Ráiteas ón Taoiseach Simon Harris faoi vóta an Iosrael ar UNRWA

Cáinim go tréan ritheadh na reachtaíochta in Knesset Iosrael a chuireann cosc ar theagmháil idir Stát Iosrael agus UNRWA.

Má chuirtear i bhfeidhm í, beidh sé dodhéanta don UNRWA a ról ríthábhachtach a chomhlíonadh ar fud an réigiúin, lena n-áirítear ag tabhairt cabhrach daonnúla do dhaoine a bhfuil géarghá leo.

Sáraíonn sé oibleagáidí Iosrael faoin dlí idirnáisiúnta. Sábhálann UNRWA beatha. Muna bhfuil sé in ann a mhisean a chur i gcrích, caillfear daoine a mbeatha.

Oibríonn an UNRWA ar shainordú a thugann na Náisiúin Aontaithe dó. Ba chóir do gach ballstát an reachtaíocht a cháineadh, glaoigh ar Iosrael í a aisghairm láithreach agus a dtacaíocht do UNRWA agus do mhuintir na Palaistíne a mhéadú faoi dhó.

CRÍOCH