Seirbhís
Bí i do Chomhlacht Ceadaithe Tithíochta
Ó An Roinn Tithíochta, Rialtais Áitúil agus Oidhreachta
Foilsithe
An t-eolas is déanaí
Is eagraíochtaí neamhspleácha neamhbhrabúis iad Comhlachtaí Ceadaithe Tithíochta (AHBanna) a sholáthraíonn tithíocht ar cíos inacmhainne do dhaoine nach bhfuil in acmhainn cíos a íoc nó a dtithe féin a cheannach; nó do ghrúpaí áirithe, mar shampla daoine aosta nó daoine gan dídean.
Cuimsíonn AHBanna comharchumainn tithíochta, atá á rialú ag a mbaill/a dtionóntaí a ghlacann páirt ghníomhach i socrú a gcuid beartas agus cinntí a dhéanamh.
Ó luath in 2022, glacfaidh Údarás Rialála na gComhlachtaí Ceadaithe Tithíochta (AHBRA) le hiarratais ar chlárú ó eagraíochtaí nua a chomhlíonann na critéir incháilitheachta. Féach tuilleadh faisnéise ar an AHBRA .
Tá iarratais chuig an Roinn ar stádas ceadaithe do chomhlachtaí nua nach bhfuil aonaid acu, á gcur ar fionraí ón 7 Bealtaine 2021.
In imthosca áirithe, féadfar iarratais nua a éascú do chomhlachtaí a bhfuil aonaid acu cheana féin, lena n-áirítear AHBanna atá ann cheana féin ar mian leo aonán dlíthiúil nua a chumasc agus a chruthú. Má cheapann tú go bhféadfadh d’eagraíocht cáiliú faoi na cúinsí seo agus más mian leat d’iarratas a phlé, déan teagmháil le:
Rannóg Beartais agus Rialála AHB
Seoladh:
An Roinn Tithíochta, Rialtas Áitiúil agus Oidhreachta, Bóthar an Bhaile Nua, Loch Garman, Y35 AP90
Ríomhphost:
Tugann Alt 6 (6) (e) d'Acht na dTithe (Forálacha Ilghnéitheacha), 1992 cumhacht don Aire stádas ceadaithe a tharraingt siar.
Ba cheart do AHBanna ar mian leo iarratas a dhéanamh chuig an Aire a stádas a chealú na breithnithe seo a leanas a thabhairt ar aird:
- má tá maoin ag d’eagraíocht le tionóntachtaí gníomhacha tithíochta sóisialta nó má tá sí ag fáil cúnaimh ó údarás áitiúil de réir Alt 6 d'Acht na dTithe (Forálacha Ilghnéitheacha) 1992 ansin ní bheifear in ann stádas ceadaithe a chealú go dtí go n-aistreofar na maoine seo chuig comhlacht iomchuí. Téigh i dteagmháil leis an Roinn le do thoil má theastaíonn tuilleadh faisnéise uait maidir leis seo.
- má chealaítear stádas ceadaithe, ansin ní bheidh an eagraíocht i dteideal cúnaimh a thuilleadh de réir Alt 6 d'Acht na dTithe (Forálacha Ilghnéitheacha) 1992.
- tá sé tábhachtach a thabhairt ar aird, má chuirtear stádas ar ceal, go gceadaíonn Acht na dTithe (Comhlachtaí Tithíochta Ceadaithe a Rialáil) 2019 d’eagraíocht iarratas a dhéanamh ar stádas AHB, má thagann an riachtanas chun cinn, sa todhchaí, faoi réir critéar incháilitheachta
Más mian leat iarratas a dhéanamh ar stádas AHB a chealú comhlánaigh an fhoirm iarratais agus seol ar ais chuig:
Rannóg Beartais agus Rialála AHB
Seoladh:
An Roinn Tithíochta, Rialtas Áitiúil agus Oidhreachta, Bóthar an Bhaile Nua, Loch Garman, Y35 AP90
Ríomhphost:
