Cruinniú faisnéise ag an Taoiseach le hAirí Rialtais ar Thionscadal Éireann 2040 in OÉ Gaillimh
- Foilsithe: 12 Aibreán 2018
- An t-eolas is déanaí: 24 Deireadh Fómhair 2018
Is éard atá i dTionscadal Éireann 2040 ná plean an Rialtais de luach €116bn chun Éire a athshamhlú agus a ullmhú le haghaidh sochaí do thodhchaí ina mbeidh milliún duine breise inti agus 660,000 duine breise amuigh ag obair. I dTionscadal Éireann 2040 déantar pleanáil agus infheistíocht a nascadh don chéad uair, agus, le 50% den fhás daonra réamh-mheasta atá beartaithe do bhailte, do shráidbhailte agus do cheantair thuaithe, agus déantar infheistíocht tuaithe agus uirbeach a chothromú.
Ag labhairt ag OÉ Gaillimh, dúirt an Taoiseach:
“Tá an-áthas orm a bheith anseo in OÉ Gaillimh inniu chun labhairt leat faoin Tionscadal Éireann 2040 agus an méid a bheidh ann duitse sa phlean seo. Is plean é Tionscadal Éireann 2040 a dhéanfaidh difear dár saoránaigh go léir sna blianta amach romhainn, is plean é don tír uile, ceann d’infheistíocht tuaithe agus uirbeach chothromaithe, agus ceann atá beartaithe chun muid a ullmhú i gcomhair na ndúshlán, ar nós an Bhreatimeachta, agus go deimhin na deiseanna a chuirfidh iad féin i láthair sna blianta atá le teacht. “
I dTionscadal Éireann 2040, aithnítear an tábhacht atá ag baint le Gaillimh agus le hiarthar na hÉireann maidir le pleanáil le haghaidh todhchaí na tíre agus maidir le fás réigiúnach cothrom a chinntiú. Beidh ról ríthábhachtach fós ag Cathair na Gaillimhe sa réigiún, le béim níos mó ar chur chuige níos dlúithe maidir le forbairt, cur chuige a bheidh dírithe ar iompar poiblí chomh maith.
Príomhbhearta i dTionscadal Éireann 2040 don réigiún
I measc na bpríomhbhearta i dTionscadal Éireann 2040 don réigiún tá:
Tacaíocht do thionscadail cosúil leis na pleananna d'Athghiniúint Chathair na Gaillimhe.
Tá tionscadail iompair beartaithe chun ár gcathracha agus ár réigiúin a nascadh, tionscadail cosúil leis an gcuarbhóthar atá beartaithe do Ghaillimh, seachbhóthar Mhaigh Cuilinn agus infheistíocht de €200 milliún sa chlár BusConnects i nGaillimh.
Is tosaíocht i dTionscadal Éireann 2040 í infheistíocht san ardoideachas, ag tacú le tionscadail in Iarthar na hÉireann, lena n-áirítear árais chónaithe nua do mhic léinn in Ollscoil na hÉireann, Gaillimh, foirgneamh STEM nua in Institiúid Teicneolaíochta na Gaillimhe-Mhaigh Eo, agus an bunú de Chomhaontas Chonnacht Ulaidh lena gcuimseofar Institiúid Teicneolaíochta na Gaillimhe-Mhaigh Eo, Institiúid Teicneolaíochta Shligigh agus Institiúid Teicneolaíochta Leitir Ceanainn.
Áirítear leis an infheistíocht i gcúram sláinte don réigiún áiseanna nua ospidéil tiomanta a bheidh siúlach agus roghnach amháin do Ghaillimh agus forbairt de Rannóg Éigeandála na Gaillimhe agus bloc barda.
I dTionscadal Éireann 2040, aithnítear an tábhacht a bhaineann le hinfheistíocht a dhéanamh inár gcultúr agus san oidhreacht, le tacaíocht de €15m tiomanta go teoiriciúil do Ghaillimh Chathair Chultúr na hEorpa 2020 agus infheistíocht i bPáirc na Cúile agus i bPáirc Náisiúnta Chonamara.
Cistí chun Athnuachan agus Infheistíocht a spreagadh
Ceithre chiste nua chun athnuachan agus infheistíocht a spreagadh i gceantair thuaithe agus uirbeacha, sa timpeallacht agus sa nuálaíocht ó chuid de Thionscadal Éireann 2040:
- Ciste um Athghiniúint Uirbeach agus Forbartha de €2bn.
- Ciste Forbartha Tuaithe de €1bn
- Ciste um Ghníomhú ar son na hAeráide de €500m
- Ciste um Theicneolaíochtaí Bunathraitheacha de €500m
Le haghaidh mionsonraí a fháil maidir leis an méid a bheidh ann duitse le Tionscadal Éireann, féach: http://www.gov.ie/2040