Nollaig Shábháilte

Beidh Éire ag bogadh go dtí Leibhéal 3 Dé Máirt an 1 Nollaig, le roinnt eisceachtaí i bhfeidhm do thréimhse na Nollag.

Déan ceiliúradh ar bhealach sábháilte le linn shéasúr na Nollag – fan slán agus tugaigí aire dá chéile:

• íoslaghdaigh teagmhálacha le daoine
• caith clúdach aghaidhe agus nigh na lámha go rialta
• déan siopadóireacht i mbealach sábháilte, seachain sluaite taobh istigh agus taobh amuigh
• má airíonn tú tinn, ná téigh sa seans – fan sa bhaile agus téigh i dteagmháil le do dhochtúir teaghlaigh
• coinnigh aer úr ag scaipeadh i do theach

• nuair atá siopadóireacht na Nollag á pleanáil agat, tacaigh le do thoil le miondíoltóirí agus gnólachtaí áitiúla. Má airíonn tú tinn ba chóir duit fanacht sa bhaile
• ag an am gnóthach seo den bhliain is féidir leat siopadóireacht a dhéanamh ar líne go fóill nó do chuid earraí a bhailiú nó iad a thabhairt chomh fada leat
• má théann tú amach ag siopadóireacht, cuir éadaí teo ort féin ar fhaitíos go mbeidh ort seasamh i scuaine
• déan iarracht dul ag siopadóireacht le linn uaireanta seachbhuaice agus fan 2 mhéadar ó shiopadóirí eile
• ní mór duit do mhasc a chaitheamh sa siopa ar mhaithe le do shábháilteacht féin agus sábháilteacht siopadóirí eile agus foirne
• déan iarracht an t-achar a chaitheann tú ag siopadóireacht a choinneáil chomh gearr agus is féidir agus cuimhnigh díghalrán lámh a úsáid agus tú ag dul isteach i siopa agus é á fhágáil
• tá tuilleadh treorach ar fáil do ghnólachtaí

Ag cuartaíocht faoi Nollaig

Is cuid thábhachtach den Nollaig dúinn ar fad a bheith ábalta am a chaitheamh lenár dteaghlach, lenár gcairde agus lenár gcomharsana. Ina dhiaidh sin féin, mar is eol dúinn ar fad, beidh rudaí beagán difriúil i mbliana. Mar sin tóg beagán ama chun pleanáil chun cinn, seo roinnt leidí le cuimhneamh cén chaoi ar féidir linn ar fad leanúint á dhéanamh sin, ach ag cinntiú ag an am céanna go gcoinneoidh muid a chéile slán chomh maith.

Cuimhnigh ar na bunriachtanais

• nigh do chuid lámha go minic le gallúnach agus le huisce nó úsáid maothóir lámh alcólbhunaithe mura mbreathnaíonn sé go bhfuil do chuid lámh salach.
• nuair atá tú ag casacht agus ag sraothartach, clúdaigh do bhéal agus do shrón le d’uillinn nó le ciarsúr.
• seachain a bheith ag leagan do lámh ar do shúile, do shrón agus do bhéal.
• léigh treoir iomlán ar cén chaoi tú féin a chosaint

Taobh amuigh nuair is féidir

• nuair atá tú ag caitheamh am le cairde agus le do theaghlach le linn shéasúr na Nollag, déan iarracht é a chaitheamh taobh amuigh nuair is féidir
• tá sé níos sábháilte éadaí teo a chur ort agus taitneamh a bhaint as comhluadar daoine eile in áiteanna taobh amuigh seachas taobh istigh

Ag tabhairt cuairt ar chlann, cairde agus comharsana soghonta

• caith masc nuair atá tú ag casadh le daoine soghonta agus leo siúd a bhfuil bunghalair orthu
• má tá tú taobh istigh, déan cinnte nuair is féidir go bhfuil an áit aeraithe go maith
• cuir teorann leis an méid ama a chaitheann sibh le chéile
• déan cinnte go bhfuil na daoine sin compordach go bhfuil tú chun cuairt a thabhairt orthu sula dtéann tú chomh fada lena ndoras

• díghalraigh do chuid lámh nuair a théann tú isteach agus ar fhágáil duit
• caith do mhasc aghaidhe taobh istigh agus nuair atá tú ag gluaiseacht timpeall an fhoirgnimh
• tabhair sonraí d’fhonn rianú teagmhálacha a éascú
• Tá tuilleadh eolais ag Fáilte Ireland

Pleanáil chun cinn

• pleanáil cén chaoi a gcaithfidh tú do Lá Nollag agus cé leis/léi a mbeidh tú i dteagmháil
• coinnigh do liosta aíonna gearr agus déan iarracht a chinntiú go ndéanann tú do dhlúththeagmhálaithe a theorannú sna laethanta agus sna seachtaine roimh ré
• cuimhnigh – comhaireann gach teagmhálaí!

Ar theacht na n-aíonna

• déan iarracht aíonna a spreagadh díghalrán a úsáid nó a gcuid lámh a ní nuair a thagann siad isteach i do theach nó déan amhlaidh nuair a thagann tú chomh fada le teach duine éigin eile

Dean teagmháil a theorannú

• déan iarracht barróga, póga agus croitheadh lámh a sheachaint agus daoine ag teacht isteach
• ná roinn soithí ná gloiní
• seachain bia a roinnt agus bia a bheith leagtha amach mar stíl buifé

Tabhair beagán áit bhreise

• déan iarracht spás breise a bheith ag an mbord dinnéir
• Cinnteoidh spás breise idir áiteanna ag an mbord go bhfuil gach duine compordach agus go bhfanfaidh siad slán
• ba chóir go suíodh daoine ón teaghlach céanna le chéile

Sa chistin

• cuimhnigh masc a chaitheamh nuair atá tú ag cócaireacht agus ag tabhairt bia chun boird
• cuir teorainn leis an méid daoine atá sa chistin

Aer úr

• coinnigh do theach agus na háiteanna a bhfuil daoine ag bailiú aeráilte
• coinnigh fuinneoga agus doirse oscailte nuair is féidir
• déan iarracht dul ar shiúlóid nó caith am amuigh faoin aer