Tuarascáil NESC - Dlús a Chur faoin Aistriú chuig Córas Fuinnimh In-athnuaite

Cuireann an Rialtas fáilte roimh fhoilsiú thuarascáil NESC maidir le Dlús a Chur faoin Aistriú chuig Córas Fuinnimh In-athnuaite. Is í an tuarascáil nua seo ón gComhairle Náisiúnta Eacnamaíoch agus Sóisialach an ceathrú ceann i sraith maidir le hábhar an bheartais fuinnimh atá le foilsiú in 2025.

Éilíonn an tuarascáil seo Creat Fuinnimh Tras-Rialtais chun aghaidh a thabhairt ar an aistriú sa leictreachas, teas agus iompar. Is í sprioc an Chreata í córas fuinnimh atá comhtháite inbhuanaithe ina bhfuil tacú do chuspóirí sóisialta fad a léirítear urraim do theorainneacha pláinéadacha ag an am céanna. Ba cheart go dtiocfadh sé le pleananna atá ann cheana féin chomh maith, lena n-áirítear an Plean Gníomhaithe ar son na hAeráide.

Tarraingítear aird sa tuarascáil freisin ar an ngá atá le tuilleadh forbartha a dhéanamh ar phleanáil spásúil agus ar thosaíocht a thabhairt do naisc eangaí le haghaidh éileamh agus soláthar fuinnimh mar ghiaráil chun córas fuinnimh inbhuanaithe a bhaint amach. Suitear inti go dteastaíonn tuilleadh fócais ó athléimneacht na dteaghlach, na bpobal agus FBManna. Údar imní níos mó atá ann do theaghlaigh athléimneacht a bhaint amach i ndiaidh Stoirm Éowyn agus d’fhéadfadh sé sin a bheith ina chúis le hathrú.

Tugann cúig mholadh i dtuarascáil NESC don Rialtas, mar a leanas:

• Creat Fuinnimh Tras-Rialtais a chruthú chun tacú le comhleanúnachas le linn an aistrithe
• Bheith níos uaillmhianaí le pleananna do Pháirceanna Tionsclaíocha Fuinnimh Ghlais chun tairbhí níos leithne a dhearadh, lena n-áirítear don phobal áitiúil
• Tús a chur le staidéar maidir le hacmhainneacht na bainistíochta um éileamh fuinnimh ar fud earnálacha éagsúla chun cuidiú le spriocanna aistrithe fuinnimh a bhaint amach
• Tabhairt faoi iarracht níos leithne maidir le litearthacht fuinnimh agus rannpháirtíocht phoiblí san aistriú fuinnimh
• Tuilleadh béime a leagan ar athléimneacht fuinnimh na dteaghlach, na ngnólachtaí agus na bpobal agus an cumas atá acu chun déileáil le héarthaí seirbhíse, iad siúd atá i gceantair iargúlta ach go háirithe.

Bhí athbhreithniú litríochta fairsing, anailísiú ar bheartas, anailísiú ar shonraí agus ceardlanna agus comhairliúcháin rannpháirtíocha le breis agus 50 páirtí leasmhar san áireamh le fiosrúchán NESC. Is féidir an tuarascáil agus tuilleadh sonraí a aimsiú ag www.nesc.ie.