Tá sé deimhnithe ag an Údarás Náisiúnta Iompair (ÚNI) go bhfuil gach oibreoir iompair sa Scéim Saorthaistil anois ag tabhairt cead do chustaiméirí a bhfuil Cárta Saorthaistil CSP acu leanúint ar aghaidh ag baint leas as Saorthaisteal fiú má tá an cárta imithe in éag. Is beart sealadach é seo mar gheall ar COVID-19.
Tá tuilleadh eolais faoi athnuachan do Chárta Seirbhísí Poiblí (CSP) ar fáil anseo.
Tá an Scéim Saorthaistil ar fáil do:
- gach duine atá 66 bliain d'aois nó os a chionn agus atá ina gcónaí go buan sa Stát go dleathach
- daoine áirithe atá faoi bhun 66 bliain d'aois agus atá ina gcónaí go buan sa Stát go dleathach. Má tá tú faoi bhun 66 bliana d'aois, ní mór duit coinníollacha áirithe a chomhlíonadh
Tugann an Scéim Saorthaistil cead duit taisteal, saor in aisce, ar gach iompar poiblí ar leis an Stát é. Áirítear leis seo bus, iarnród, Nasc Áitiúil agus an Luas, le roinnt eisceachtaí.
Tá saorthaisteal ar fáil freisin ar roinnt seirbhísí atá faoi chúram oibreoirí príobháideacha iompair bus agus farantóireachta. Dá mba mhian leat a fháil amach faoi ghlacadh le Cártaí Saorthaistil ag oibreoir, tá an liosta iomlán ar fáil anseo nó is féidir leat teagmháil a dhéanamh leis an roinn chun seiceáil a dhéanamh.
Agus tú ag baint úsáid as do Chárta Saorthaistil ní mór duitcloí leis na rialacha a bhaineann leis an gcineál iompair atá á thógáil agat.
Ní féidir leat do Chárta Saorthaistil reatha a úsáid le haghaidh saorthaistil laistigh de Thuaisceart Éireann. Faigh tuilleadh eolais faoi conas leas a bhaint as saorthaisteal laistigh de Thuaisceart Éireann.
Má cháilíonn tú don Scéim Saorthaistil, d'fhéadfadh Cárta Saorthaistil Compánaigh a bheith ar fáil i gcásanna áirithe. Is féidir le do chompánach taisteal leat saor in aisce leis an gcárta seo. Ní féidir le duine ar bith eile do Chárta Saorthaistil a úsáid, is duitse amháin atá sé.
Léireoidh do Chárta Seirbhísí Poiblí ceann de na cóid seo a leanas sa chúinne ar bharr ar thaobh na láimhe clé an incháilitheacht atá agat le haghaidh saorthaisteal le céile, páirtí, comhchónaitheoir nó compánach:
- FT-P - níl cead ag duine ar bith ach amháin tú féin úsáid a bhaint as saorthaisteal
- FT+S - is féidir le do chéile, le do pháirtí nó le do chomhchónaitheoir taisteal leat saor in aisce
- FT+C - is féidir le compánach atá os cionn 16 taisteal in éineacht leat saor in aisce
Sa chás nach bhfuil tú in ann taisteal leat féin mar gheall ar riocht sláinte ach go bhfuil Cárta Saorthaistil agat, is féidir leat iarratas a dhéanamh ar Chárta Saorthaistil Compánaigh ach úsáid a bhaint as:
Is féidir le gach duine atá 66 bliana d'aois nó os a chionn agus atá ina gcónaí go buan sa Stát an Scéim Saorthaistil a úsáid.
Seolfaidh an roinn Cárta Saorthaistil chugat go huathoibríoch sna cásanna seo a leanas:
- má tá tú 66 bliana d'aois nó níos sine
- má tá pinsean leasa shóisialaigh agat
- má dheimhnigh tú d'aitheantas leis an bpróiseas clárúcháin SAFE (Creat-Thimpeallacht i gcomhair Fíordheimhniú Caighdeáin), agus
- mura bhfuil do Chárta Seirbhísí Poiblí (CSP) imithe in éag
Mura bhfuil tú cláraithe le SAFE, iarrfaidh an roinn ort é sin a dhéanamh. Nuair a bheidh sé sin curtha i gcrích, seolfaidh an roinn do Chárta Saorthaistil chugat.
Má tá do CSP imithe in éag, ní mór duit é a athnuachan chun leas a bhaint as an Scéim Saorthaistil. Is féidir leat é sin a dhéanamh ar líne ag MyWelfare.ie nó ag d'Ionad CSP áitiúil.
Má tá tú faoi bhun 66 bliana d'aois, féadfaidh sé go bhfuil tú i dteideal an Scéim Saorthaistil a úsáid má tá tú i do chónaí go buan sa Stát go dlíthiúil agus:
- má tá tú ar Liúntas Míchumais, Pinsean na nDall, Liúntas Cúramóra nó ar an bPinsean Easláine
- má tá tú dall nó lagamhairc agus má chomhlíonann tú na coinníollacha leighis do Phinsean na nDall
- má tá Forlíonadh Éagumais le Pinsean Míthreorach á fháil agat le ar a laghad 12 mhí anuas
- más cúramóir ainmnithe thú do dhuine a fhaigheann Liúntas Síorfhreastail nó Liúntas Gaolta Forordaithe
- má tá íocaíocht easláine slándála sóisialta (nó a mhacasamhaill d'íocaíocht) á fáil agat ó bhallstát eile den AE nó ó thír a bhfuil comhaontú déthaobhach slándála sóisialta ag Éirinn léi ar feadh ar a laghad 12 mhí anuas
nó
Má tá tú faoi bhun 66 bliana d'aois, má dheimhnigh tú d'aitheantas leis an bpróiseas clárúcháin SAFE agus mura bhfuil do Chárta Seirbhísí Poiblí (CSP) imithe in éag, gheobhaidh tú Cárta Saorthaistil go huathoibríoch má fhaigheann tú:
Mura bhfuil tú cláraithe le SAFE, iarrfar ort é sin a dhéanamh sula seolann an roinn do Chárta Saorthaistil chugat.
Má tá do CSP imithe in éag, ní mór duit é a athnuachan chun leas a bhaint as an Scéim Saorthaistil. Is féidir leat é sin a dhéanamh ar líne ag MyWelfare.ie nó ag d'Ionad CSP áitiúil.
Má chomhlíonann tú aon cheann de na coinníollacha thuas, is féidir leat iarratas a dhéanamh ar an Scéim Saorthaistil leis an Foirm iarratais FT1.
Féadfaidh sé go bhfuil tú i dteideal na Scéime Saorthaistil más baintreach, baintreach fir nó páirtnéir sibhialta marthanach thú agus má tá tú 60 bliain d'aois nó os a chionn. Sa chás seo, ní mór Cárta Saorthaistil a bheith ag do chéile nó do pháirtnéir sibhialta nach maireann, agus ní mór duit a bheith ar cheann de na híocaíochtaí seo a leanas:
- Pinsean Baintrí, Baintrí Fir nó Páirtnéara Shibhialta Mharthanaigh (Ranníocach)
- Pinsean Baintrí, Baintrí Fir nó Páirtnéara Shibhialta Mharthanaigh (Neamhranníocach)
- Íocaíocht Teaghlaigh Aontuismitheora
- gnáthphinsean Baintrí an Gharda Síochána
- Pinsean Sochair Bháis (faoin Scéim um Dhíobhálacha Ceirde)
Tabhair faoi deara: go bhfhéadfá pinsean nó sochar slándála sóisialta den chineál céanna a fháil ó bhallstát AE nó ó thír a bhfuil comhaontú déthaobhach slándála sóisialta ag Éirinn léi.
Chun leas a bhaint as saorthaisteal laistigh de Thuaisceart Éireann, ní mór duit:
- bheith 66 nó níos sine
- cárta saorthaistil a bheith agat, agus
- Cárta Pas Cliste do Sheanóirí a fháil
Tá foirmeacha iarratais (FTNI1) do Chártaí Pas Cliste do Sheanóirí ar fáil ó:
Ní mór an fhoirm iarratais chomhlánaithe a thabhairt go pearsanta (gan í a chur sa phost nó ar ríomhphost) chuig d'Ionad Intreo áitiúil nó d'Oifig Bhrainse Leasa Shóisialaigh áitiúil. Ní mór duit na doiciméid seo a leanas a thabhairt leat in éineacht le d'fhoirm iarratais chuig d'Ionad Intreo nó d'Oifig Bhrainse Leasa Shóisialaigh:
- Gnáthghrianghraf daite pas a glacadh le déanaí
- fianaise ar d'aitheantas (ceadúnas tiomána/pas/aon chineál eile aitheantais grianghraf, má tá sé ar fáil)
- fianaise ar sheoladh (bille fóntais le déanaí, mar shampla bille leictreachais/gáis/fóin/táillí dramhaíola nó ráiteas bainc/cumann foirgníochta/comhar creidmheasa) agus
- Cárta Saorthaistil reatha
Cuirfear d'iarratas ar aghaidh chuig na húdaráis i dTuaisceart Éireann a sheolfaidh do chárta Pas Cliste do Sheanóirí agus treoracha úsáide, go díreach chuig do sheoladh baile. D'fhéadfadh suas le sé seachtaine a bheith i gceist chun an t-iarratas a phróiseáil.
Má tá do Chárta Pas Cliste do Sheanóirí imithe in éag, déan teagmháil leis an oifig Pas Cliste go díreach ag:
- Ríomhphost: smartpass@translink.co.uk
- Fón: 0044 2890759129
Déan cinnte d'ainm, do sheoladh agus d'uimhir PSP a chur ar fáil agus seolfaidh an Oifig Pas Cliste foirm athnuachana go díreach chugat.
Má tá do Chárta Pas Cliste do Sheanóirí caillte, goidte, damáistithe nó má d'athraigh tú d'ainm, is féidir leat iarratas a dhéanamh ar chárta athsholáthair ach an Fhoirm iarratais FTNI2 a úsáid.
Chun iarratas a chur isteach ar an Scéim Saorthaistil, íoslódáil foirm iarratais FT1. Is féidir leat foirm iarratais FT1 a fháil freisin ó:
Seol d'fhoirm iarratais chomhlánaithe mar aon le do dhoiciméid tacaíochta ar ais chuig an Rannóg Saorthaistil.
Foirm Iarratais: Scéim Saorthaistil (FT1)
Eagrán: Eanáir 2023
Íosluchtaigh nasc le haghaidh
Íoslódáil
féachaint ar an gcomhad
Amharc
Foirm Iarratais: Cárta Compánach Saorthaistil 70+ (FT O/70)
Eagrán: Eanáir 2022
Íosluchtaigh nasc le haghaidh
Íoslódáil
féachaint ar an gcomhad
Amharc
Foirm Iarratais: Chárta Saorthaistil Chompánaigh Faoi Bhun 70 Bliain d’Aois (FT U/70)
Eagrán: Feabhra 2023
Íosluchtaigh nasc le haghaidh
Íoslódáil
féachaint ar an gcomhad
Amharc
Foirm Iarratais: Cárta Ionadach SmartPass (FTNI 2)
Eagrán: Lúil 2022
Íosluchtaigh nasc le haghaidh
Íoslódáil
féachaint ar an gcomhad
Amharc
Tá tuilleadh eolais faoi conas do Chárta Saorthaistil a úsáid ar fáil anseo.
An Rannóg Saorthaistil
Seoladh:
Seirbhísí Leasa Shóisialaigh, An Roinn Gnóthaí Fostaíochta agus Coimirce Sóisialaí, Bóthar an Choláiste, Sligeach, Contae Sligeach, F91 T384
Suíomh gréasáin:
Ríomhphost:
Uimhir theileafóin:
Déantar cur síos sna treoirlínte oibríochta ar na próisis agus ar na nósanna imeachta a leanann baill foirne na roinne agus iad i mbun a gcuid oibre.