Príomhoifigeach, Gníomhú ar son na hAeráide

Tacaíonn an tAonad um Ghníomhú ar son na hAeráide leis an Taoiseach agus an Rialtas chun troid i gcoinne an athraithe aeráide, maoirseacht a dhéanamh ar fhorbairt agus soláthar beartais fuinnimh agus comhshaoil agus athrú na hÉireann go geilleagar agus sochaí ísealcharbóin, acmhainneach ó thaobh na haeráide de, éifeachtúil ó thaobh acmhainní de agus inbhuanaithe ó thaobh an chomhshaoil de, ar aon dul le gealltanais dhlíthiúla ag an leibhéal náisiúnta agus AE. Baineann obair an Aonaid le soláthar beartais thrasghearrtha a chomhordú agus tacú leis agus bacainní ar chur chun feidhme a bhaint. Áirítear lena fheidhmeanna monatóireacht a dhéanamh ar Phlean Gníomhaithe ar son na hAeráide de chuid an Rialtais agus é a chur chun feidhme agus tacú le Coiste na Comh-aireachta ar an Aeráid, Fuinneamh agus Pleanáil Éigeandála agus Coiste na Comh-aireachta ar Cháilíocht an Uisce, in éineacht le raon Grúpaí Oifigeach Sinsearach gaolmhara.