Seirbhís
Ag taisteal isteach in Éirinn ó Thíortha Schengen le támhshuanaigh agus/nó substaintí síceatrópacha forordaithe
Foilsithe
An t-eolas is déanaí
Foilsithe
An t-eolas is déanaí
Tugtar Limistéar Schengen ar réigiún na hEorpa ina ndéantar taisteal gan teorainn idir ballstáit.
Faoi Airteagal 75 de Acquis Schengen, maidir le gluaiseacht taistealaithe chuig críocha na bPáirtithe Conarthacha nó lena ngluaiseacht laistigh de na críocha seo, is féidir daoine na támhshuanaigh agus/nó na substaintí síceatrópacha a iompar a theastaíonn óna gcóir leighis chomh fada agus go soláthraíonn siad deimhniú ag aon seiceáil a d’eisigh nó a d’fhíordheimhnigh údarás inniúil don Stát ina gcónaíonn siad.
Ní ball iomlán í Éire de Limistéar Schengen, a chiallaíonn, má thaistealaíonn tú go hÉirinn ó Limistéar Schengen, tá ort do phas a thaispeáint. Ón 1 Aibreán 2023, áfach, is riachtanas é go mbíonn Deimhniú Schengen Airteagal 75 ag cónaitheoirí Schengen do thámhshuanaigh agus/nó substaintí síceatrópacha forordaithe nuair a iontrálann siad Éire má bhíonn siad ag taisteal ó thír i Limistéar Schengen.
Tugtar 27 stát Eorpach le chéile i Limistéar Schengen ina gceadaítear saorghluaiseacht daoine i measc na dtíortha seo a leanas: An Ghearmáin, an Ostair, an Bheilg, an Chróit, an Danmhairg, an Spáinn, an Eastóin, an Fhionlainn, an Fhrainc, an Ghréig, an Ungáir, an Íoslainn, an Iodáil, an Laitvia, Lichtinstéin, an Liotuáin, Lucsamburg, Málta, an Iorua, an Ísiltír, an Pholainn, an Phortaingéil, Poblacht na Seice, an tSlóvaic, an tSlóivéin, an tSualainn agus an Eilvéis.
Níl na tíortha eile seo a leanas de chuid an Aontais Eorpaigh mar chuid de Limistéar Schengen: An Bhulgáir, an Chróit, an Chipir, an Rómáin.
Níl an Ríocht Aontaithe mar chuid de Limistéar Schengen.
Tá drugaí in go leor cógais fhorordaithe a rialaítear go hidirnáisiúnta. Caithfidh cónaitheoirí Schengen atá ag taisteal laistigh den limistéar a dtámhshuanaigh agus/nó substaintí síceatrópacha forordaithe a bheith ar an eolas ar riachtanais maidir le drugaí rialaithe ina dtír chinn scríbe sula bhfágtar ar a dturas.
Má bheartaíonn tú taisteal idir tíortha Schengen, is féidir leat a mhéid le soláthar 30 lá, ar a mhéid, de do thámhshuanaigh agus/nó do shubstaintí síceatrópacha forordaithe a thabhairt leat agus caithfidh Deimhniú Airteagal 75 Schengen gabháil leo atá stampáilte ag údarás inniúil i do thír. Teastaíonn deimhnithe ar leith do gach druga rialaithe forordaithe aonair.
Ón 1 Aibreán 2023, beidh Deimhniú Airteagal 75 a d’eisigh údarás inniúil i do thír féin ag teastáil ó chónaitheoirí Limistéar Schengen chun támhshuanaigh agus/nó substaintí síceatrópacha forordaithe áirithe a iompar nuair a bhíonn siad ag taisteal go hÉirinn ó áit laistigh de Limistéar Schengen.
Beidh Deimhniú Airteagal 75 ag teastáil má tá druga rialaithe sna támhshuanaigh agus/nó substaintí síceatrópacha forordaithe a liostaítear i Sceideal II nó Sceideal III de‘na Rialacháin um Mí-Úsáid Drugaí, 2017’. Teastaíonn deimhniú ar leith do gach druga rialaithe. Tabhair faoi deara, le do thoil, nach gceadaítear táirgí cannabasbhunaithe a thabhairt isteach go hÉirinn.
Mura bhfuil tú cinnte maidir le cibé acu an dteastaíonn nó nach dteastaíonn deimhniú ó do tháirgí míochaine chun Éire a iontráil, déan teagmháil, le do thoil, le do lia-chleachtóir nó do chógaiseoir dáiliúcháin lena dheimhniú cibé acu an bhfuil nó nach bhfuil substaint ghníomhach Sceideal II nó Sceideal III i do tháirgí forordaithe.
Drugaí rialaithe iad Meatadón agus Búipreanoirfín, a úsáideann othair le haghaidh ópóideach cóireáil le substaint ionadaíoch ópóideach, faoi na Rialacháin um Mí-Úsáid Drugaí, 2017 agus is féidir iad a thabhairt isteach go hÉirinn ó Limistéar Schengen le Deimhniú Airteagal 75.
Tabharfar Deimhniú Airteagal 75 isteach go luath do chónaitheoirí Éireannacha atá ag taisteal go tíortha Schengen. Go dtí sin, ba cheart do dhaoine atá ag taisteal amach as Éirinn le támhshuanaigh agus/nó substaintí síceatrópacha dá n-úsáid phearsanta seiceáil le húdaráis ábhartha na tíre a bhfuil siad ag taisteal chuici lena chinntiú go mbeidh cead acu a gcógais a thabhairt leo. Tá eolas áisiúil ar fáil freisin ar láithreán gréasáin an Bhoird Idirnáisiúnta um Rialú Támhshuanach (an INCB).
Go dtí go dtabharfar Deimhniú Airteagal 75 isteach do chónaitheoirí Éireannacha, molaimid go n-iompraíonn siad a gcógais sa bhunphacáistiú, agus ainm an othair lipéadaithe go soiléir orthu. Ba cheart go mbeadh cóip acu freisin dá n-oideas agus/nó litir óna ndochtúir agus/nó a gcógaiseoir dáiliúcháin ina dtugtar cuntas ar a riocht agus ina luaitear go bhfuil na cógais atá i gceist dá n-úsáid phearsanta.
Is é an cleachtas faoi láthair in Éirinn go gcaithfidh an t-oifigeach custam a bheith sásta go dtacaíonn an cháipéisíocht le méid agus úsáid phearsanta na dtáirgí míochaine forordaithe atá faoi sheilbh an taistealaí.
Ba cheart a thabhairt faoi deara go mbíonn an focal scoir ag an údarás custam i ngach ceist den sórt sin.
Is féidir teacht ar chógais ar deonaíodh údarú margaíochta dóibh in Éirinn ag an nasc seo a leanas leis an ÚRTS. Níl údarú margaíochta Éireannach do do tháirgí forordaithe ina riachtanas nuair a bhíonn támhshuanaigh agus/nó substaintí síceatrópacha a forordaíodh i dtír i Limistéar Schengen á dtabhairt isteach go hÉirinn má ghabhann Deimhniú Airteagal 75 leo.
Ba cheart do dhaoine atá ag taisteal go hÉirinn an t-eolas faoin táirge nó ainm an druga thámhshuanaigh nó na substainte síceatrópaí a iontráil sa bharra cuardaigh faoi ‘cuardaigh do chógas’ ar láithreán gréasáin an ÚRTS [Iontráil Ainm Trádála, an tSubstaint Ghníomhach nó an Uimhir Cheadúnais]. Sonrófar faoin teideal ‘Stádas’ cén Sceideal sna Rialacháin um Mí-Úsáid Drugaí, 2017 a gcatagóirítear an druga rialaithe faoi (má chatagóirítear in aon chor é). Teastóidh Deimhniú Airteagal 75 ó gach substaint Sceideal II agus Sceideal III.
Forálann an deimhniú do sholáthar 30 lá de dhrugaí rialaithe a iompar d’úsáid phearsanta.
Má bhíonn aon cheisteanna breise agat faoi do chógas pearsanta, ba cheart duit ríomhphost a sheoladh chuig an tÚdarás Rialála Táirgí Sláinte ag: enforcementcontrol@hpra.ie
Is féidir le cuairteoirí go hÉirinn a mhéid le soláthar 3 mhí de chógais oidis a thabhairt leo dá n-úsáid phearsanta féin. Molaimid go dtugann taistealaithe na cógais oidis ina mbunphacáistiú, agus a n-ainm á thaispeáint go soiléir orthu.
Ba cheart go ngabhfadh a n-oideas nó cóip de, agus/nó litir óna ndochtúir agus/nó a gcógaiseoir dáiliúcháin leis seo ina dtugtar cuntas ar a riocht agus ina luaitear go bhfuil na cógais atá i gceist dá n-úsáid phearsanta. Ba cheart go mbeadh an t-eolas seo taobh istigh den phacáiste ina bhfuil an cógas á iompar, mar bhealach chun dlisteanacht na coinsíneachta le haghaidh iompórtála go hÉirinn a sholáthar.
Is é an cleachtas faoi láthair in Éirinn go gcaithfidh an t-oifigeach custam a bheith sásta go dtacaíonn an cháipéisíocht le méid agus úsáid phearsanta na dtáirgí míochaine atá faoi sheilbh an taistealaí.
Ba cheart a thabhairt faoi deara go mbíonn an focal scoir ag Údarás Custam na hÉireann i ngach ceist den sórt sin.