Ráiteas an Rialtais maidir le hAinmniúcháin do Bhall den Coimisiún Eorpach

Arna eisiúint ag Preasoifig an Rialtais

I ndiaidh cruinnithe neamhchorpartha den Rialtas, scríobh an Taoiseach inniu chuig Uachtarán an Choimisiúin Eorpaigh, Ursula von der Leyen, le Mairead McGuinness, Uas., atá faoi láthair ina Leas-Uachtarán ar Pharlaimint na hEorpa agus Andrew McDowell, Uas., a bhí ina Leas-Uachtarán ar an mBanc Eorpach Infheistíochta go dtí le déanaí, a mholadh d’ainmniúchán mar Bhall den Choimisiún Eorpach.

Creideann an Rialtas gur iarrthóirí den scoth iad an bheirt acu, a bhfuil an inniúlacht, neamhspleáchas agus tiomantas Eorpach acu atá riachtanach le freastal i ról an Choimisinéara le gradam.

I gcomhréir le forálacha na gConarthaí Eorpacha, rachaidh an tUachtarán von der Leyen i gcomhairle anois le Parlaimint na hEorpa sula gceapfaidh an Chomhairle Coimisinéir nua, i gcomhaontú le hUachtarán an Choimisiúin.

Is faoin Uachtarán von der Leyen freisin atá sé róil laistigh den Choimisiún a shannadh. Mar sin féin, creideann an Rialtas go daingean gur léirigh an bheirt iarrthóirí go bhfuil an taithí, na scileanna agus an cumas acu freastal agus a gcion a dhéanamh sna róil is dúshlánaí.

Críoch