Ráiteas faoin gCruinniú Aireachta ar na tuilte le déanaí
- Foilsithe: 3 Feabhra 2026
- An t-eolas is déanaí: 6 Feabhra 2026
Bhí cruinniú d’Airí sinsearacha ag an Taoiseach, an Tánaiste agus an tAire Stáit Seán Canney tráthnóna chun an fhreagairt leanúnach ar imeachtaí na haimsire agus na tuilte le déanaí a phlé.
Chuala an cruinniú go leanfaidh an drochaimsir ar aghaidh i rith na seachtaine agus isteach sa deireadh seachtaine.
Tugadh sonraí suas-chun-dáta ar an bhfreagairt éigeandála, scéimeanna tacaíochta daonnúla, agus bearta chun tacú le pobail atá i mbaol breis tuilte.
Chuir an tAire Stáit Kevin Boxer Moran in iúl don chruinniú gur iarr sé ar údaráis áitiúla bearta eatramhachta a aithint chun aghaidh a thabhairt ar na dúshláin láithreacha atá os comhair an phobail.
Dúirt an tAire go bhfuil 100 scéim faoisimh tuilte ar bun ach go bhfuil gá le réitigh eatramhacha.
Ag an gcruinniú, pléadh go raibh gá le struchtúr buan ar fud an Rialtais chun na hathchóirithe atá riachtanach a chur chun cinn chun freagairt chuimsitheach ar imeachtaí na ndrochaimsire a bhaint amach.
D’aontaigh na ceannairí go mbuailfidís le chéile arís sna laethanta atá le teacht.
Críoch.