Ráiteas ón Taoiseach Simon Harris

Chuir an tAire Eamon Ryan in iúl dom inné go bhfuil sé socraithe aige éirí as a cheannaireacht ar an gComhaontas Glas.

Is polaiteoir é Eamon a bhfuil an-ardmheas air agus ba mhaith liom ómós a léiriú dó féin agus dá theaghlach as gach a bhfuil déanta acu do pholaitíocht na hÉireann trína cheannaireacht ar an gComhaontas Glas. Tá meas agam ar a chinneadh agus tuigim é.

Is duine dílis, paiseanta agus macánta ó nádúr é Eamon a chuireann na tréithe céanna sin i bhfeidhm ar an bpolaitíocht.

Is faoi chomhaltaí agus rialacha an Chomhaontais Ghlais atá sé anois cinneadh a dhéanamh maidir le ceannaireacht an pháirtí.

Leanann obair an Rialtais ar aghaidh agus leanfar den Chlár Rialtais idir na trí pháirtí comhghuaillíochta a chur i bhfeidhm.

Tá go leor oibre le déanamh againn.

CRÍOCH