Polasaí maidir leis na Meáin Shóisialta

Cuireann na cuntais meán sóisialta atá á mbainistiú ag Roinn an Taoisigh nuacht, an t-eolas is déanaí agus faisnéis ar fáil don phobal maidir le hobair Rialtas na hÉireann.

Is baill foirne atá mar chuid de Sheirbhís Faisnéise an Rialtais (GIS) i Roinn an Taoisigh a bhainistíonn na cuntais meán sóisialta.

Déanann ranna aonair cuntais meán sóisialta a bhainistiú freisin; tá na sonraí ar fáil anseo: https://www.gov.ie/en/departments/.

Déanaimidne na cuntais seo a leanas a bhainistiú faoi láthair:

Clúdaíonn ár gcuntais meán sóisialta cumarsáid ón Rialtas, lena n-áirítear ach gan a bheith teoranta dóibh seo a leanas:

• Nuacht agus eolas a bhaineann leis an méid atá ar bun ag an Taoiseach, ag Airí, ag Airí Stáit, ag Ranna Rialtais, agus ag gníomhaireachtaí/comhlachtaí san earnáil phoiblí.
• Cumarsáid maidir le feachtais faisnéise an Rialtais.
• Eolas faoi imeachtaí, beoshruthú agus postáil bheo ó imeachtaí agus ó phreasagallaimh.

Déanaimid nuashonrú agus monatóireacht ar ár gcuntais meán sóisialta le linn gnáthuaireanta oifige ó Luan go hAoine. Féadfaimid na cuntais a nuashonrú agus monatóireacht a dhéanamh orthu freisin lasmuigh de na huaireanta seo dár rogha féin.

Nuair is féidir, freagróimid iarratais ar fhaisnéis. Mar sin féin, d’fhéadfadh sé nach mbeimis in ann freagra ar leith a thabhairt ar gach teachtaireacht a fhaighimid ar na cuntais meán sóisialta atá againn. Ná bíodh faisnéis phearsanta/phríobháideach in aon teachtaireacht a sheoltar chugainn.

Is tuairimí daoine aonair iad na tuairimí a fhoilsítear ar ár bpostálacha agus ní hionann iad agus tuairimí Roinn an Taoisigh ná an Rialtais. D’fhéadfaí leantóirí a bhlocáil agus a thuairisciú go díreach chuig rannóg gearán ábhartha an ardáin mar thoradh ar phostálacha nó tráchtanna maslacha nó turscair.

Cé go bhfáiltímid roimh thuairimí agus roimh rannpháirtíocht trínár n-ardáin, ní ghlacaimid aon fhreagracht as ábhar aon tuairime agus forchoimeádaimid an ceart tuairimí a bhaint anuas:

• Ina bhfuil teanga mhaslach, gháirsiúil, mhígheanasach nó ghránna, nó nasc chuig ábhar gáirsiúil nó gránna.
• Nach bhfuil ábhartha i dtaobh na míre a postáladh.
• Ar turscar iad nó a bhfuil táirgí á gcur chun cinn nó á bhfógairt iontu.
• A bhfuil sé i gceist leo a bheith ina gcrá croí ag riarthóir an leathanaigh nó ag úsáideoirí eile.

Níor cheart a mheas go bhfuiltear ag tacú le hábhar nuair a dhéantar is maith liom ar phostálacha ná nuair a dhéantar iad a athphostáil, a roinnt (etc) ar ár gcuid ardán.

D'fhéadfadh ábhar atá le feiceáil ar ár gcainéil meán sóisialta a bheith faoi réir cóipchirt, de réir an Achta Cóipchirt agus Ceart Gaolmhar, 2000 (arna leasú). Sa chás go bhfuil an t-ábhar seo á eisiúint do dhaoine eile, ní mór aitheantas a thabhairt don fhoinse (URL san áireamh) agus don stádas cóipchirt.

Níl ár n-ardáin meán sóisialta beartaithe a bheith ina mbealach chun teagmháil dhíreach a dhéanamh leis an Taoiseach nó chun ceisteanna preasa nó ceisteanna ginearálta faoi obair na Roinne nó an rialtais a chur faoi bhráid.

Tá eolas teagmhála don Taoiseach, do phreasoifig an Rialtais agus do cheisteanna ginearálta le fáil ar https://www.gov.ie/taoiseach.