Tá an Taoiseach chun cuairt a thabhairt ar Ollscoil Cambridge
- Foilsithe: 30 Márta 2026
- An t-eolas is déanaí: 30 Márta 2026
Tabharfaidh an Taoiseach Micheál Martin cuairt ar Ollscoil Cambridge inniu (20 Feabhra) agus tabharfaidh sé caint ag Coláiste na Tríonóide chun bunú bhuan-Chathaoir maidir le Stair na hÉireann ag an Ollscoil a chomóradh.
Cathaoir Childers an t-ainm a thabharfar ar an Ollúnacht, arna hainmniú in onóir an iar-uachtaráin Erskine Childers agus a athair Robert Erskine Childers - alumnas de chuid Ollscoil Cambridge agus daoine suntasacha i stair na hÉireann an bheirt acu.
Maoiníodh an Chathaoir Childers le maoiniú aonuaire arbh fhiú €4.3 milliún é ó Chiste Athmhuintearais an Rialtais. Is é is aidhm don Chiste Athmhuintearais caidreamh níos fearr a chothú laistigh agus idir traidisiúin i dTuaisceart Éireann, idir Thuaidh agus Theas, agus idir Éire agus an Bhreatain Mhór.
Ag labhairt dó sular imigh sé go Londain, dúirt an Taoiseach Micheál Martin:
“Tá lúcháir orm a bheith in Cambridge inniu chun bunú Chathaoir Childers maidir le Stair na hÉireann a chomóradh i gColáiste na Tríonóide Cambridge.
“Treiseoidh agus saibhreoidh an Chathaoir nua seo scoláireacht agus cuirfidh sí le tuiscint níos fearr ar startha polaitiúla, eacnamaíocha agus sóisialta casta agus idirnasctha na hÉireann agus na Breataine, agus an chaoi ar cheangail na startha seo chun an dá thír againn mar aon leis an gcaidreamh éabhlóideach eadrainn a mhúnlú."
ENDS