhara ar spéis leo chun a ndearcthaí a sheoladh ar aghaidh mar gheall go lorgaíonn an Roinn chun a spriocanna agus a cuspóirí ardleibhéil, chomh maith leis na straitéisí a úsáidfear chun iad a bhaint amach, a shainiú do na chéad trí bliana eile amach romhainn. Léireofar san obair seo an ról tábhachtach a bheidh ag an Roinn i bpríomhthosaíochtaí náisiúnta sa tréimhse amach romhainn, COVID-19, an Geilleagar, Brexit agus Aonad Oileáin Comhroinnte nua a bhunú san áireamh, a chuireann leis an Ráiteas Straitéise reatha ina leagtar amach na sé thosaíocht straitéiseacha seo a leanas don Roinn:

• Tacaíocht don Taoiseach agus don Rialtas
• Geilleagar Inbhuanaithe
• Sochaí Níos Fearr
• Caidreamh láidir san Eoraip agus ar Domhan
• Brexit
• Pleanáil don Todhchaí

Ba cheart aighneachtaí (is fearr iad a sheoladh ar ríomhphost) a sheoladh faoin 30 Deireadh Fómhair 2020 chuig:

R-phost: strategystatement@taoiseach.gov.ie

nó

“Ráiteas Straitéise 2020-2023” a mharcáil go soiléir orthu agus iad a sheoladh sa phost chuig

Seirbhísí Corparáideacha, Roinn an Taoisigh, Foirgnimh an Rialtais, Baile Átha Cliath 2

Tabhair faoi deara, le do thoil, is féidir gach aighneacht a fhaightear a lorg agus a chur ar fáil faoin Acht um Shaoráil Faisnéise, 2014.