Ráiteas an Taoisigh Micheál Martin faoi bhás Sheáin Barrett

Is cúis mhór bróin dom bás Sheáin Barrett.

Thug Seán seirbhís den chéad scoth don Stát – mar Phríomh-Aoire, mar Cheann Comhairle, agus mar Aire.

Chreid sé go paiseanta sa daonlathas parlaiminteach. Ceann Comhairle an-chóir ab ea é agus Aire inniúil, cumasach ab ea é.

Fear uasal go smior a bhí ann. Bhain mé sult as a chuideachta i nDáil Éireann – réitíomar go maith lena chéile i gcónaí.

Mo chomhbhrón ó chroí lena bhean chéile Sheila, lena chlann agus lena chairde ag an am seo.

Ar dheis Dé go raibh a anam.