Ceapacháin chun na Cúirte Uachtaraí agus na hArd-Chúirte - 2 Samhain 2022
- Foilsithe: 2 Samhain 2022
- An t-eolas is déanaí: 12 Aibreán 2025
Ag a chruinniú inniu, chomhaontaigh an rialtas an Breitheamh Onórach Maurice Collins a ainmniú mar ghnáthbhreitheamh na Cúirte Uachtaraí agus an Breitheamh Onórach Melanie Greally mar ghnáthbhreitheamh na hArd-Chúirte lena gceapadh ag Uachtarán na hÉireann.
Tháinig folúntas sa Chúirt Uachtarach chun cinn i ndiaidh don Bhreitheamh Onórach Frank Clarke éirí as an 10 Deireadh Fómhair 2021.
Tháinig folúntas san Ard-Chúirt chun cinn i ndiaidh don Bhreitheamh Onórach Nuala Butler a bheith ceaptha chuig an gCúirt Achomhairc an 17 Deireadh Fómhair 2021.
Tá na bearta is gá déanta ag an rialtas chun comhairle fhoirmeálta a chur ar an Uachtarán Higgins maidir le hainmniúcháin i gcomhréir leis an gcleachtas bunreachtúil.
Nótaí
I gcomhréir le hairteagal 13.9 agus le hairteagal 35.1 den Bhunreacht, déanann an tUachtarán na ceapacháin ag gníomhú ar chomhairle ón rialtas.
Mionsonraí teoranta beathaisnéiseacha
An Breitheamh Onórach Maurice Collins
- fuair sé a chuid oideachais i gColáiste na hOllscoile, Corcaigh agus in Óstaí an Rí
- chuaigh sé isteach chuig an mBarra in 1989
- chuaigh sé chuig Barra na Sinsear in 2003
- ceapadh chuig an gCúirt Achomhairc é i mí Dheireadh Fómhair 2019
- ceapadh mar Choimisinéir páirtaimseartha an Choimisiúin Athchóirithe Dlí é i mí Dheireadh Fómhair 2020
An Breitheamh Onórach Melanie Greally
- fuair sí a cuid oideachais i gColáiste na hOllscoile, Baile Átha Cliath agus in Óstaí an Rí
- chuaigh sí isteach chuig an mBarra in 1991
- ceapadh í chuig an gCúirt Chuarda i mí na Samhna 2014
- sannadh í chuig Cúirt Chuarda Bhaile Átha Cliath i mí Iúil 2015