Seirbhís
Scéim um Leas Ainmhithe agus Stóráil Cothaitheach
Ó An Roinn Talmhaíochta, Bia agus Mara
Foilsithe
An t-eolas is déanaí
Tá an Scéim SNTS 3 um Leas Ainmhithe agus Stóráil Cothaitheach (SLASC) oscailte le haghaidh iarratas anois. Is féidir iarratais a dhéanamh trí do chuntas Agfood.
Tugann na Scéimeanna Nuachóirithe Talmhaíochta Spriocdhírithe (SNTS 3) deontais d'fheirmeoirí chun raon sonraithe foirgneamh agus trealamh feirme a thógáil agus/nó a fheabhsú ar a ngabháltas.
Déanfaidh an Scéim um Leas Ainmhithe agus Stóráil Cothaitheach nuachóiriú feirme a éascú, lena n-áirítear soláthar a dhéanamh do leas ainimhithe, coinníollacha oibre agus táirgthe ar fheirmeacha a fheabhsú, iomaíochas a fheabhsú agus cur le hioncaim a shaothraítear ó thalmhaíocht, cuidiú le feirmeoirí eisfhearadh ainmhithe, uisce salach agus aoiligh feirme eile a stóráil agus le saoráidí gaolmhara chomh maith le cuidiú le Feirmeoirí Capall leas ainmhithe a fheabhsú.
Ní íocfar cúnamh deontais ach ó chaiteachas ceadaithe, críochnaithe, agus incháilithe agus íocfar ag ráta 40% suas go dtí an uasteorainn infheistíochta infheidhme SNTS 3 €90,000 in aghaidh an ghabháltais. I gcás iarratais ó dhá pháirtí incháilithe nó níos mó atá i bpáirtíocht atá cláraithe ar Chlár na Páirtíochta Feirme de chuid na Roinne seo, méadófar an uasteorainn infheistíochta incháilithe go €160,000. Is ceadmhach roinnt iarratas in aghaidh an sciar a dhéanamh, ach is é €2,000 in aghaidh an iarratais an t íosmhéid infheistíochta atá cáilithe le haghaidh faofa faoin Scéim seo.
