Tacaíochtaí Fuinnimh

Is eol don Rialtas go bhfuil brú airgeadais breise ar theaghlaigh agus ar ghnóthais de bharr na coinbhleachta leanúnaí sa Mheánoirthear.

Mar fhreagairt air sin, tá bearta sealadacha agus spriocdhírithe tugtha isteach ag an Rialtas chun praghsanna breosla a laghdú do theaghlaigh agus do ghnóthais agus tacaíochtaí breise a thabhairt do phríomhearnálacha de gheilleagar na hÉireann.

Áirítear ar na bearta sin laghdú sealadach ar mhál ar pheitril agus ar dhíosal, laghdú ar thobhach NORA ar tháirgí peitriliam, leathnú ar an scéim lacáiste díosail do tharlóirí agus d’oibritheoirí bus agus cóiste, agus síneadh ceithre seachtaine eile leis an tséasúr liúntais breosla. Le haghaidh tuilleadh eolais, féach Gov.ie.

• Déan teagmháil le do sholáthraí fuinnimh ionas nach ndícheanglófar thú. Is iomaí soláthraí atá cláraithe leis an gCód Energy Engage ina mbeidh réimse cosaintí ar fáil tar éis duit dul i mbun plé le do sholáthraí.
• Is féidir le soláthraithe plean aisíocaíochta agus cúnamh trí chiste cruatain a chur ar fáil duit.
• Is féidir na céadta euro a shábháil in aghaidh na bliana trí do sholáthraí a athrú. Déan comparáid ar roghanna ar bonkers.ie nó switcher.ie nó labhair go díreach le do sholáthraí.

Tá cosaintí breise ag custaiméirí leochaileacha - déan cinnte go bhfuil tú cláraithe le do sholáthraí

• Comhairle agus tacaíocht saor in aisce:
  • SBCA (an tSeirbhís Buiséadaithe agus Comhairle Airgid) www.mabs.ie
  • ALONE (do dhaoine atá os cionn 60 bliain d'aois) www.alone.ie
  • An Coimisiún um Rialáil Fóntais (CRF) www.cru.ie
• Foilsíonn an CRF bearta cosanta custaiméiri don gheimhreadh, lena n-áirítear moratóirí ar dhícheangal agus tacaíochtaí do chustaiméirí a bhfuil deacrachtaí airgeadais acu.

• Síneadh leis an ráta laghdaithe CBL 9% ar leictreachas agus ar ghás go 2030
• Liúntas Breosla:
  • Méadaithe go dtí €38 in aghaidh na seachtaine (ó mhí Eanáir 2026)
  • Incháilitheacht leathnaithe (lena n-áirítear faighteoirí na hÍocaíochta do Theaghlach i bhFostaíocht)
  • Tuilleadh eolais: gov.ie/FuelAllowance
• Pacáiste Sochair Teaghlaigh: cuidítear leis le billí leictreachais nó gáis agus cuimsítear leis ceadúnas teilifíse saor in aisce
• Tacaíochtaí breise airgeadais:
  • Forlíonadh Téimh (do riachtanais leighis eisceachtúla)
  • Íocaíocht Riachtanas Breise: gov.ie/ANP
  • Liúntas Forlíontach Leasa (LFL): gov.ie/SWA
  • Na sonraí ar fad: Scéimeanna Leasa Shóisialaigh an Rialtais
• Tacaíochtaí uasghrádaithe tí agus fuinnimh:
  • Deontas um Chúnamh Tithíochta do Dhaoine Scothaosta (trí údaráis áitiúla)
  • Uasghráduithe Fuinnimh Tí Lánmhaoinithe (SEAI)
  • An Scéim Iasachta Uasghrádaithe Fuinnimh Tí - trínar féidir le húinéirí tí suas le €75,000 a fháil ar iasacht ar leibhéil ísle úis
  • An Scéim Fotavóltach Gréine do Chustaiméirí atá Leochaileach ó thaobh Míochaine de