Seirbhís
Tús (tionscnamh pobail um shocrúcháin oibre)
Foilsithe
An t-eolas is déanaí
Foilsithe
An t-eolas is déanaí
Scéim um shocrúcháin oibre don phobal is ea an tionscnamh Tús a chuireann deiseanna gearrthéarmacha oibre ar fáil do dhaoine dífhostaithe. Is chun tairbhe an phobail na deiseanna oibre agus is iad eagraíochtaí pobail agus deonacha i gceantair uirbeacha agus tuaithe araon a chuireann na deiseanna oibre ar fáil.
Tá tionscnamh Tús á bhainistiú ag Comhlachtaí Forfheidhmithe (IB) ar a dtugtaí Cuideachtaí Forbartha Áitiúla agus Údarás na Gaeltachta don Roinn Coimirce Sóisialaí, a bhfuil freagracht iomlán orthu as an scéim. Oibríonn na rannpháirtithe ar feadh 19 ½ uair in aghaidh na seachtaine agus maireann an socrúchán 12 mhí.
Tá an obair ar fad a dhéanann rannpháirtithe ar an Tús bunaithe sa phobal.
D’fhéadfadh na nithe seo a leanas a bheith i measc na gcineálacha tionscadal atá incháilithe don scéim:
Ar mhaithe le cáiliú do Tús, ní mór duit a bheith:
Déanfar daoine dífhostaithe atá cáilithe le haghaidh na scéime a aithint agus déanfaidh a nIonad Intreo áitiúil nó a nOifig Brainse Leasa Shóisialaigh áitiúil teagmháil leo agus tairgfear deis dóibh páirt a ghlacadh sa scéim. Ó mhí na Bealtaine 2015, féadfar roinnt áiteanna Tús a thabhairt do rannpháirtithe féideartha, áfach, má chuireann siad iad féin chun cinn d'áit ar leith.
Má thoilíonn tú páirt a ghlacadh i dTús cuirfear ar aghaidh thú chuig do Chomhlachtaí Forfheidhmithe (IB) ar a dtugtaí Cuideachta Forbartha Áitiúil nó Údarás na Gaeltachta roimhe seo, áit a earcófar thú do shocrúchán oiriúnach nuair a bheidh sé ar fáil.
Ós rud é nach bhfuil ach líon teoranta áiteanna sa scéim, ní dhéanfar teagmháil le gach duine dífhostaithe atá cáilithe.
Is é an íocaíocht íosta sheachtainiúil do rannpháirtithe (bunaithe ar 19.5 uair a bheith déanta) ná €259.50.
Más é an Liúntas Cuardaitheora Poist a fhaigheann tú ar deireadh (aon arduithe do chleithiúnaithe san áireamh) ná €232 sa tseachtain nó níos lú, gheobhaidh tú íosíocaíocht Tús de €259.50 in aghaidh na seachtaine, (is é sin €232 móide €27.50).
Más é an Liúntas Cuardaitheora Poist a fhaigheann tú ar deireadh go seachtainiúil (aon arduithe do chleithiúnaithe san áireamh) ná €232.01 nó níos mó, gheobhaidh tú an ráta coibhéiseach móide €27.50 ansin (tá roinnt eisceachtaí ina leith seo).
Coinneoidh rannpháirtithe sochair bhreise agus cárta leighis fad is go bhfuil siad cáilithe go fóill.
De ghnáth, níl aon phróiseas iarratais ann do dhaoine dífhostaithe atá cáilithe le haghaidh na scéime seo. Roghnófar rannpháirtithe ionchasacha agus rachaidh a nIonad Intreo áitiúil nó Oifig Brainse Leasa Shóisialaigh i dteagmháil leo.
Ba cheart do rannpháirtithe iad féin a chur chun cinn chuig d’Ionad Intreo nó d’Oifig Bhrainse Leasa Shóisialaigh.
Ba chóir d’eagraíochtaí pobail agus deonacha ar spéis leo deiseanna socrúcháin oibre Tús a chur ar fáil clárú lena gcomhlacht forbartha áitiúil nó lena n-oifig Údarás na Gaeltachta.
Is éard atá i gceist le treoirlínte oibríochtúla ná na próisis agus na nósanna imeachta a leanann baill foirne sa roinn nuair atá a gcuid oibre ar bun acu.